ആക്കോവു 1:5 - സാമി സേദി

⁵ ഇദ്‌ന തെരിവാദ്‌ക്കുള്ള ബുദ്ദി നിമാക്ക് ആര്‌ക്കാറ്റ കൊറേവിന്തദാന നിമ്മ സാമിന കേ്ള്‌ക്കുഡൊ. എന്ത്‌ക്കെന്റ് സൊന്ന നമാക്ക് ബേ്ഡ്‌മാനദെല്ല സാമി നല്ല മനേസ്സോഡ തരുവാന്. അത്തെ കേ്ള്‌ക്കുവാദ്‌നാലെ സാമി നമാന നൊഡ്യമാട്ടാന്.

ആക്കോവു 1:5 ပူးပေါင်းရင်းမြစ်များ

മത്തായി 11:20

പ്‌റ ഏസ്സ് താന് മൊത്തന അദിസ്യഗാള് ഗേന്ത പട്ടണഗാള്‌ലവാര് പാവ ഗേവാദ്‌ന തള്ളി സാമിസാരി തിര്‌ഗത്താദ്‌നാലെ ഇത്തെ സൊല്ലി അവാര്‌ന നൊഡ്യ പ്‌ഡിത്താന്:

മര്‌ക്കോസു 16:14

കഡേഗല പദ്‌നൊണ്ണു സൊല്ലുപഡി നഡാക്ക്‌ന്റവാര്‌മ് തീനി തിന്റ്‌കൊണ്ടു ഇര്‌ക്കാട്ടി ഏസ്സ് അവാര് കണ്ണ്‌ക്ക് കാട്ട്‌നാന്. താന് ഉജുര്‌ളാഗ്‌ന പ്‌റ തനാന കണ്ണാറ കണ്ടവാര് സൊന്നാദ്‌ന അവാര് നമ്പാത്താദ്‌ക്ക്‌മ് അവാര്‌ക്ക് ഇര്‌ക്കുവ മരനെഞ്ച്‌ന കണ്ട്‌മ് ഏസ്സ് അവാര്‌ന നൊഡിന്താന്.

ഓഗന്നാന് 14:13

നിമ്മ എന്ന് പേര്‌ന സൊല്ലി കേ്ള്‌ക്കുവാദ്‌ന ഒട്ടുക്കുമു മഗാന് പേര്‌ല് അപ്പാന്‌ക്ക് മദ്‌പ്പ് കെ്ഡേക്ക്യ ബേ്ണ്ടി നാന് അദെല്ല ഗേന്ത് തരുവെ.

ഓഗന്നാന് 15:7

നിമ്മ എന്ന് കുള്ളുക്കുമു നാന് സൊന്ന നായഗാള് നിമ്മ് കുള്ളുക്കുമു ഇന്തദാന നിമ്മ ആസെപഡുവ എന്താറ്റന കേ്ള്‌ന്, അദ് നിമാക്ക് കെ്ഡേക്ക്‌മ്.

ഓഗന്നാന് 4:10

അദ്‌ക്ക് ഏസ്സ് അവാള്‌ക്ക് ബദ്‌ല് സൊന്നാദ്: <<സാമി തരുവ ദാന എന്ത് എന്റ്‌മ് നിന്നോഡ കുഡിക്ക്യ കേ്ള്‌ക്ക്‌ന്റവാന് ആരെന്റ്‌മ് നിനാക്ക് തെര്യ. അദ് തെരിന്തിന്തദാന നീ അയാള്‌ന കേ്ട്ട്‌റ്‌ക്കുവായി. അയാള് നിനാക്ക് ഉജുരു തരുവ നീര്‌ന തന്ത്‌റ്‌ക്കുവാന്.>>

2 കൊരിന്ത്യഗാറാര് 2:16

ഈ നല്ല ബാഡെ കെ്ട്ട് പോന്റവാര്‌ക്ക് സാവു ബരുസ്സുവ നാറ്റത്തെ. ആന തപ്പിസി കഡാക്ക്‌ന്റ്‌വാര്‌ക്ക് ഈ ബാഡെ ഉജുരുലിന്ത് ഉജുരു കൊഡുക്കുവ ബാഡെത്തെ. അദ്‌നാലെ ഇദ്‌ന ഗേയ തഗ്‌ദ്യുള്ളവാന് ആര്?

ആക്കോവു 1:17

നമാക്ക് ബേ്ഡ്‌മാന എല്ലാ നല്ല ബരഗാള്‌നാമ് തരുവാദ് മേലോഗാത്ത്‌ല് അപ്പാനായിര്‌ക്കുവ സാമിത്തെ. അയി സാമിലിന്ത് നല്ലാദ് കെ്ട്ടാദ് മാറി മാറി ബരാഗേ മാട്ട. അയി സാമില് ഒന്റു കൊറേവെ കാണമാട്ടാമ്.

ആക്കോവു 3:17

ആന സാമിലിന്ത് കെ്ഡേക്കുവ അറുവു കവാഡില്ലാത്താദ്‌ത്തെ. അയി അറുവിര്‌ക്ക്‌ന്റവാര് അഡ്‌ത്തവാരോഡ സീവാന്‌ബെത്ത് നിമ്മ്‌ദ്യോഡ ഇര്‌ക്കുവാര്, അഡ്‌ത്തവാന് മനേസ്സ്‌ലിര്‌ക്കുവാദ്‌ന തെരിന്ത് തണിന്ത് കൊഡുത്തു പെ്ളേക്കുവാര്, അവാര് മനേസ്സാറ ഗവപട്ട് അഡ്‌ത്തവാര്‌ക്ക് നല്ലാദ് ഗേവാര്, അവാര് ദൊഡ്ഡവാര് സ്‌ന്നവാര് എന്റ് പ്‌റ്‌ത്ത് നോഡമാട്ടാര്. അവാര് ബക്‌തിഗാറാരെന്റ് നഡിക്കമാട്ടാര്.

ആക്കോവു 5:16

അദ്‌നാലെ നിമ്മ് നോയി തീരുഡെന്റദാന മുദാല് നിമ്മ ഗേന്ത കുറ്റനെല്ല ആങ്കീങ്ക് സൊല്ലി തീത്ത് രാജി കൂഡുഡൊ. എന്റിന്ത് ഒരുത്താന് ഇന്ന്യൊന്റൊരുത്താന്‌ക്ക് ബേ്ണ്ടി പരേസുഡൊ. അന്നാപ്പ് സാമി നിമ്മ് നോയിന തെ്ള്‌സുവാന്. കുറ്റകൊറേവില്ലത്തവാന് മനേസ്സാറ പരേസുവ പരേസ നേര്‌മായി പലിക്ക്‌മ്.

1 ഓഗന്നാന് 3:22

സാമിമഗാന് ഏസ്സ് ക്‌റ്‌സ്‌ത്ത്‌ന നമ്പിമ് ക്‌റ്‌സ്‌ത്ത് സൊന്ന പാസെ ആങ്കീങ്ക് സീവാന്‌ബെത്ത്‌മ് നമ്മ നഡാക്കുഡൊ. ഇദ്‌ത്തെ സാമി ബെത്ത സട്ട. സാമി ബെത്ത ഈ സട്ടപഡി നഡാക്കുവാദ്‌നാലേമ് സാമിന പിര്യപഡുസുവ കാര്യഗാള് ഗേവാദ്‌നാലേമ് നമ്മ കേ്ള്‌ക്കുവാദ്‌നെല്ലാമ് സാമി നമാക്ക് തരുവാന്.