ആക്കോവു 2:18 - സാമി സേദി

¹⁸ ആന ഒരുത്താന് എനാക്ക്: <<നിനാക്ക് സാമിന നമ്പിക്കെ ഇര്‌ക്ക്‌ന്റ>> എന്റ് കേ്ട്ടദാന നാന് ഇത്തെ സൊല്ലുവെ: <<എനാക്ക് സാമിന നമ്പിക്കെ ഇര്‌ന്റെന്റ് നാന് ഗേവ കാര്യാത്ത്‌ല് നിനാക്ക് കാട്ടി തരുവെ.>> ആന നാന് നിനാന കേ്ള്‌ക്ക്‌ന്റെ: <<നീ സാമിന നമ്പുവാദ്‌നാലെ നീ ഗേവാദ്‌ക്കുള്ള കാര്യഗാള് ഗേഗാദെ പോന സാമിന നീ നമ്പ്‌ന്റായി എന്റ് എത്തെ നിനാക്ക് സൊല്ല്യ മുഡിമ്?>>

ആക്കോവു 2:18 ပူးပေါင်းရင်းမြစ်များ

ആക്കോവു 3:13

നിമ്മ് പട്ട്‌ല് ബുദ്ദിസാലിഗാള് ആയിര്‌ക്ക്‌ന്റവാര് ആര്? അവാര് തണിന്ത് നഡാന്ത് നല്ല കാര്യഗാള് ഗേന്ത് തമ്മ ബുദ്ദിസാലിഗാളെന്റ് കാട്ടി കൊഡുക്കുഡൊ.

1 തിമിത്തോസു 1:5

ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് സീവാന്‌ബെത്ത് നഡാക്ക്യ ബേ്ണ്ടിത്തെ നാന് നിനാക്ക് അത്തെ കല്‌പനെ തന്താദ്. അയി സീവാന് കവാഡില്ലാത്ത മനേസ്സ്‌ലിന്ത്‌മ് <<നീ കുറ്റഗാറാനല്ല>> എന്റ് സൊല്ലി തരുവ മനേസ്സ്‌ലിന്ത്‌മ് നേര്‌മാന നമ്പിക്കേലിന്ത്‌മ്‌ത്തെ ബരുവാദ്.

ആക്കോവു 2:14

ഏസ്സ്‌ഗാറാരെ, ഒരുത്താന് ഏസ്സ്‌ന നമ്പിന്ത്‌മ് നമ്പിക്കേക്ക് തഗ്‌ന്ത ഒന്റു കാര്യാമ് ഗേഗാദെ പോന അത്തെ നമ്പ്‌നാദ്‌നാലെ ഒന്റു ഉവഗരാമില്ലെ. അത്തവ നമ്പിക്കെ അയാള്‌ന കാപാറ്റ്‌മ?

ഗലാത്ത്യഗാറാര് 5:6

ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ പരിസേദനെ സാത്ത്‌റ ഗേവാദൊ ഗേഗാദിര്‌ക്കുവാദൊ അല്ല ദൊഡ്ഡ കാര്യ. ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ നമ്മ ബെത്ത് നഡാക്കുവ സീവാന്‌ത്തെ ദൊഡ്ഡ കാര്യ.

തീത്തോസു 2:7

എല്ലാ ദിന്‌സ്‌ലിര്‌ക്കുവ നല്ല കാര്യഗാള്‌മ് നീ താനെ ഗേന്ത് എത്തെ പെ്ളേക്കുഡൊ എന്റ് അവാര്‌ക്ക് കാട്ടി കൊഡുക്കുഡൊ. നീ പഡ്‌സ്‌ഗാട്ടി നല്ല നെനേവോഡാമ് ആള്‌ഗാള് മദ്‌സുവ ദിന്‌സ്‌ല്‌മ്‌ത്തെ പഡുസുഡൊ.

റോമഗാറാര് 14:23

ആന താന് തിന്നുവാദ്‌ന പറ്റി ഒരുത്താന് സന്തേഗ പട്ടദാന സാമി അയാള്‌ന കുറ്റ ബിദിത്ത്‌റ്ന്റാന്. എന്ത്‌ക്കെന്റ് സൊന്ന അയാള് നമ്പിക്കില്ലത്താദ്‌നാലെ അത്തെ ഗേന്താദ്. ഗേയ പാങ്കില്ലെ എന്റ് നീ നമ്പുവ ഒന്റു കാര്യ ഗേന്തദാന അദ് പാവത്തെ.

എവുറായാര് 11:31

നമ്പിക്കെ ഇന്താദ്‌നാലെ റാഗാവു എന്നുവ ബേസി ഇസ്‌റവേല്‌ഗാറാരാന കാട്ടി കൊഡുക്കുന്റവാര്‌ന പിര്യപിര്യാത്ത് തങ്കാരിത്താള്. അത്തെ അവാള് സാമി സൊല്ലുന കേ്ള്‌ക്കത്തവാരോഡ കെ്ട്ട് പോഗാദിന്താള്.

എവുറായാര് 11:33

അവാര്‌ക്ക് നമ്പിക്കെ ഇന്താദ്‌നാലെ രാജ്യഗാള്‌ന സോലുസ്‌നാര്, നേര്‌മെ ഉള്ള കാര്യഗാള്‌ന ഗേന്താര്, സാമി തരുവെ എന്റ് ബാക്ക് തന്താദ്‌ന കെ്ഡേസ്‌നാര്, സിങ്കഗാള് ബായിന കെ്ട്ട്‌നാര്,

എവുറായാര് 11:6

നമ്പിക്കെ ഇല്ലാദെ ആര്‌ക്ക്‌മ് സാമിന പിര്യപഡിസ്യ മുഡ്യാമാട്ട. എന്ത്‌ക്കെന്റ് സൊന്ന സാമി പട്ട്‌ക്ക് ബന്റവാന് സാമി ഇര്‌ക്ക്‌ന്റാന് എന്റ്‌മ് സാമിന കേ്ട്ട്‌കണ്ട് നോഡുന്റവാര്‌ക്ക് സാമിലിന്ത് കൂലി കെ്ഡേക്ക്‌മ് എന്റ്‌മ് നമ്പുഡൊ.

1 കൊരിന്ത്യഗാറാര് 13:2

സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.

റോമഗാറാര് 3:28

അത്തെ മോസെ ബെത്ത സാമി സട്ടപഡി നഡാക്കുവാദ്‌നാലെ അല്ല നമ്മ നമ്പുവ നമ്പിക്കെനാലേത്തെ സാമി നമാന നേര്‌മെഗാറാര് മാഡുവാദ് എന്റ് നമ്മ കണാക്ക് മാഡ്‌ന്റാമ്.

2 കൊരിന്ത്യഗാറാര് 7:1

എനാക്ക് മെച്ച്‌പ്‌ഡിത്ത എ്ണേവുഗാറാരെ, ഈ ഒറേപ്പ് നമാക്ക് ഇര്‌ക്കുവാദ്‌നാലെ നമ്മ് സരിഗലനാമ് മനേസ്സ്‌നാമ് കെ്ഡ്‌സുവ എല്ലാ പാവഗാള്‌നാമ് ബ്‌ട്ട്‌തള്ളി നമാന താനെ ബെ്ഡിപ്പ് മാഡുഡൊ. അത്തെ നിമ്മ സാമിക്ക് അഞ്ചി പാവകറെഗാള് ഒന്റുമില്ലാദെ സുത്താപ്പുള്ളവാരായി പെ്ളേന്.

2 കൊരിന്ത്യഗാറാര് 5:17

ഒരുത്താന് ക്‌റ്‌സ്‌ത്തോഡ ഒന്റായി എ്ണേന്ത അയാള് പുദ്യാദായി ദ്‌ട്ട്‌സ്‌നവാന് ആയിര്‌ക്ക്‌ന്റാന്. പള്യാദെല്ല ഒയിന്ത് പോയി പുദ്യ പെ്ളേപ്പ് തുഡാങ്കിര്‌ക്ക്‌ന്റ്.

റോമഗാറാര് 8:1

അദ്‌നാലെ ഇന്നാല് ക്‌റ്‌സ്‌ത്ത് ഏസ്സോഡ ഒന്റായി പെ്ളേക്ക്‌ന്റവാര്‌ക്ക് പാവാക്ക് കെ്ഡേക്കുവ ദെ്ണ്ടണെ ഇല്ലെ.

റോമഗാറാര് 4:6

നേര്‌മെഗാറാന് ആയ ബേ്ണ്ടി ഒന്റു കാര്യാമ് ഗേഗാദെ താനെ സാമി നേര്‌മെഗാറാര് മാഡുവ മന്‌സാന്‌ക്ക് കെ്ഡേക്കുവ ബാഗ്യന പറ്റി ദാവീദ് സൊല്ലുവാദ്‌മ് ഇദ്‌നത്തെ:

റോമഗാറാര് 9:19

അത്ത്യാന <<സാമി മന്‌സാന്‌ന കുറ്റ സൊല്ലുവാദ് എന്ത്‌ക്ക്? സാമി ആസെപഡി ഗേവാദ്‌ന ആര്‌ക്ക് മുട്ടി നോഡ്യ മുഡിമ്?>> എന്റ് സിലപ്പ നിമ്മ ആരാറ്റ എനാന കേ്ള്‌ക്കുവുറു.