ആക്കോവു 2:8 - സാമി സേദി

⁸ <<നീ നിനാന സീവാന്‌പഡുവ പാസെ അഡ്‌ത്തവാന്‌നാമ് സീവാന്‌പഡുഡൊ>> എന്റ് സാമി ബൊക്കുലു എ്ള്‌ദിര്‌ക്ക്‌ന്റ്. രാജാവായിര്‌ക്കുവ സാമി തന്ത്‌റ്‌ക്കുവ ഈ സട്ടാത്തെ മ്‌ഗ്‌ന്ത സട്ട. ഈ സട്ടപഡി നഡാന്തദാന നിമാക്ക് നല്ലാദ്.

ആക്കോവു 2:8 ပူးပေါင်းရင်းမြစ်များ

മത്തായി 22:39

റണ്ടാവാദ് സട്ട അദ്‌ക്ക് സമ: <നീ നിനാന സീവാന്‌പഡുവ പാസെത്തെ നീ അഡ്‌ത്തവാര്‌നാമ് സീവാന്‌പഡുഡൊ.>

മത്തായി 25:21

അദുക്കുള പണ്ണാഡി: <അ, നല്ലവാന്‌മ് നമ്പ്യ മുഡിന്റവാന്‌മാന ഗിലാസഗാറാ, നീ നലമായി ഗേന്ത്‌റ്‌ന്റായി. നീ സ്‌ന്ന കാര്യാത്ത്‌ല് ഗുഡി നമ്പ്യ മുഡിന്റവാന് ആയിര്‌ക്കുവാദ്‌നാലെ എഞ്ചോ കാര്യഗാള്‌ന നോഡി നഡാത്ത്യ നാന് നിനാന ബെക്കുവെ. ബന്ത് നിന്ന് പണ്ണാഡ്യാന എന്നൊപ്പ എജേന്ത് പിര്യപൊങ്കു> എന്റ് സൊന്നാന്.

മത്തായി 25:23

അദുക്കുള അയി പണ്ണാഡി: <അ, നല്ലവാന്‌മ് നമ്പ്യ മുഡിന്റവാന്‌മാന ഗിലാസഗാറാ, നീ നലമായി ഗേന്ത്‌റ്‌ന്റായി. നീ സ്‌ന്ന കാര്യാത്ത്‌ല് ഗുഡി നമ്പ്യ മുഡിന്റവാന് ആയിര്‌ക്കുവാദ്‌നാലെ എഞ്ചോ കാര്യഗാള്‌ന നോഡി നഡാത്ത്യ നാന് നിനാന ബെക്കുവെ. ബന്ത് നിന്ന് പണ്ണാഡ്യാന എന്നൊപ്പ എജേന്ത് പിര്യപൊങ്കു> എന്റ് സൊന്നാന്.

മത്തായി 7:12

ബേ്റെ ആള്‌ഗാള് നിമാക്ക് ബേ്ണ്ടി എന്ത് ഗേന്ത് തരുഡൊ എന്റ് നിമ്മ ആസെപഡ്‌ന്റ്‌റൊ അദ് ഒട്ടുക്കു നിമ്മ അവാര്‌ക്ക്‌മ് ഗേന്ത് കൊഡുക്കുഡൊ. മോസെ ബെത്ത സാമി സട്ടഗാള്‌ത്ത്‌മ്, സാമിദാസ്‌ഗാള് സൊന്ന നായഗാള്‌ത്ത്‌മ് പൊറുളു ഇദ്‌ത്തെ.>>

റോമഗാറാര് 13:10

അഡ്‌ത്തവാര്‌ന സീവാന്‌ബെത്ത് നഡാന്ത നീ അവാര്‌ക്ക് കെ്ട്ടാദ് ഗേഗമാട്ടായി. അദ്‌നാലെ സീവാന്‌ബെത്ത് നഡാക്ക്‌ന്റവാന് സാമി സട്ടപഡി നഡാന്ത്‌റ്‌ക്ക്‌ന്റാന്.

ഗലാത്ത്യഗാറാര് 5:14

<<നിമ്മ നിമാന സീവാന്‌പഡുവ പാസെ അഡ്‌ത്തവാര്‌നാമ് സീവാന്‌പഡുഡൊ>> എന്റ് സൊല്ലിര്‌ക്കുവ ഒന്റേ ഒന്റു സട്ടപഡി നഡാന്തദാന മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ക്കൊട്ടുക്കു കെ്ട്ട്‌പട്ട് നഡാക്ക്‌ന്റാമ്.

ഗലാത്ത്യഗാറാര് 6:2

ബുദ്ദിമുട്ടുഗാള് ബര്‌ഗാട്ടി നിമ്മ ആങ്കീങ്ക് കയിതാങ്കുഡൊ. അത്തെ ക്‌റ്‌സ്‌ത്ത് ബെത്ത സട്ടാക്ക് കെ്ട്ട്‌പട്ട് നഡാക്ക്യ നിമാക്ക് മുഡിമ്.

പിലിപ്പ്യഗാറാര് 4:14

എന്റാല്‌മ് എനാക്ക് ബന്ത ബുദ്ദിമുട്ടുലു നിമ്മ എനാന കയിതാങ്ക്‌നാദ് എത്ത്‌റാഗോ നല്ലാദാറ്റ്.

1 തെസെലോനിക്ക്യഗാറാര് 4:9

ഏസ്സ്‌ന നമ്പിര്‌ക്കുവ നിമ്മ ആങ്കീങ്ക് സീവാന്‌ബെത്ത് നഡാക്കുഡൊ എന്നുവാദ്‌ന പറ്റി നിമാക്ക് എ്ള്‌ദി തരുവ തേവില്ലെ. നിമ്മ ആങ്കീങ്ക് സീവാന്‌ബെത്ത് നഡാക്ക്യ സാമി താനെ നിമാന പഡിസിര്‌ന്റാന്.

ആക്കോവു 1:25

ആന ഒന്റു കൊറേവുമില്ലാത്ത സാമി സൊല്ലുസുലാക്കാന കേ്ട്ട് മറാക്കാദെ നമ്മ അദേപാസെ പെ്ളേക്കുഡൊ. അത്തെ പെ്ളേക്ക്‌ന്റവാര്‌ക്ക് അദ്‌ക്ക് തഗ്‌ന്ത പ്‌ണ്ണ്യ കെ്ഡേക്ക്‌മ്. എന്ത്‌ക്കെന്റ് സൊന്ന നമ്മ് പെ്ളേപ്പ്‌ലിര്‌ക്കുവ കൊറേവുഗാള്‌ന ഒട്ടുക്കു ഇല്ലാദെ മാഡുവാദ്‌ക്കുള്ള ബില സാമി സൊല്ലുസുലാക്കാക്ക് ഇര്‌ക്ക്‌ന്റ്.

ആക്കോവു 2:12

അദേപാസെ സാമി സട്ടപഡി കുറ്റഗാറാരായിന്ത നമാന സാമി ഗവപട്ട്‌ത്തെ കാപാറ്റിര്‌ക്കുവാദ്. അദ്‌നാലെ ഇന്ന്യൊന്റൊരുത്താന് കുറ്റ ഗേവാദ്‌ന കണ്ടദാന നീയിമ് ഗവ പഡുഡൊ.

ആക്കോവു 2:19

സാമി ഒന്റുത്തെന്റ് നീ നമ്പ്‌ന്റായ? നല്ല കണാക്ക്‌ത്തെ. സെയിത്ത്യനാമ്‌മ് അത്തേത്തെ നമ്പ്‌ന്റാര്. അവാര് അഞ്ചിക്കെ പ്‌ഡിത്ത് സദ്‌റാമ് ബെ്ട്ട്‌ന്റാര്.

ആക്കോവു 4:11

ഏസ്സ്‌ഗാറാരെ, സാമി നമാക്ക് സട്ട ബെത്താദ് നമ്മ സാമി സട്ടപഡി പെ്ളേക്ക്യത്തെ. ആന അയി സട്ടാന ബെത്ത് നമ്മ അഡ്‌ത്തവാര്‌ന കുറ്റ ബിദിക്കുവദാന അയി സട്ടാന ബ്‌ഡ നമാന ദൊഡ്ഡവാന് മാഡ്‌ന്റാമ്. എന്ത്‌ക്കെന്റ് സൊന്ന സാമി ഒരുത്താന്‌ത്തെ സട്ട ബെത്ത്‌റ്‌ക്കുവാദ്‌മ് കുറ്റ ബിദിക്കുവാദ്‌മ്. സാമി ഒരുത്താന്‌ക്ക്‌ത്തെ ഒരുത്താന്‌ന കാപാറ്റ്യാമ് കൊല്ല്യാമ് അദിഗര ഇര്‌ക്കുവാദ്. അദ്‌നാലെ ആങ്കീങ്ക് കുറ്റ സൊല്ലി സാമി ഗേവ കാര്യന ഗേയ നീ ആര്?

1 പത്ത്‌റോസു 2:9

നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.