ആക്കോവു 3:13 - സാമി സേദി13 നിമ്മ് പട്ട്‌ല് ബുദ്ദിസാലിഗാള് ആയിര്‌ക്ക്‌ന്റവാര് ആര്? അവാര് തണിന്ത് നഡാന്ത് നല്ല കാര്യഗാള് ഗേന്ത് തമ്മ ബുദ്ദിസാലിഗാളെന്റ് കാട്ടി കൊഡുക്കുഡൊ. အခန်းကိုကြည့်ပါ။ |
ആക്കോവു 3:13
46 ပူးပေါင်းရင်းမြစ်များ
ആന സാമിലിന്ത് കെ്ഡേക്കുവ അറുവു കവാഡില്ലാത്താദ്‌ത്തെ. അയി അറുവിര്‌ക്ക്‌ന്റവാര് അഡ്‌ത്തവാരോഡ സീവാന്‌ബെത്ത് നിമ്മ്‌ദ്യോഡ ഇര്‌ക്കുവാര്, അഡ്‌ത്തവാന് മനേസ്സ്‌ലിര്‌ക്കുവാദ്‌ന തെരിന്ത് തണിന്ത് കൊഡുത്തു പെ്ളേക്കുവാര്, അവാര് മനേസ്സാറ ഗവപട്ട് അഡ്‌ത്തവാര്‌ക്ക് നല്ലാദ് ഗേവാര്, അവാര് ദൊഡ്ഡവാര് സ്‌ന്നവാര് എന്റ് പ്‌റ്‌ത്ത് നോഡമാട്ടാര്. അവാര് ബക്‌തിഗാറാരെന്റ് നഡിക്കമാട്ടാര്.
ആന നിമ്മ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിക്ക് എ്ണേന്ത ദിന്‌സ്‌ല് നല്ലവാരായി നഡാന്ത്‌പ്‌ഡിത്ത് ഗേഡൊ എന്നുവാദ്‌ത്തെ ഇന്നാല് മുക്ക്യമാന കാര്യ. നിമ്മ ഒത്തിമോഡാമ് ഒന്റേ നെനേവോഡാമ് ഇന്ത് നല്ല സേദിന നമ്പുവ കാര്യാത്ത്‌ല്‌മ് സൊല്ലുവ കാര്യാത്ത്‌ല്‌മ് നിമ്മോഡ മുട്ടി നോഡുന്റവാര് മുന്നുക്കു നിമ്മ ഒറേത്ത് നില്ലുഡൊ. നാന് നിമ്മ് പട്ട്‌ക്ക് ബന്ത് നിമാന കണ്ടാല്‌മ് സെരി ഈങ്കിന്ത് കേ്ട്ടാല്‌മ് സെരി ഈ കാര്യന നിമ്മ ഗേന്റ്‌റ് എന്റ് എനാക്ക് കേ്ള്‌ക്കുഡൊ.
ആന നീ സാമിക്ക് പട്ടവാന് ആയിര്‌ക്കുവാദ്‌നാലെ ഈ കാര്യഗാളെല്ല ഒന്റുമു ഗേഗാദിര്‌ക്കുഡൊ. അദ്‌ക്ക് ബദ്‌ല സാമി ഗേയ സൊന്ന പാസെ കാര്യഗാള് ഗേഡൊ, സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്കുഡൊ, സാമിന മലെന പാസെ നമ്പി നഡാക്കുഡൊ, അഡ്‌ത്തവാരോഡ സീവാന്‌ബെത്ത് നഡാക്കുഡൊ, എല്ലാ കജട്ടഗാള്‌നാമ് പൊറിമോഡ താങ്കുഡൊ, അഡ്‌ത്തവാരോഡ നിദാനത്തോഡ നഡാന്ത്‌പ്‌ഡിത്ത് ഗേഡൊ. ഇദെല്ല നീ മ്‌ഗ്‌ന്ത സുറുസറുപ്പോഡ ഗേഡൊ.
ആന ഒരുത്താന് എനാക്ക്: <<നിനാക്ക് സാമിന നമ്പിക്കെ ഇര്‌ക്ക്‌ന്റ>> എന്റ് കേ്ട്ടദാന നാന് ഇത്തെ സൊല്ലുവെ: <<എനാക്ക് സാമിന നമ്പിക്കെ ഇര്‌ന്റെന്റ് നാന് ഗേവ കാര്യാത്ത്‌ല് നിനാക്ക് കാട്ടി തരുവെ.>> ആന നാന് നിനാന കേ്ള്‌ക്ക്‌ന്റെ: <<നീ സാമിന നമ്പുവാദ്‌നാലെ നീ ഗേവാദ്‌ക്കുള്ള കാര്യഗാള് ഗേഗാദെ പോന സാമിന നീ നമ്പ്‌ന്റായി എന്റ് എത്തെ നിനാക്ക് സൊല്ല്യ മുഡിമ്?>>
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ.
ကြော်ငြာတွေ