എവുറായാര് 7:16 - സാമി സേദി16 ഏദ് കുലാത്ത്‌ലവാര് പൂസാരി ആഡൊ എന്റ് മന്‌സാന് ബെത്ത സട്ടപഡ്യല്ല അയാള് പൂസാരി ആനാദ്, അദ്‌ക്ക് ബദ്‌ല അളിക്ക്യ മുഡ്യാത്ത തന്ന് ഉജുരുക്കു ഇര്‌ക്കുവ സക്‌തിനാലെത്തെ അയാള് പൂസാരി ആനാദ്. အခန်းကိုကြည့်ပါ။ |
എവുറായാര് 7:16
15 ပူးပေါင်းရင်းမြစ်များ
ബര്യ പോവ നല്ല കാര്യഗാള്‌ന മാഗെമാഗ്യ ദിന്‌സ്‌ല് കാട്ടുവ ഉരുവാത്തെ മോസെ ബെത്ത സാമിസട്ട. ആന അദ് സെരിക്കുള്ള ഉരുവല്ല. അയി സട്ടാക്ക് കെ്ട്ട്‌പട്ട് ഇര്‌ക്ക്‌ന്റവാര് എല്ലാ ബര്‌സ്സാമ് മറിസി മറിസിമ് ഒന്റേ പലി താനെ കൊഡുക്കുന്റാര്. ഇത്തെ പലി കൊഡുക്കുവാദ്‌നാലെ കുമ്മുഡ്യ ബന്റവാര്‌ന ഒന്റേപെ്ട്ട് കൊറേവു ഇല്ലത്തവാര് മാഡ്യ അയി സട്ടാക്ക് മുഡ്യാമാട്ട.
മോസെ ബെത്ത സാമിസട്ട കുറ്റകൊറേവു ഉള്ള മന്‌സാര്‌ഗാള്‌ന എഗുദാര് ദൊഡ്ഡ പൂസാരി ആയി എ്ഡ്‌ത്ത് ബെക്ക്‌ന്റ്. ആന അയി സട്ട കെ്ഡേത്ത പ്‌റ സാമി സത്ത്യഗേന്ത് കൊഡുത്ത ബാക്ക്‌ന ബെത്ത് തന്ന് മഗാന്‌ന ദൊഡ്ഡ പൂസാരി മാഡ്‌നാന്. അയി മഗാന് സാമി ആസെപട്ടാദ്‌ന ഒട്ടുക്കു ഒന്റേപെ്ട്ട് എല്ലാ കാലാക്ക് ബേ്ണ്ടി നഡാത്തി മുഡിത്താന്.
അദ് സത്ത്യാനദാന ക്‌റ്‌സ്‌ത്ത് സോരെ നമാന എത്ത്‌റാഗോ അദിഗ സുത്താപ്പ് മാഡ്‌മ്. എന്ത്‌ക്കെന്റ് സൊന്ന എന്നാല്‌ക്ക്‌മ് ഇര്‌ക്കുവ സാമിനിഗാല്‌നാലെ അയാള് തനാന താനെ ഒന്റു കൊറേവുമു ഇല്ലാത്ത പലി ആയി സാമിക്ക് ഒപ്പുസുനാന്. അദ്‌നാലെ സട്ടാത്ത്‌ല് സൊല്ലിര്‌ക്കുവ ഉവഗര ഇല്ലാത്ത കാര്യഗാള്‌ന ഗേന്താദ്‌ക്ക് കുറ്റ ഗേന്തെ എന്റ് മനേസ്സ്‌ല് ഇര്‌ക്കുവ നെനേവുഗാള്‌ലിന്ത് നമ്മ് മനേസ്സ്‌ന അയാള് സുത്താപ്പ് മാഡ്‌ന്റാന്. അത്തെ ഉജുരുള്ള സാമിന നമ്മ കുമ്മുഡുല.
ကြော်ငြာတွေ