എവുറായാര് 7:1 - സാമി സേദി

¹ മല്‌ക്കിസേദേക്ക് സാലേമ് പട്ടണ രാജാവുമു എല്ലാദ്‌ക്ക്‌മ് ബ്‌ഡ മ്‌ഗ്‌ന്ത ബില ഇര്‌ക്കുവ സാമിത്ത് പൂസാരിമ് ആയിന്താന്. ജുദ്ദ ഗേന്ത് രാജാവുഗാള്‌ന സോലുസി അവുറഗാമ് തിരിഗി ബര്‌ഗാട്ടി മല്‌ക്കിസേദേക്ക് അയാള്‌ന കണ്ട് ബാക്ക്‌വര കൊഡുത്താന്.

എവുറായാര് 7:1 ပူးပေါင်းရင်းမြစ်များ

മര്‌ക്കോസു 5:7

അയാള് ദൊഡ്ഡാദ്‌ക്ക് അഗാറി കൊണ്ടു: <<ഏസ്സേ, എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമി മഗാനെ, എനാക്ക്‌മ് നിനാക്ക്‌മ് എന്ത് കാര്യ? സാമിന നെനേത്ത് നീ എനാന കൊഡിമെപഡ്‌സ ബേ്ഡ>> എന്റ് സൊന്നാന്.

അപ്പോസുത്തലാര് 16:17

അവാള് പവുലോസോഡാമ് എമ്മോഡാമ് പിന്ന്‌മേലെ ബന്ത് <<ഇവാര് എല്ലാ സാമിഗാള്‌ന ബ്‌ഡ ദൊഡ്ഡ സാമിക്ക് ഗിലാസഗാറാര് ആയിര്‌ക്ക്‌ന്റവാര്‌ത്തെ. നിമ്മ് ഉജുരുന പെ്ളേസുവാദ്‌ക്കുള്ള ബട്ടെന അവാര് സൊല്ലി തന്റാര്>> എന്റ് ബ്‌ളിത്ത് അഗാറ്‌നാള്.

എവുറായാര് 6:20

മല്‌ക്കിസേദേക്ക്‌ന പൂസാരി മാഡ്‌ന ദിന്‌സ്‌ല് ഏസ്സ് എന്നാല്‌ക്ക്‌മ് ദൊഡ്ഡ പൂസാര്യായി മുദാല് താനെ നമാക്ക് ബേ്ണ്ടി അദ്‌ക്ക് എജ്ജിര്‌ക്ക്‌ന്റാന്.

എവുറായാര് 7:2

അവുറഗാമ് ജുദ്ദ ഗേന്ത് കെ്ഡേസ്‌ന എല്ലാദ്‌ലിന്ത്‌മ് പത്ത്‌ല് ഒന്റു പങ്ക് മല്‌ക്കിസേദേക്ക്‌ക്ക് കൊഡുത്താന്. മല്‌ക്കിസേദേക്ക് എന്റ് സൊന്ന <<നേര്‌മെ ഉള്ള രാജാവു>> എന്റ്‌ത്തെ അര്‌ത്ത. <<സാലേമ് രാജാവു>> ആനാദ്‌നാലെ <<നിമ്മ്‌ദ്യാന രാജാവു>> എന്റ്‌മ് അര്‌ത്ത ഇര്‌ക്ക്‌ന്റ്.

എവുറായാര് 7:3

അയാള് അപ്പാന് ആരെന്റൊ, അവ്വെ ആരെന്റൊ, അയാള് പാട്ടനാമ് ആരെന്റൊ, എന്നാല് പ്‌റാന്താനെന്റൊ, എന്നാല് സത്താനെന്റൊ ആര്‌ക്ക്‌മ് തെര്യ. അയാള് സാമി മഗാന്‌ന പാസെ എന്നാല്‌ക്ക്‌മ് പൂസാരിമ് ആയിര്‌ക്ക്‌ന്റാന്.

എവുറായാര് 7:6

ആന ലേവി കുലാക്ക് പഡാത്തവാന് ആന മല്‌ക്കിസേദേക്ക്, അവുറഗാമോഡ താനെ പത്ത്‌ല് ഒന്റു പങ്ക് ബാങ്കിമ് സാമി ബാക്ക് കൊഡുത്ത അയാള്‌ക്ക് ബാക്ക്‌വര കൊഡുത്തുമു ഇര്‌ക്ക്‌ന്റാന്.