എവുറായാര് 8:3 - സാമി സേദി

³ ഒന്റൊന്റു എഗുദാര് ദൊഡ്ഡ പൂസാരിനാമ് എ്ഡ്‌ത്ത് ബെക്കുവാദ് സാമിക്ക് നേര്‌സെഗാള്‌മ് പലിഗാള്‌മ് കൊഡുക്ക്യാത്തെ. അദ്‌നാലെ ഈ ദൊഡ്ഡ പൂസാരിമ് സാമിക്ക് എന്താറ്റ ഒന്റു കൊഡുക്കുഡൊ.

എവുറായാര് 8:3 ပူးပေါင်းရင်းမြစ်များ

ഓഗന്നാന് 6:51

മേലോഗാത്ത്‌ലിന്ത് ഇ്റാഗി ബന്ത ഉജുരുള്ള അഡെ നാന്‌ത്തെ. ഈ അഡേന തിന്ന്‌ന്റവാന് എന്നാല്‌ക്ക്‌മ് പെ്ളേക്കുവാന്. ഉലഗാത്ത്‌ല ആള്‌ഗാള്‌ക്ക് ഉജുരു കെ്ഡേക്ക്യ ബേ്ണ്ടി നാന് കൊഡുക്കുവ എന്ന് സരിഗലത്തെ ഈ അഡെ.>>

റോമഗാറാര് 5:6

സാമി ആസെപഡി നഡാക്ക്യ മുഡ്യാദെ നമ്മ കുറ്റകൊറേവുള്ളവാര് ആയിര്‌ക്കാട്ടി താനെ ക്‌റ്‌സ്‌ത്ത് നമാക്ക് ബേ്ണ്ടി സാമി സൊന്ന ഗളിഗേല് താനെ സത്താന്.

റോമഗാറാര് 5:8

ആന നമ്മ പാവ ഗേന്റവാര് ആയിര്‌ക്കാട്ടി താനെ ക്‌റ്‌സ്‌ത്ത് നമാക്ക് ബേ്ണ്ടി സത്താന്. അത്തെ സാമിക്ക് നമ്മോഡിര്‌ക്കുവ സീവാന്‌ന നമാക്ക് കാട്ടി തന്ത്‌റ്‌ന്റാന്.

ഗലാത്ത്യഗാറാര് 2:20

ഇന്നി നാനല്ല ക്‌റ്‌സ്‌ത്ത്‌ത്തെ എന്ന് പെ്ളേപ്പ്‌ന നഡാത്തുവാദ്. ഇന്നി ഉജുരോഡിര്‌ക്കുവ കാല മാട്ട്‌ക്ക്‌മ് എന്നോഡ സീവാന്‌ബെത്ത് എനാക്ക് ബേ്ണ്ടി ഉജുരുന തന്ത സാമി മഗാന് ക്‌റ്‌സ്‌ത്ത്‌ന നമ്പികൊണ്ടുത്തെ നാന് പെ്ളേക്കുവെ.

എപസോസുഗാറാര് 5:2

എന്ത്‌ക്കെന്റ് സൊന്ന ക്‌റ്‌സ്‌ത്ത് ഏസ്സ് നമ്മോഡ സീവാന്‌ബെത്ത് നമ്മ ഗേന്ത പാവഗാള്‌ക്ക് ബേ്ണ്ടി തന്ന് പെ്ളേപ്പ്‌ന സാമിക്ക് നല്ല ബാഡെ അഡിക്കുവ നേര്‌സെ പലി കൊഡുത്താന്. അത്തെ സാമിക്ക് മെച്ച്‌പ്‌ഡിത്ത ദിന്‌സ്‌ല് ക്‌റ്‌സ്‌ത്ത് പെ്ളേത്ത പാസെ നിമ്മാമ് ആങ്കീങ്ക് സീവാന്‌ബെത്ത് പെ്ളേന്.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

എവുറായാര് 2:17

അദ്‌നാലെ അയാള് ജനഗാള് പാവഗാള്‌ന തീര്‌ക്ക്യ ബേ്ണ്ടി ഗവഗാറാന്‌മ് സാമിക്ക് ബേ്ണ്ടി ഗിലാസ ഗേവാദ്‌ല് നമ്പ്യ മുഡിവ ദൊഡ്ഡ പൂസാരിമ് ആഡൊ. അദ്‌ക്ക് ബേ്ണ്ടി അയാള്‌ക്ക് എല്ലാ ദിന്‌സ്‌ല്‌മ് തന്ന് ജനഗാള്‌ന പാസെ ആവ തേവി ബന്ത്‌ദ്.

എവുറായാര് 3:1

അദ്‌നാലെ സാമി ബ്‌ളിത്ത്‌റ്‌ക്ക്‌ന്റവാര്‌മ് സാമിക്ക് പട്ടവാര്‌മ് ആന ഏസ്സ്‌ഗാറാരെ, സാമി സൊല്ലി ബ്‌ട്ടവാന് എന്റ്‌മ് ദൊഡ്ഡ പൂസാരി എന്റ്‌മ് നമ്മ സൊല്ലുവ ഏസ്സ്‌ന പറ്റി നെനേത്ത് നോഡുനു.

എവുറായാര് 5:1

എഗുദാര്‌ത്ത് എല്ലാ ദൊഡ്ഡ പൂസാരിഗാള്‌നാമ് ജനഗാള്‌ലിന്ത്‌ത്തെ തെരിന്തെ്ഡ്‌ക്കുവാദ്. ആള്‌ഗാള്‌ക്ക് ബേ്ണ്ടി സാമി ഗിലാസഗാള്‌ന ഗേയ എ്ഡ്‌ത്ത് ബെത്ത്‌റ്‌ന്റവാര്‌ത്തെ അവാര്. അവാര് ആള്‌ഗാള് ഗേന്ത പാവഗാള്‌ക്ക് പലിഗാള്‌മ് നേര്‌സെഗാള്‌മ് കൊഡുക്കുഡൊ.

എവുറായാര് 7:27

എഗുദാര് ദൊഡ്ഡ പൂസാരിഗാള്‌ല് ബേ്റെ ആള്‌ഗാള്‌ന പാസെ മുദാല് തന്ന് പാവഗാള്‌ക്ക് ബേ്ണ്ടിമ് പ്‌റ അഡ്‌ത്തവാര് പാവഗാള്‌ക്ക് ബേ്ണ്ടിമ് ഒപ്പ പലി കൊഡുക്കുവ തേവി ഏസ്സ്‌ക്ക് ഇല്ലാദിന്ത്‌ദ്. ഏസ്സ് ഒന്റേ ജമ്പ് താനെ ഒന്റു പലി ആയി തനാന സാമിക്ക് ഒപ്പിസി കൊഡുത്താന്.

എവുറായാര് 8:4

അയാള് ഇന്നാല്‌മ് ബൂമില് പെ്ളേത്തിന്തദാന പൂസാരി ആയിര്‌ക്കാഗേമാട്ടാന്. എന്ത്‌ക്കെന്റ് സൊന്ന എഗുദാര് സട്ടപഡി നേര്‌സെഗാള് കൊഡുക്കുവ പൂസാരിഗാള് ഈങ്ക് ഇര്‌ക്ക്‌ന്റാരല്ല.

എവുറായാര് 9:14

അദ് സത്ത്യാനദാന ക്‌റ്‌സ്‌ത്ത് സോരെ നമാന എത്ത്‌റാഗോ അദിഗ സുത്താപ്പ് മാഡ്‌മ്. എന്ത്‌ക്കെന്റ് സൊന്ന എന്നാല്‌ക്ക്‌മ് ഇര്‌ക്കുവ സാമിനിഗാല്‌നാലെ അയാള് തനാന താനെ ഒന്റു കൊറേവുമു ഇല്ലാത്ത പലി ആയി സാമിക്ക് ഒപ്പുസുനാന്. അദ്‌നാലെ സട്ടാത്ത്‌ല് സൊല്ലിര്‌ക്കുവ ഉവഗര ഇല്ലാത്ത കാര്യഗാള്‌ന ഗേന്താദ്‌ക്ക് കുറ്റ ഗേന്തെ എന്റ് മനേസ്സ്‌ല് ഇര്‌ക്കുവ നെനേവുഗാള്‌ലിന്ത് നമ്മ് മനേസ്സ്‌ന അയാള് സുത്താപ്പ് മാഡ്‌ന്റാന്. അത്തെ ഉജുരുള്ള സാമിന നമ്മ കുമ്മുഡുല.