ആക്കോവു 1:16 - സാമി സേദി16 അദ്‌നാലെ എനാക്ക് മെച്ച്‌പ്‌ഡിത്ത ഏസ്സ്‌ഗാറാരെ, നിമ്മ ആര്‌മ് ഇത്തവ സോദണേക്ക് സിക്കി ഏമാന്ത് പോഗാദേന്. အခန်းကိုကြည့်ပါ။ |
ആക്കോവു 1:16
22 ပူးပေါင်းရင်းမြစ်များ
കേ്ഡ്‌ഗെ്ട്ടവാര് ആര്‌മ് സാമി ആളുവ ആള്‌ഗാള് കൂട്ടാക്ക് എജേഗമാട്ടാര് എന്റ് നിമാക്ക് താനെ തെരിമല്ല. നിമ്മ നിമാന താനെ സദിക്കാദിര്‌ന്: കണ്ടപഡിക്ക് നഡാക്ക്‌ന്റവാര്, സെലെന കുമ്മുഡുന്റവാര്, ബേസ്യാഡ്‌ന്റവാര്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഉറാങ്ക്‌ന്റവാര്, ത്‌റ്‌ട്ടാര്, ആസെപാഡ്‌ഗാറാര്, കുഡിഗാറാര്, നൊണ്ടു സൊന്റവാര്, പ്‌ഡിങ്കിപറ്‌ക്ക്‌ന്റവാര് ഇത്തവാള്‌ഗാള് സാമി ആളുവ നാഡ്‌ക്ക് ഉരിമെഗാറാര് ആഗമാട്ടാര്.
അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ് പാവാക്ക് കെ്ഡേക്കുവ ദെ്ണ്ടണേലിന്ത് സാമി നിമാന കാപാറ്റ്‌നാന്. അദ്‌നാലെ നിമ്മ അദ്‌ക്ക് തഗ്‌ന്ത ദിന്‌സ്‌ല് പെ്ളേക്കുഡൊ. മുന്നുക്കു പാവ ഗേഗാദെ സാമി സൊല്ലുപഡിക്ക് പെ്ളേത്ത പാസെ ഇന്നാല്‌മ് പെ്ളേത്ത് കൊണ്ടേ ഇര്‌ക്കുഡൊ. നാന് നിമ്മ് പട്ട്‌ല് ഇര്‌ക്കാട്ടിമ് നാനില്ലാദിര്‌ക്കാട്ടിമ് നിമ്മ സാമിന അഞ്ചിക്കെപട്ട് കൊണ്ടുമു സദ്‌റ ബെ്ട്ടികൊണ്ടുമു പാവ ഗേഗാദെ പെ്ളേത്ത് കൊണ്ട്‌റ്ക്കുഡൊ.
ഏസ്സ്‌ഗാറാരെ, സാമി നമാക്ക് സട്ട ബെത്താദ് നമ്മ സാമി സട്ടപഡി പെ്ളേക്ക്യത്തെ. ആന അയി സട്ടാന ബെത്ത് നമ്മ അഡ്‌ത്തവാര്‌ന കുറ്റ ബിദിക്കുവദാന അയി സട്ടാന ബ്‌ഡ നമാന ദൊഡ്ഡവാന് മാഡ്‌ന്റാമ്. എന്ത്‌ക്കെന്റ് സൊന്ന സാമി ഒരുത്താന്‌ത്തെ സട്ട ബെത്ത്‌റ്‌ക്കുവാദ്‌മ് കുറ്റ ബിദിക്കുവാദ്‌മ്. സാമി ഒരുത്താന്‌ക്ക്‌ത്തെ ഒരുത്താന്‌ന കാപാറ്റ്യാമ് കൊല്ല്യാമ് അദിഗര ഇര്‌ക്കുവാദ്. അദ്‌നാലെ ആങ്കീങ്ക് കുറ്റ സൊല്ലി സാമി ഗേവ കാര്യന ഗേയ നീ ആര്?
ഏസ്സ്‌ഗാറാരെ, മുക്ക്യമായി നാന് സൊല്ലുവാദ് എന്തെന്റ് സൊന്ന, ഇര്‌ക്ക്‌ന്റ് എന്റ് സൊന്ന ഇര്‌ക്ക്‌ന്റ് എന്റ്‌മ് ഇല്ലെ എന്റ് സൊന്ന ഇല്ലാദേമ് ഇര്‌ക്കുഡൊ. അദ്‌ന തള്ളി നിമ്മ സൊല്ലുവാദ്‌ന അഡ്‌ത്തവാര് നമ്പുഡൊ എന്റ് സൊല്ലി സത്ത്യ ഗേയ പാങ്കില്ലെ. സാമിന സൊല്ല്യൊ അവ്വ്യപ്പാന്‌ന സൊല്ല്യൊ ബേ്റെന്തൊന്റുന സൊല്ല്യൊ സത്ത്യ ഗേഗാദേന്. ഇത്തെ സത്ത്യ ഗേന്തദാന ദെ്ണ്ടണേക്ക് സിക്കുവുറു.
ကြော်ငြာတွေ