ആക്കോവു 4:6 - സാമി സേദി

⁶ അദ്‌നാലെ സാമിന ബ്‌ട്ട് പ്‌റ്‌ന്ത് പോഗാദിര്‌ക്ക്യ ആസെപഡ്‌ന്റവാര്‌ന സാമി അപ്പാര ഗവപഡ്‌ന്റാന്. എന്ത്‌ക്കെന്റ് സൊന്ന <<പെരിമെനായ സൊല്ലിനഡാക്ക്‌ന്റവാര്‌ന സാമി പോട്ടിഗാറാരായി കണാക്ക് മാഡ്‌ന്റാന്. സാമി കണ്ണ്‌ക്ക് തണിന്ത് പെ്ളേക്ക്‌ന്റവാര്‌ന സാമി അപ്പാര ഗവപഡ്‌ന്റാന്>> എന്റ് സാമി ബൊക്കുലു എ്ള്‌ദിര്‌ക്കുവാദ്‌നാലെത്തെ.

ആക്കോവു 4:6 ပူးပေါင်းရင်းမြစ်များ

മത്തായി 13:12

ഇര്‌ക്ക്‌ന്റവാന്‌ക്ക് ഇര്‌ക്കുവാദ്‌ന ബ്‌ഡ സാമി മൊത്തന കൊഡുക്കുവാന്. അവാന്‌ക്ക് അളാവുക്കു മീ്റി കെ്ഡേക്ക്‌മ്. ലേസ ഇര്‌ക്ക്‌ന്റവാന്‌ക്ക് അയി ഇര്‌ക്കുവാദ്‌ന ഗുഡി സാമി എ്ഡ്‌ത്ത് തള്ളുവാന്.

മത്തായി 23:12

തനാന താനെ ദൊഡ്ഡവാന് മാഡ്‌ന്റവാന്‌ന സാമി സ്‌ന്നവാന് മാഡുവാന്. തനാന താനെ സ്‌ന്നവാന് മാഡ്‌ന്റവാന്‌ന സാമി ദൊഡ്ഡവാന് മാഡുവാന്.>>

ലൂക്കോസു 1:52

പദാവിപട്ടാത്ത്‌ല് ഇന്തവാര്‌ന അയാള് അഡി ഇ്റാക്കിര്‌ന്റാന്. ബെലെ ഇല്ലത്തവാര്‌ന ബെലെ ഇര്‌ന്റവാര് മാഡുവാന്.

ലൂക്കോസു 14:11

തനാന താനെ ദൊഡ്ഡവാന് മാഡ്‌ന്റവാന്‌ന സ്‌ന്നവാന് മാഡുവാന്. തനാന താനെ സ്‌ന്നവാന് മാഡ്‌ന്റവാന്‌ന ദൊഡ്ഡവാന് മാഡുവാന്.>>

ലൂക്കോസു 18:14

നാന് നിമാക്ക് ഒറേപ്പായി സൊന്റെ, കന്ത്യ കെ്ട്ടുവ കാസ് പിരിക്ക്‌ന്റവാന് സാമി കണ്ണ്‌ക്ക് നേര്‌മെഗാറാനായി ബീ്ഡ്‌ക്ക് പോനാന്. പരിസാന് അത്ത്യല്ല. തനാന താനെ ദൊഡ്ഡവാന് മാഡ്‌ന്റവാന്‌ന സാമി സ്‌ന്നവാന് മാഡുവാന്. തനാന താനെ സ്‌ന്നവാന് മാഡ്‌ന്റവാന്‌ന സാമി ദൊഡ്ഡവാന് മാഡുവാന്.>>

ആക്കോവു 4:10

അത്തെ നിമ്മ ആണ്ടവാന്‌ക്കായി തണിന്ത് പെ്ളേത്ത ആണ്ടവാന് നിമാന ദൊഡ്ഡവാന് മാഡുവാന്.

1 പത്ത്‌റോസു 5:5

അദേപാസെത്തെ ബീ്ണാരെ, മൂപ്പനാമ് സൊല്ലുപഡിക്ക് നഡാന്. നിമ്മ ആങ്കീങ്ക് തണിമോഡ കെ്ട്ട്‌പട്ട് നഡാന്. എന്ത്‌ക്കെന്റ് സൊന്ന, <<പെരിമെനായ സൊല്ലിനഡാക്ക്‌ന്റവാര്‌ന സാമി പോട്ടിഗാറാരായി കണാക്ക് മാഡ്‌ന്റാന്. സാമി കണ്ണ്‌ക്ക് തണിന്ത് പെ്ളേക്ക്‌ന്റവാര്‌ന സാമി അപ്പാര ഗവപഡ്‌ന്റാന്.>>