ആക്കോവു 1:9 - സാമി സേദി

⁹ ഏസ്സ്‌ഗാറാന് ആയിര്‌ക്കുവ ഒന്റു ഏ്ളേന സാമി ദൊഡ്ഡവാനായി കാണുവാദ്‌നാലെ അയാള് സാമിന പറ്റി പെരിമെനായ സൊല്ലുഡൊ.

ആക്കോവു 1:9 ပူးပေါင်းရင်းမြစ်များ

ലൂക്കോസു 1:52

പദാവിപട്ടാത്ത്‌ല് ഇന്തവാര്‌ന അയാള് അഡി ഇ്റാക്കിര്‌ന്റാന്. ബെലെ ഇല്ലത്തവാര്‌ന ബെലെ ഇര്‌ന്റവാര് മാഡുവാന്.

ലൂക്കോസു 10:20

എന്റാല്‌മ് കെ്ട്ടജാദിഗാള് നിമ്മ് സൊല്ലുക്കു ആളായിര്‌ക്കുവാദ്‌ല് പിര്യപഡാദേന്. മേലോഗാത്ത്‌ല് നിമ്മ് പേര് എ്ള്‌ദിര്‌ക്കുവാദ്‌ന നെനേത്ത് പിര്യപഡ്‌ന്>> എന്റ് സൊന്നാന്.

ലൂക്കോസു 14:11

തനാന താനെ ദൊഡ്ഡവാന് മാഡ്‌ന്റവാന്‌ന സ്‌ന്നവാന് മാഡുവാന്. തനാന താനെ സ്‌ന്നവാന് മാഡ്‌ന്റവാന്‌ന ദൊഡ്ഡവാന് മാഡുവാന്.>>

ലൂക്കോസു 9:48

എന്റിന്ത് ഇത്തെ സൊന്നാന്: <<എന്ന് പേര്‌ല് ഈ സ്‌ന്ന മഗാന തങ്കാരിത്തദാന എനാന തങ്കാരിത്താദ്‌ക്ക് സമാത്തെ. അദേപാസെ എനാന തങ്കാരിക്ക്‌ന്റവാന് എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്. നിമ്മ് കൂട്ടാത്ത്‌ല് മ്‌ഗ്‌ന്ത തണിമോഡ നഡാക്ക്‌ന്റവാന്‌ത്തെ നേര്‌മായിമ് ദൊഡ്ഡവാന്.>>

റോമഗാറാര് 8:17

നമ്മ സാമിക്ക് പ്‌ള്ളെഗാള് ആയിന്തദാന സാമി കൊഡുക്കുവാദ്‌ക്ക് നമ്മ ഉരിമെഗാറാര്‌മ്‌ത്തെ, ക്‌റ്‌സ്‌ത്തോഡൊപ്പ നമാക്ക് അദ് കെ്ഡേക്ക്‌മ്. അയാള്‌ക്കിര്‌ക്കുവ മദ്‌പ്പ്‌മ് പേര്‌പെരിമേമ് നമാക്ക് കെ്ഡേക്ക്യ ബേ്ണ്ടി അയാള് കജട്ട പട്ട പാസെ നമ്മാമ് കജട്ട പഡുഡൊ.

2 കൊരിന്ത്യഗാറാര് 6:10

എമ്മ ദുക്കപഡ്‌ന്റവാര് ആയിന്താല്‌മ് ഒപ്പ പിര്യപിര്യാത്ത് ഇര്‌ക്ക്‌ന്റേമ്. എമ്മ ഏ്ളെഗാള് ആയിന്താല്‌മ് എഞ്ചോ ആള്‌ഗാള്‌ന സാമ്യോഡ ഇര്‌ക്കുവ ഉറാവുല് മ്‌ഗ്‌ന്തവാര് മാഡ്‌ന്റേമ്. എമ്മ ഒന്റുമു ഇല്ലത്തവാര് ആയിന്താല്‌മ് എമാക്ക് എല്ലാദ്‌മ് ഇര്‌ക്ക്‌ന്റ്.

പിലിപ്പ്യഗാറാര് 3:14

ക്‌റ്‌സ്‌ത്ത് ഏസ്സ്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് എന്നുവ പട്ടാന കൊഡുക്കുന്റാന്. അദ്‌ക്കായി സാമി എനാന ബ്‌ളിത്ത്‌റ്‌ന്റാന്. അയി പട്ട കെ്ഡേസ്യ ബേ്ണ്ടി ജൂദുപ്‌ഡിത്ത് ഓഡുന്റവാന്‌ന പാസെ നാന് എന്നാവാദ് ഓരാഡികൊണ്ട്‌റ്‌ക്ക്‌ന്റെ.

പിലിപ്പ്യഗാറാര് 3:3

ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.

1 പത്ത്‌റോസു 2:9

നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.

ബെ്ളിപട്ട കാര്യ 2:9

നീ കജട്ട പട്ടാദ് എനാക്ക് തെരിമ്. നീ ഏ്ളെ എന്റ്‌മ് എനാക്ക് തെരിമ്. ആന സെരിക്ക്‌മ് നീ പണഗാറാന്‌ത്തെ. എഗുദാര് അല്ലാദിന്ത് ഗുഡി തമ്മ എഗുദാര് എന്റ് സൊല്ലുവ സെയിത്താന്‌ന പരേസുവ ബീ്ഡ്‌ഗാറാരായി ഇര്‌ക്ക്‌ന്റവാര് നിനാന പറ്റി കെ്ട്ട കാര്യ സൊല്ലുവാദ്‌മ് എനാക്ക് തെരിമ്.