എവുറായാര് 9:9 - സാമി സേദി

⁹ ഗുഡുസുലുല മുദാല് ബാഗ ഇന്നാല്‌ല കാലാത്ത്‌ല് ഒന്റൊന്റുന പഡിസി തന്റ്. സാമിക്ക് നേര്‌സെഗാള് കൊഡുക്കുവാദ്‌നാലേമ് ബേ്ണ്ട്‌ഗാള്‌ന പലി കൊഡുക്കുവാദ്‌നാലേമ് തമ്മ് പാവഗാള്‌ക്ക് ഒന്റേപെ്ട്ട് പൊറിമെ കെ്ഡേത്ത്‌റ്‌ന്റ് എന്റ് ആള്‌ഗാള് മനേസ്സ്‌ല് ഒറേപ്പ് കെ്ഡേക്കുവാദില്ലെ എന്റ്‌ത്തെ അദ്.

എവുറായാര് 9:9 ပူးပေါင်းရင်းမြစ်များ

റോമഗാറാര് 5:14

ആന ആദാമ് പെ്ളേത്തിന്ത കാലാത്ത്‌ലിന്ത് മോസെ പെ്ളേത്തിന്ത കാല മാട്ട്‌ക്ക് പെ്ളേത്തിന്ത ആള്‌ഗാള്‌ക്ക്‌മ് സാവു ബന്തിന്ത്‌ദ്. ആദാമ് സട്ടപഡി നഡാക്കാദെ പാവ ഗേന്ത പാസെ പാവ ഗേഗാത്തവാര്‌ക്ക്‌മ് സാവു ബന്തിന്ത്‌ദ്. ആദാമ് ബര്യ ഇന്ത ക്‌റ്‌സ്‌ത്ത്‌ന കാട്ടുവ ഉരുവ ആയിന്താന്.

ഗലാത്ത്യഗാറാര് 3:21

അത്ത്യാന മോസെ ബെത്ത സാമിസട്ട സാമി തന്റെന്റ് സൊന്ന ബാക്ക്‌ക്ക് തഡേസ്സാന്റ? ഇല്ലെഗേ ഇല്ലെ! എന്നാല്‌ക്ക്‌മ് ഇര്‌ക്കുവ ഒന്റു പെ്ളേപ്പ്‌ന തര്യ മുഡിവ ഒന്റു സാമിസട്ട നമാക്ക് കെ്ഡേത്തിന്തദാന അദ്‌ക്ക് കെ്ട്ട്‌പട്ട് നഡാക്കുവ എല്ലാ ആള്‌ഗാള്‌നാമ് സാമി നേര്‌മെഗാറാരായി തങ്കാരിത്തിന്ത്‌റ്‌ക്കുവാന്.

എവുറായാര് 10:11

ഒന്റൊന്റു പൂസാരിഗാള്‌മ് എല്ലാ നാള്‌മ് നിന്റ് കൊണ്ടു ഒന്റേ പലിന താനെ മറിസി മറിസി കൊഡുത്തു തമ്മ് ഗിലാസഗാള്‌ന ഗേന്റാര്. അയി പലിഗാള്‌ക്ക് പാവഗാള്‌ന തീര്‌ക്ക്യ മുഡ്യാമാട്ട.

എവുറായാര് 11:19

മന്‌സാന്‌ന സത്തവാര് പട്ട്‌ലിന്ത് ഉജുര്‌ളാക്ക്യ സാമിക്ക് മുഡിമ് എന്റ് അവുറഗാമ് നമ്പ്‌നാന്. ഒന്റു കണാക്ക്‌ല് സൊന്ന അവുറഗാമ്‌ക്ക് സാവുലിന്ത് ഇസഗാക്ക്‌ന തിരിക്കി കെ്ഡേത്ത്‌ദ്.

എവുറായാര് 5:1

എഗുദാര്‌ത്ത് എല്ലാ ദൊഡ്ഡ പൂസാരിഗാള്‌നാമ് ജനഗാള്‌ലിന്ത്‌ത്തെ തെരിന്തെ്ഡ്‌ക്കുവാദ്. ആള്‌ഗാള്‌ക്ക് ബേ്ണ്ടി സാമി ഗിലാസഗാള്‌ന ഗേയ എ്ഡ്‌ത്ത് ബെത്ത്‌റ്‌ന്റവാര്‌ത്തെ അവാര്. അവാര് ആള്‌ഗാള് ഗേന്ത പാവഗാള്‌ക്ക് പലിഗാള്‌മ് നേര്‌സെഗാള്‌മ് കൊഡുക്കുഡൊ.

എവുറായാര് 7:11

ലേവി കുലാക്ക് പട്ട പൂസാരിഗാള് പദാവിപട്ടാക്ക് എ്ണേത്ത്‌ത്തെ ഇസ്‌റവേല്‌ഗാറാര്‌ക്ക് മോസെ ബെത്ത സാമിസട്ട കെ്ഡേത്താദ്. ലേവി കുലാക്ക് പട്ട പൂസാരിഗാള് ഗേവ കാര്യഗാള്‌നാലെ സാമി ആസെപട്ടാദ് ഒട്ടുക്കു ഒന്റേപെ്ട്ട് നഡാന്ത് മുഡിന്തിന്തദാന അഗരോനുന പൂസാരി മാഡ്‌ന ദിന്‌സ്‌ല് അല്ലാദെ മല്‌ക്കിസേദേക്ക്‌ന പൂസാരി മാഡ്‌ന ദിന്‌സ്‌ല് ബേ്റെ ഒന്റു പൂസാരി ബരുവ തേവി എന്ത്‌ക്ക്?

എവുറായാര് 8:4

അയാള് ഇന്നാല്‌മ് ബൂമില് പെ്ളേത്തിന്തദാന പൂസാരി ആയിര്‌ക്കാഗേമാട്ടാന്. എന്ത്‌ക്കെന്റ് സൊന്ന എഗുദാര് സട്ടപഡി നേര്‌സെഗാള് കൊഡുക്കുവ പൂസാരിഗാള് ഈങ്ക് ഇര്‌ക്ക്‌ന്റാരല്ല.

എവുറായാര് 9:24

എന്ത്‌ക്കെന്റ് സൊന്ന മന്‌സാന് ഉണ്ടാക്ക്‌നാദ്‌മ് മേലോഗാത്ത്‌ല് ഇര്‌ക്കുവാദ്‌ന പാസെ ഉള്ളാദ്‌മാന നെലെ പട്ട്‌ക്കല്ല മേലോഗാക്ക്‌ത്തെ ക്‌റ്‌സ്‌ത്ത് പോയിര്‌ന്റാന്. അയാള് നമാന കയിതാങ്ക്യ ബേ്ണ്ടി ഇന്നാല് സാമി മുന്നുക്കു നിന്റ്‌റ്‌ക്ക്‌ന്റാന്.

1 പത്ത്‌റോസു 3:21

അവാര് നീര്‌മേലെ തപ്പിസി കഡാന്താദ്‌ക്ക് സമാത്തെ ഇന്നാല് നീര്‌ക്ക് മുളുഗുവ മുളുക്ക. അദ് നിമാന കാപാറ്റ്‌ന്റ്. ഈ മുളുക്ക എന്നുവാദ് സരിഗലാത്ത്‌ല എ്ള്‌ക്ക്‌ന കച്ചി തള്ളുവ മുളുക്കല്ല. ഏസ്സ് ക്‌റ്‌സ്‌ത്ത് ഉജുര്‌ളാഗ്‌നാദ്‌ന ബെത്ത് സാമി കണ്ണ്‌ക്ക് നല്ല മനേസ്സുള്ളവാര് ആയ ഗേവ ഒപ്പന്താത്തെ.