ആക്കോവു 3:9 - സാമി സേദി

⁹ അയി ഒന്റേ ബായില് നമ്മ അപ്പാന്‌മ് ആണ്ടവാന്‌മ് ആയിര്‌ക്കുവ നമ്മ് സാമിക്ക് നണ്ണിമ് സൊന്റാമ്, സാമി തനാന പാസെ ദ്‌ട്ട്‌സ്‌ന മന്‌സാര്‌ഗാള്‌ക്ക് സാപ്പാമ് ഇക്ക്‌ന്റാമ്. ഇത്തെ ഗേവാദ് സെര്യ?

ആക്കോവു 3:9 ပူးပေါင်းရင်းမြစ်များ

അപ്പോസുത്തലാര് 2:26

അദ്‌നാലെ എനാക്ക് പിര്യാമ് ആറ്റ്, നാന് പിര്യപിര്യാത്ത് ആലാത്ത് ക്‌ളാമ്പ്‌നെ. നാന് മന്‌സാന് ആനാല്‌മ് നെഞ്ചഡെബെത്ത് കാത്ത്‌റ്‌ക്കുവെ.

1 കൊരിന്ത്യഗാറാര് 11:7

ഗണ്ടാള്‌ഗാള് തലേക്ക് സീലെ സൂഡ ബേ്ഡ. എന്ത്‌ക്കെന്റ് സൊന്ന ഗണ്ടാള്‌ഗാള് സാമി ഉരുവാന പാസെ ഇര്‌ക്ക്‌ന്റവാര്‌മ് സാമിക്കിര്‌ക്കുവ മദ്‌പ്പ്‌ന കാട്ട്‌ന്റവാര്‌മ്‌ത്തെ. ആന പെ്ണ്ണ്‌മക്കാള് ഗണ്ടാള് മദ്‌പ്പ്‌ന കാട്ട്‌ന്റാര്.

റോമഗാറാര് 3:14

<<അവാര് ബായിലിന്ത് ബരുവ നായഗാളൊട്ടുക്കുമു സാപ്പ ഇക്കുവ നായഗാള്‌മ് കീ്ട്ട്‌ഗ ബെത്ത് സൊല്ലുവ നായഗാള്‌മ്‌ത്തെ.>>

മത്തായി 26:74

അദുക്കുള പത്ത്‌റോസു: <<നാന് സൊല്ലുവാദ് സാമി സാക്കി സത്ത്യത്തെ! നാന് സൊല്ലുവാദ് പൊയ്യായിന്തദാന നാന് തൊലേന്ത് പോന്റെ! നിമ്മ സൊല്ലുവ അയാള്‌ന എനാക്ക് തെര്യാഗേ തെര്യ!>> എന്റ് സൊല്ല്യ പ്‌ഡിത്താന്. അന്നാല് താനെ കോയിമ് കൂഗുറ്റു.

മത്തായി 5:44

ആന നാന് നിമാക്ക് സൊല്ലുവാദ് എന്തെന്റ് സൊന്ന, നിമ്മ് പോട്ടിഗാറാര്‌ന സീവാന്‌ബെത്ത് നഡാന്. നിമാന കൊഡിമെപഡ്‌സ്‌ന്റവാര്‌ക്ക് ബേ്ണ്ടി പരേസ്‌ന്.

എപസോസുഗാറാര് 1:3

നമ്മ് നിഗാല് കുട്ടിക്ക് എന്നാല്‌ക്ക്‌മ് പെ്ളേക്കുവാദ്‌ക്കുള്ള എല്ലാ ബാക്ക്‌വരഗാള്‌മ് ക്‌റ്‌സ്‌ത്ത്‌ന ബെത്ത് തന്ത്‌റ്‌ക്കുവ സാമിക്ക് നാന് നണ്ണി സൊന്റെ. അയി സാമി നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ത്ത് സാമിമ് അപ്പാന്‌മ് ആയിര്‌ക്ക്‌ന്റവാന്‌ത്തെ.

1 പത്ത്‌റോസു 1:3

നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്.

ആക്കോവു 1:27

ദബാരിഗാള്‌ക്ക്‌മ് മ്‌ണ്ടേസ്യാര്‌ക്ക്‌മ് കജട്ട ബര്‌ഗാട്ടി അവാര്‌ന കയി താങ്കുവാദ്‌മ് ഈ ലോഗാത്ത്‌ലിര്‌ക്കുവ ആഗാത്ത കാര്യഗാളൊന്റുമു ഗേഗാദെ തനാന താനെ സൂസാരിക്കുവാദ്‌മ്‌ത്തെ സാമി കണ്ണ്‌ക്ക് മെച്ച്‌പ്‌ഡിത്ത ബക്‌തി.

ആക്കോവു 3:10

ഏസ്സ്‌ഗാറാരെ, ഒന്റേ ബായില് താനെ നമ്മ നണ്ണി സൊല്ലുവാദ്‌മ് സാപ്പ ഇക്കുവാദ്‌മ് നല്ലാദല്ല.