ആക്കോവു 3:8 - സാമി സേദി

⁸ ആന നാവുലിന്ത് സൊല്ലുവ നായന അഡാക്കി ബെക്കുവാദ് അപ്പാര കഡ്‌പ്പാത്തെ. എന്ത്‌ക്കെന്റ് സൊന്ന നഞ്ച് ഒന്റു മന്‌സാന്‌ന അളിക്കുവ പാസെ നാവുലിന്ത് സൊല്ലുവ കെ്ട്ട നായാമ് ഒന്റു മന്‌സാന് പെ്ളേപ്പ്‌നഗേ അളിത്ത് തള്ള്‌ന്റ്.

ആക്കോവു 3:8 ပူးပေါင်းရင်းမြစ်များ

റോമഗാറാര് 3:13

<<അവാര് ബായിലിന്ത് ബരുവ നായഗാളൊട്ടുക്കു മൂഡാത്ത സാവു കുയിലിന്ത് ബരുവ നാറ്റന പാസെത്തെ, അവാര് നായഗാളെല്ല ബഞ്ചിക്കുവ നായഗാള്‌ത്തെ.>><<മന്‌സാര്‌ഗാള്‌ന കൊല്ലുവ പാമ്പ് നഞ്ച്‌ന പാസെത്തെ അവാര് സൊല്ലുവ നായഗാള്‌മ്.>>

ആക്കോവു 3:6

നമ്മ സൊല്ലുവ നായാമ് തീന പാസെത്തെ. അത്തെ തീന പാസെ സൊല്ലുവ നായഗാള് നമാന കുറ്റ കൊറേവിര്‌ക്ക്‌ന്റവാന് മാഡ്‌ന്റ്. നരഗാത്ത്‌ലിന്ത് ബന്ത് ഒന്റു തീ അളിത്ത് തള്ളുവ പാസെ അത്തവ നായഗാള് നമ്മ് പെ്ളേപ്പ്‌നഗേ കെ്ഡിസി തള്ള്‌ന്റ്.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

ആക്കോവു 3:7

സോലെല ബേ്ണ്ട്‌വ്‌റാവുഗാള്‌നാമ്, ആഡ്‌മാഡ്‌ഗാള്‌നാമ്, പക്കിപാറ്‌ഗാള്‌നാമ്, ഊരുന്ത് നഡാക്കുവ ഉജുരുകെ്ളെഗാള്‌നാമ്, നീര്‌ല് ഇര്‌ക്കുവ ഉജുരുകെ്ളെഗാള്‌നാമ് പളാക്കി മന്‌സാന് തന്ന് സൊല്ലുപഡിക്ക് മാഡ്‌ന്റാന്.