ആക്കോവു 2:13 - സാമി സേദി

¹³ അത്തെ ഇന്ന്യൊന്റൊരുത്താന് പാവ ഗേവാദ്‌ന കാണ്‌ഗാട്ടി നീയിമ് ഗവപട്ട് നായനൊഡിവദാന സാമി നിനാനാമ് ഗവപഡുവാന്. ഗവ പട്ട ബിദിമ് ദൂളു പറാക്കൂ.

ആക്കോവു 2:13 ပူးပေါင်းရင်းမြစ်များ

മത്തായി 5:7

അഡ്‌ത്തവാര്‌ന ഗവപഡ്‌ന്റവാര് ബാഗ്യകേ്ട്ടവാര്, എന്ത്‌ക്കെന്റ് സൊന്ന സാമിമ് അവാര്‌ന ഗവപഡുവാന്.

മത്തായി 6:15

ആന അഡ്‌ത്തവാര് നിമാക്ക് ഗേന്ത കുറ്റഗാള്‌ന നിമ്മ പൊറുക്കാദിന്തദാന മേലോഗാത്ത്‌ലിര്‌ക്കുവ നിമ്മ് അപ്പാന്‌മ് നിമ്മ ഗേന്ത കുറ്റഗാള്‌ന പൊറുക്കമാട്ടാന്.>>

ലൂക്കോസു 6:37

<<നിമ്മ ആര്‌നാമ് കുറ്റ സൊല്ലി ബിദിക്കാദേന്. അന്നാപ്പ് സാമി നിമാനാമ് ബിദിക്കമാട്ടാന്. ആര്‌നാമ് ദെ്ണ്ടിക്കാദേന്, അന്നാപ്പ് സാമി നിമാനാമ് ദെ്ണ്ടിക്കമാട്ടാന്. അഡ്‌ത്തവാര് കുറ്റ ഗേഗാട്ടി നിമ്മ പൊറുത്തിര്‌ന്. അന്നാപ്പ് സാമിമ് നിമ്മ കുറ്റ ഗേഗാട്ടി പൊറുക്കുവാന്.

ആക്കോവു 5:4

നിമ്മ് പട്ട്‌ക്ക് ഗിലാസാക്ക് ബന്തവാര് കൂലിന തീത്ത് കൊഡുക്കത്താദ്‌നാലെ അവാര് ബായി ബ്‌ട്ട് അഗാറ്‌ന്റാര്. അവാര് ബായി ബ്‌ട്ട് അഗാറുവാദ്‌ന ദൊഡ്ഡ പഡേന ബെത്ത്‌റ്‌ക്കുവ ആണ്ടവാന് കേ്ട്ട്‌റ്‌ന്റാന്. അദ്‌ന കേ്ട്ട് ആണ്ടവാന് അവാര്‌ന ദെ്ണ്ടിക്ക്യ ഒരുങ്കിര്‌ന്റാന്.

ലൂക്കോസു 16:25

ആന അവുറഗാമ് ഇത്തെ സൊന്നാന്: <അയ്യാ, നീ ഒന്റു കാര്യ നെനേക്കുഡൊ. നീ പെ്ളേത്തിന്ത കാലാത്ത്‌ല് രാജാങ്ക പെ്ളേത്തിന്തായി, അയി ഗളിഗേല് ലാസാറ് കജട്ട പട്ടിന്താന്. ആന അയാള് ഇന്നാല് സുഗമായി ഇര്‌ന്റാന്, നീയൊ, ഇന്നാല് കജട്ട പഡ്‌ന്റായി.

ആക്കോവു 3:17

ആന സാമിലിന്ത് കെ്ഡേക്കുവ അറുവു കവാഡില്ലാത്താദ്‌ത്തെ. അയി അറുവിര്‌ക്ക്‌ന്റവാര് അഡ്‌ത്തവാരോഡ സീവാന്‌ബെത്ത് നിമ്മ്‌ദ്യോഡ ഇര്‌ക്കുവാര്, അഡ്‌ത്തവാന് മനേസ്സ്‌ലിര്‌ക്കുവാദ്‌ന തെരിന്ത് തണിന്ത് കൊഡുത്തു പെ്ളേക്കുവാര്, അവാര് മനേസ്സാറ ഗവപട്ട് അഡ്‌ത്തവാര്‌ക്ക് നല്ലാദ് ഗേവാര്, അവാര് ദൊഡ്ഡവാര് സ്‌ന്നവാര് എന്റ് പ്‌റ്‌ത്ത് നോഡമാട്ടാര്. അവാര് ബക്‌തിഗാറാരെന്റ് നഡിക്കമാട്ടാര്.