എവുറായാര് 9:7 - സാമി സേദി

⁷ ആന അരാങ്ക കുച്ചുക്കു എഗുദാര് ദൊഡ്ഡ പൂസാരി താനെത്തെ ബര്‌സ്സാത്ത്‌ല് ഒന്റേ ഒന്റു നാള് പോന്റാന്. അദ് തന്ന് പാവഗാള്‌ക്ക്‌മ് ആള്‌ഗാള് പാവ എന്റ് തെര്യാദെ ഗേന്ത പാവഗാള്‌ക്ക്‌മ് ബേ്ണ്ടി സാമിക്ക് നേര്‌സെ ആയി കൊഡുക്ക്യ സോരെനാമ് എ്ഡ്‌ത്ത് കൊണ്ടുത്തെ പോവാദ്.

എവുറായാര് 9:7 ပူးပေါင်းရင်းမြစ်များ

എവുറായാര് 7:27

എഗുദാര് ദൊഡ്ഡ പൂസാരിഗാള്‌ല് ബേ്റെ ആള്‌ഗാള്‌ന പാസെ മുദാല് തന്ന് പാവഗാള്‌ക്ക് ബേ്ണ്ടിമ് പ്‌റ അഡ്‌ത്തവാര് പാവഗാള്‌ക്ക് ബേ്ണ്ടിമ് ഒപ്പ പലി കൊഡുക്കുവ തേവി ഏസ്സ്‌ക്ക് ഇല്ലാദിന്ത്‌ദ്. ഏസ്സ് ഒന്റേ ജമ്പ് താനെ ഒന്റു പലി ആയി തനാന സാമിക്ക് ഒപ്പിസി കൊഡുത്താന്.

എവുറായാര് 10:3

ആന ഇത്തെ പലി കൊഡുക്കുവാദ്‌നാലെ തമ്മ പാവ ഗേന്തവാര് എന്നുവ നെനേവു അവാര്‌ക്ക് എല്ലാ ബര്‌സ്സാമ് ബന്റ്.

എപസോസുഗാറാര് 4:18

എന്ത്‌ക്കെന്റ് സൊന്ന അവാര്‌ക്കിര്‌ക്കുവ മര നെഞ്ച് സാമിന പറ്റ്യുള്ള സത്ത്യമാന കാര്യഗാള്‌ന നെപ്പ്‌കെ്ഡേസ്യ ബ്‌ഡുവാദില്ലെ. അദ്‌നാലെ അവാര്‌ക്ക് സാമ്യോഡ എ്ണേവു ബെത്ത് പെ്ളേക്ക്യ മുഡ്യാദെ ഇ്റ്‌ട്ട്‌ല് പെ്ളേക്കുവ പാസെ പെ്ളേക്ക്‌ന്റാര്.

എവുറായാര് 6:19

ഒറേപ്പ് ഉള്ളാദ്‌മ് ബിലാഗി പോഗാത്താദ്‌മ് ആന നമാക്കിര്‌ക്കുവ ഈ നെഞ്ചഡെ കപ്പാല്‌ന ഒന്റു പട്ട്‌ല് താനെ നില്ലിസി ബെക്കുവ ഒന്റു നങ്കൂരന പാസെത്തെ. അയി നെഞ്ചഡെ മേലോഗാത്ത്‌ല സാമിബീ്ഡ്‌ല തെരെസീലെ മേലെ നമാന അരാങ്ക കുച്ചുക്കു എ്ഡ്‌ത്ത് പോന്റു.

എവുറായാര് 9:3

റണ്ടാവാദ് തെരെസീലേക്ക് പിന്ന്‌സാരില ബാഗാക്ക് അരാങ്ക കുച്ചു എന്റ്‌ത്തെ പേര്.