ആക്കോവു 1:2 - സാമി സേദി2-3 എന്ന് ഏസ്സ്‌ഗാറാരെ, ഏസ്സ്‌ഗാറാര് ആയിര്‌ക്കുവ നിമാക്ക് പല ദിന്‌സ്‌ല് കജട്ടാമ് സോദണെഗാള്‌മ് ബര്‌മ്. അദുക്കുള നിമ്മ മനേസ്സാറ പിര്യപഡുഡൊ. എന്ത്‌ക്കെന്റ് സൊന്ന ഇദ്‌നെല്ല താങ്കുവാദ്‌ക്കുള്ള ദയിര നിമ്മ് മനേസ്സ്‌ക്ക് കെ്ഡേത്ത് കൊണ്ടേ ഇര്‌ക്ക്‌മ്. အခန်းကိုကြည့်ပါ။ |
ആക്കോവു 1:2
21 ပူးပေါင်းရင်းမြစ်များ
ജെയില്‌ക്ക് അഡേത്തിന്തവാര്‌ന നിമ്മ കയി താങ്ക്‌ന്‌റ്. നിമ്മ് സൊത്തു മുദാല്‌ന പ്‌ഡിങ്കിപറ്‌ത്ത് എ്ഡ്‌ക്കാട്ടിമ് നിമ്മ അദ്‌ന പിര്യപിര്യാത്ത് താങ്ക്‌ന്‌റ്. എന്ത്‌ക്കെന്റ് സൊന്ന എല്ലാദ്‌ക്ക്‌മ് ബ്‌ഡ മ്‌ഗ്‌ന്താദ്‌മ് എന്നാല്‌ക്ക്‌മ് ഇര്‌ക്കുവാദ്‌മ് ആന സൊത്തു മുദാല് നിമാക്ക് ഇര്‌ക്ക്‌ന്റ് എന്റ് നിമാക്ക് തെരിന്തിന്ത്‌ദ്.
ഏസ്സ്‌ന നമ്പുവാദ്‌നാലെ ബരുവ സോദെണെഗാള്‌ന താങ്കുവാദ്‌ക്കുള്ള ദയിര കെ്ഡേസിര്‌ക്ക്‌ന്റവാന് ബാഗ്യഗാറാന്. എന്ത്‌ക്കെന്റ് സൊന്ന കജട്ടഗാള്‌നെല്ല താങ്കി നമ്പിക്കേന ബ്‌ഡാദെ ഒറേത്ത് നില്ല്‌ന്റവാന്‌ക്ക് സാമി നല്ല പെ്ളേപ്പ്‌ന കൊഡുക്കുവാന്. തന്നോഡ സീവാന്‌ബെത്ത് നഡാക്ക്‌ന്റവാര്‌ക്ക് ഈ നല്ല പെ്ളേപ്പ്‌ന കൊഡുക്കുവേന് എന്റ് സാമി സൊല്ലിമ്‌ര്‌ക്ക്‌ന്റാന്.
എഞ്ചോ കജട്ടഗാള്‌ന താങ്ക്‌ന ഇയ്യോവുന പറ്റി നിമ്മ കേ്ട്ട്‌റ്‌ന്റ്‌റല്ല. അഞ്ചൊന്റു കജട്ടഗാള് താങ്ക്‌ന ഇയ്യോവുക്കു കഡേസി ബര കൊഡുത്തു നല്ല പെ്ളേപ്പ്‌ഗാറാന് മാഡ്‌നാനെന്റ്‌മ് നിമാക്ക് തെരിമ്. എന്ത്‌ക്കെന്റ് സൊന്ന കജട്ട പഡ്‌ന്റവാര്‌ന ആണ്ടവാന് അപ്പാര ഗവപഡ്‌ന്റാന്. അദ്‌നാലെത്തെ കജട്ടപാഡ്‌ഗാള് താങ്ക്‌നവാര്‌ന ബാഗ്യഗാറാരെന്റ് സൊല്ലുവാദ്.
ကြော်ငြာတွေ