എവുറായാര് 8:2 - സാമി സേദി

² മന്‌സാന് മാഡാത്താദ്‌മ് ആണ്ടവാന് മാഡിര്‌ക്കുവാദ്‌മ് ആന സത്ത്യമാന ഗുഡുസുലുല അരാങ്ക കുച്ചുലു അയാള് ഗിലാസ ഗേന്റാന്.

എവുറായാര് 8:2 ပူးပေါင်းရင်းမြစ်များ

ലൂക്കോസു 24:44

പ്‌റ ഏസ്സ് അവാര്‌ക്ക്: <<ഈ കാര്യഗാള്‌ന പറ്റിത്തെ നാന് നിമ്മോഡിര്‌ക്കാട്ടി നിമാക്ക് സൊന്നാദ്, മോസെ ബെത്ത സാമി സട്ടാത്ത്‌ല്‌മ് സാമിദാസ്‌ഗാള് ബൊക്കുലുമു പാട്ട് ബൊക്കുലുമു എനാന പറ്റി എ്ള്‌ദിര്‌ക്കുവാദൊട്ടുക്കു നഡാക്കുഡൊ>> എന്റ് സൊന്നാന്.

റോമഗാറാര് 15:8

ക്‌റ്‌സ്‌ത്ത് എഗുദാര് ജാദിഗാള്‌ക്ക് ഗിലാസഗാറാന് ആയി ബന്താദ് അവാര് പാട്ടനാമ്‌ക്ക് സാമി താന് കൊഡുത്ത ബാക്ക്‌ന തവാറ്‌സത്തവാന് എന്റ്‌മ് അയി ബാക്ക് സത്ത്യ എന്റ് കാട്ട്യ ബേ്ണ്ടിമ്‌ത്തെ എന്നുവാദ്‌ന മറാക്കദേന്.

2 കൊരിന്ത്യഗാറാര് 5:1

ഉലഗാത്ത്‌ല ബീ്ഡ്‌ന പാസെ ഇര്‌ക്കുവ എമ്മ് സരിഗല അളിന്ത് പോനാല്‌മ് സാമി കയില് മാഡ്‌നാദ്‌മ് എന്നാല്‌ക്ക്‌മ് അളിന്ത് പോഗാത്താദ്‌മാന ഒന്റു ബീ്ഡ് എമാക്ക് മേലോഗാത്ത്‌ല് ഇര്‌ക്ക്‌ന്റ് എന്റ് എമാക്ക് തെരിമ്.

കൊലേസ്യഗാറാര് 2:11

നിമ്മ ഏസ്സ് ക്‌റ്‌സ്‌ത്ത്‌ന നമ്പി പെ്ളേക്ക്‌ന്റവാര് ആഗാട്ടി പാവ ഗേന്ത് കൊണ്ടു പെ്ളേത്തിന്ത നിമ്മ് മുന്നുക്കുല പെ്ളേപ്പ്‌ന അഡ്യോഡ പ്‌ഡിങ്കി തള്ളി ഏസ്സോഡ പുദ്യ പെ്ളേപ്പ് പെ്ളേക്ക്യ ഒപ്പന്ത ബെത്ത്‌റ്.

എവുറായാര് 10:11

ഒന്റൊന്റു പൂസാരിഗാള്‌മ് എല്ലാ നാള്‌മ് നിന്റ് കൊണ്ടു ഒന്റേ പലിന താനെ മറിസി മറിസി കൊഡുത്തു തമ്മ് ഗിലാസഗാള്‌ന ഗേന്റാര്. അയി പലിഗാള്‌ക്ക് പാവഗാള്‌ന തീര്‌ക്ക്യ മുഡ്യാമാട്ട.

എവുറായാര് 10:21

അദ്‌താനേമല്ല സാമിബീ്ഡ്‌ന നോഡിനഡാത്തുവ ഒന്റു ദൊഡ്ഡ പൂസാരിമ് നമാക്ക് ഇര്‌ന്റാന്.

എവുറായാര് 11:10

എന്ത്‌ക്കെന്റ് സൊന്ന എത്തവ ദിന്‌സ്‌ല് പട്ടണ മാഡുഡൊ എന്റ് സാമി താനെ മുഡിവാക്കിന്താദ്‌മ് സാമി താനെ മാഡ്‌നാദ്‌മ് ആന എന്നാല്‌ക്ക്‌മ് ഇര്‌ക്കുവ പട്ടണാക്ക് ബേ്ണ്ടി അവുറഗാമ് കാത്ത് കൊണ്ടിന്താന്.

എവുറായാര് 9:1

സാമി ഇസ്‌റവേല്‌ഗാറാരോഡ മുദാല് ബെത്ത ഒപ്പന്താത്ത്‌ല് കുമ്മുഡുവാദ്‌ക്കുള്ള സട്ടഗാള്‌മ് ബൂമില് കുമ്മുഡുവാദ്‌ക്കുള്ള ഒന്റു എ്ഡേമ് ഇന്ത്‌ദ്.

ബെ്ളിപട്ട കാര്യ 21:3

കുറിഞ്ചിലിന്ത് ദൊഡ്ഡ ഒന്റു ജദ്ദ ഇത്തെ സൊല്ലുവാദ്‌ന നാന് കേ്ട്ടെ, <<ഇദാ, മന്‌സാരോഡ സാമി ഒന്റായി തങ്കുവ എ്ഡെ, അയാള് അവാരോഡ ഒന്റായി ഇര്‌ക്കുവാന്, അവാര് അയാള് ജനഗാള് ആയിര്‌ക്കുവാര്, സാമി താന്‌താനെ അവാരോഡൊപ്പ ഇന്ത് അവാര് സാമിമ് ആയിര്‌ക്കുവാന്.