ആക്കോവു 3:1 - സാമി സേദി1 ഏസ്സ്‌ഗാറാരെ, സാമി സട്ടാന പഡിസി കൊഡുക്കുവ നമാനാത്തെ സാമി സേത്തി കുറ്റ ബിദിക്കുവാന് എന്റ് നിമ്മ തെരിന്ത്‌റ്‌ക്കുഡൊ. അദ്‌നാലെ നിമ്മ് കൂട്ടാത്ത്‌ല് ഇര്‌ന്റവാര്‌ല് മൊത്തന ആള്‌ഗാള് സാമി സട്ടാന പഡ്‌സ്‌ന്റവാരായ പാങ്കില്ലെ. အခန်းကိုကြည့်ပါ။ |
ആക്കോവു 3:1
30 ပူးပေါင်းရင်းမြစ်များ
ക്‌റ്‌സ്‌ത്ത് സരിഗല ആയിര്‌ക്കുവ ഏസ്സ്‌ഗാറാര് കൂട്ടാത്ത്‌ല മൂട്ടുമുറിഗാളായി സാമി മുദാല് അപ്പോസുത്തലാര്‌നാമ്, റണ്ടാവാദ് സാമി സാമിദാസ്‌ഗാള്‌നാമ്, മൂണാവാദ് ബേദബാത്ത്യനാമ്‌ഗാള്‌നാമ് എ്ഡ്‌ത്ത് ബെത്തറ്‌ന്റാന്. പിന്നെ അദിസ്യുള്ള കാര്യഗാള് ഗേന്റവാര്‌നാമ്, നോയി തെ്ള്‌സുവ ബര ഇര്‌ക്ക്‌ന്റവാര്‌നാമ്, ഉദാവി ഗേവ ബര ഇര്‌ക്ക്‌ന്റവാര്‌നാമ്, ഏസ്സ്‌ഗാറാര് കൂട്ടന നഡാത്തുവ ബര ഇര്‌ക്ക്‌ന്റവാര്‌നാമ്, പല ദിന്‌സ് നായഗാള്‌ല് നായനൊഡിവ ബര ഇര്‌ക്ക്‌ന്റവാര്‌നാമ് എ്ഡ്‌ത്ത് ബെത്ത്‌റ്‌ന്റാന്.
അദ്‌താനേമല്ല, പെരിഗി കൊണ്ട്‌റ്‌ക്കുവ തന്ന് സരിഗലായിര്‌ക്കുവ ഏസ്സ്‌ഗാറാര് കൂട്ടാത്ത്‌ല ആള്‌ഗാള് സാമി മഗാനായിര്‌ക്കുവ ഏസ്സ്‌ന പറ്റി നലമായി തെരിന്ത്, സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ന്റവാരായി പെ്ളേക്കുവ പെ്ളേപ്പ്‌ല് ഒറേപ്പിര്‌ക്ക്‌ന്റവാരായിമ്, സാമിന നമ്പി നഡാക്കുവ പെ്ളേപ്പ്‌ല് ഒത്തിമോഡ ഇര്‌ക്ക്‌ന്റവാരായിമ്, ഏസ്സ് ക്‌റ്‌സ്‌ത്ത്‌ന പാസെ ആഗമാട്ട്‌ക്ക് നമ്മ് കൂട്ടാത്ത്‌ല് ലേസ ആള്‌ഗാള്‌ന ഏസ്സ് ക്‌റ്‌സ്‌ത്ത്‌ന തെര്യാദിര്‌ക്കുവ എ്ഡെഗാള്‌ക്ക് പോയി അപ്പോസുത്തലാര് ഗിലാസ ഗേയാമ്, ബേ്റെ ലേസ ആള്‌ഗാള്‌ന സാമി സൊല്ലുവാദ്‌ന സൊല്ലുവ സാമിദാസ്‌ഗാള് ഗിലാസ ഗേയാമ്, ബേ്റെ ലേസ ആള്‌ഗാള്‌ന ഏസ്സ്‌ന പറ്റി സൊല്ലുവ നല്ല സേദിന സൊല്ലുവ ഗിലാസ ഗേയാമ് ബേ്റെ ലേസ ആള്‌ഗാള്‌ന ഏസ്സ്‌ഗാറാര് കൂട്ടന നഡാത്തുവ മാട്ട്യാന് ഗിലാസ ഗേയാമ് ബേ്റെ ലേസ ആള്‌ഗാള്‌ന ഏസ്സ്‌ന പറ്റ്യുള്ള സത്ത്യാന ഏസ്സ്‌ഗാറാര് കൂട്ടാക്ക് പഡിസി കൊഡുക്കുവ ഗിലാസ ഗേയാമ് എ്ഡ്‌ത്ത് ബെത്ത്‌റ്‌ന്റാന്.
നിമാന നോഡി നഡാക്ക്‌ന്റവാര് സൊല്ലുവാദ്‌ന കേ്ട്ട് അവാര്‌ക്ക് കെ്ട്ട്‌പട്ട് ഇര്‌ന്. നിമാന പറ്റ്യുള്ള കണാക്ക് അവാര് സാമിക്ക് കൊഡുക്കുഡൊ. അദ്‌നാലെ നിമാന അവാര് സൊക്കാന പാദ്‌ഗാത്ത് ബെത്ത്‌റ്‌ന്റാര്. അവാര് സൊല്ലുവാദ്‌ന കേ്ട്ട് അദേപാസെ നഡാക്കുവാദാന അവാര് പിര്യപിര്യാത്തോഡ തമ്മ് ഗിലാസ ഗേവാര്. ഇല്ലാദെ പോന അവാര് സങ്കഡത്തോഡ തമ്മ് ഗിലാസാന ഗേവാര്. അദ് നിമാക്ക് ഒന്റു ഉവഗരാമ് ആഗമാട്ട.
ကြော်ငြာတွေ