പ്‌റ തമ്മ് സൊല്ലുപഡി നഡാക്ക്‌ന്റവാര്‌ല് ലേസ ആള്‌ഗാള്‌ന എരോദ്യരോഡ സൊല്ലി ബ്‌ട്ടാര്. അവാര് ബന്ത്: <<ഗുരുവെ, നീ സത്ത്യാന നേരെ സൊല്ലുന്റവാന് എന്റ്‌മ്, മന്‌സാര് എത്തെ പെ്ളേത്ത് പോഡൊ എന്റ് സാമി സൊല്ലിര്‌ക്കുവാദ്‌ന അദേപാസെ പഡ്‌സ്‌ന്റവാന് എന്റ്‌മ് എമാക്ക് തെരിവു. ആര്‌നാമ് മൂഞ്ചിമുഗ നോഡാത്തവാന് ആനാദ്‌നാലെ മന്‌സാര് എന്ത്‌ന നെനേക്ക്‌ന്റാര് എന്റ്‌ഗുഡി അഞ്ചാലെ എന്റ്‌മ് എമാക്ക് തെരിന്റ്.
ആക്കോവു 2:1 - സാമി സേദി1 ഏസ്സ്‌ഗാറാരെ, എല്ലാ നല്ല ഗുണാമിര്‌ക്കുവ ആണ്ടവാന് ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര്‌ത്തെ നിമ്മ. അദ്‌നാലെ നിമ്മ സ്‌ന്നവാന്‌ക്ക് ഒന്റു കണ്ണ്‌മ് ദൊഡ്ഡവാന്‌ക്ക് ഒന്റു കണ്ണ്‌മ് ബെത്ത് നോഡുവാദ് സെര്യ? အခန်းကိုကြည့်ပါ။ |
ആക്കോവു 2:1
29 ပူးပေါင်းရင်းမြစ်များ
എനാന പാസെ ഏസ്സ്‌ന നമ്പ്‌ന്റവാന്‌മ് എനാക്ക് നേര്‌മായി മഗാന്‌മ് ആയിര്‌ക്കുവ തീത്തോസെ, സാമി ഗിലാസഗാറാന്‌മ് ഏസ്സ് ക്‌റ്‌സ്‌ത്ത് അപ്പോസുത്തലാന്‌മ് ആയിര്‌ക്കുവ പവുലോസു എന്നുവ നാന് നിനാക്ക് എ്ള്‌ദുവാദ്. സാമി തെരിന്തെ്ഡ്‌ത്ത ആള്‌ഗാള് ഏസ്സ്‌ന ഒറേപ്പായി നമ്പ്യാമ് സാമി പിര്യാക്ക് പെ്ളേക്ക്യ ബേ്ണ്ടി ക്‌റ്‌സ്‌ത്ത്‌ന പറ്റി പഡുസുവ സത്ത്യമാന കാര്യഗാള്‌ന അവാര്‌ക്ക് സൊക്കാന സൊല്ലി കൊഡുക്ക്യാമ് സാമി എനാന അപ്പോസുത്തലാനായി സൊല്ലി ബ്‌ട്ട്‌റ്‌ന്റാന്. എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് സാമി തന്റെ എന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേക്ക്‌മ് എന്നുവ ഒറേപ്പ് ഈ സത്ത്യമാന കാര്യഗാള്‌ലിന്ത് കെ്ഡേക്ക്‌ന്റ്. അദ് തന്റെന്റ് സൊന്ന സാമി താന് സൊന്ന ബാക്ക്‌ന തവാറ്‌സമാട്ടാന്. സാമി മുഡിവു മാഡിന്ത അദേ ഗളിഗേക്ക് താനെ ഈ സത്ത്യമാന കാര്യഗാള്‌ന സൊല്ലി തന്ത് എദ്‌ക്ക മാഡ്‌നാന്. ഈ സത്ത്യമാന കാര്യഗാള്‌ന സൊല്ലി കൊഡുക്ക്യ നമാന കാപാറ്റുവ സാമി എനാക്ക് സൊല്ലിര്‌ക്ക്‌ന്റാന്. നമ്മ് അപ്പാന് സാമിമ് നമാന കാപാറ്റുവ ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന നിമ്മ്‌ദ്യായിമ് ബെക്കുഡൊ.
മഗാന് അപ്പാന് മദ്‌പ്പ്‌ക്ക് ഇര്‌ക്കുവ ബെ്ഡിപ്പ്‌ന കാട്ട്‌ന്റവാന്‌മ് സാമി ഏദ് ദിന്‌സ്‌ല് ഇര്‌ക്ക്‌ന്റാനൊ അദേപാസെ ഇര്‌ക്ക്‌ന്റവാന്‌മ്‌ത്തെ. മഗാന് തന്ന് സൊല്ലുസുലാക്കാക്ക് ഇര്‌ക്കുവ സക്‌തിനാലെ ഈ അണ്ടസരാസരന താങ്കിര്‌ന്റവാന്‌മ്‌ത്തെ. മന്‌സാര് പാവാന തീത്ത് തള്ള്‌ന പ്‌റ അയാള് മേലോഗാത്ത്‌ല് മദ്‌പ്പുള്ള സാമി ബല സാരി ആള്യ കുക്കാന്ത്‌റ്‌ന്റാന്.
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
ആന സാമിലിന്ത് കെ്ഡേക്കുവ അറുവു കവാഡില്ലാത്താദ്‌ത്തെ. അയി അറുവിര്‌ക്ക്‌ന്റവാര് അഡ്‌ത്തവാരോഡ സീവാന്‌ബെത്ത് നിമ്മ്‌ദ്യോഡ ഇര്‌ക്കുവാര്, അഡ്‌ത്തവാന് മനേസ്സ്‌ലിര്‌ക്കുവാദ്‌ന തെരിന്ത് തണിന്ത് കൊഡുത്തു പെ്ളേക്കുവാര്, അവാര് മനേസ്സാറ ഗവപട്ട് അഡ്‌ത്തവാര്‌ക്ക് നല്ലാദ് ഗേവാര്, അവാര് ദൊഡ്ഡവാര് സ്‌ന്നവാര് എന്റ് പ്‌റ്‌ത്ത് നോഡമാട്ടാര്. അവാര് ബക്‌തിഗാറാരെന്റ് നഡിക്കമാട്ടാര്.
ကြော်ငြာတွေ