എവുറായാര് 5:9 - സാമി സേദി9 അത്തെ കജട്ടഗാള് പട്ട് താന് തെഗേന്തവാന് ആഗാട്ടി അയാള് തന്ന് സൊല്ലുപഡി നഡാക്കുവ എല്ലാവാര്‌നാമ് എന്നാല്‌ക്ക്‌മ് കാപാറ്റ്‌ന്റവാന് ആനാന്. အခန်းကိုကြည့်ပါ။ |
എവുറായാര് 5:9
39 ပူးပေါင်းရင်းမြစ်များ
അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ് പാവാക്ക് കെ്ഡേക്കുവ ദെ്ണ്ടണേലിന്ത് സാമി നിമാന കാപാറ്റ്‌നാന്. അദ്‌നാലെ നിമ്മ അദ്‌ക്ക് തഗ്‌ന്ത ദിന്‌സ്‌ല് പെ്ളേക്കുഡൊ. മുന്നുക്കു പാവ ഗേഗാദെ സാമി സൊല്ലുപഡിക്ക് പെ്ളേത്ത പാസെ ഇന്നാല്‌മ് പെ്ളേത്ത് കൊണ്ടേ ഇര്‌ക്കുഡൊ. നാന് നിമ്മ് പട്ട്‌ല് ഇര്‌ക്കാട്ടിമ് നാനില്ലാദിര്‌ക്കാട്ടിമ് നിമ്മ സാമിന അഞ്ചിക്കെപട്ട് കൊണ്ടുമു സദ്‌റ ബെ്ട്ടികൊണ്ടുമു പാവ ഗേഗാദെ പെ്ളേത്ത് കൊണ്ട്‌റ്ക്കുഡൊ.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
അദ്‌നാലെ ക്‌റ്‌സ്‌ത്ത് സാമിനാമ് ആള്‌ഗാള്‌നാമ് എ്ണേത്ത് ഒന്റു പുദ്യ ഒപ്പന്ത ബെക്ക്‌ന്റാന്. അത്തെ മുദാല് ബെത്ത ഒപ്പന്ത പഡി ഇര്‌ക്കാട്ടി ഗേന്ത കുറ്റഗാള്‌ക്കുള്ള ദെ്ണ്ടണേലിന്ത് ബ്‌ഡിസ്യ ബേ്ണ്ടി ക്‌റ്‌സ്‌ത്ത് സത്താദ്‌നാലെ സാമി തരുവെ എന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ ബാക്ക്‌വരഗാള് സാമി ബ്‌ളിത്തവാര്‌ക്ക് കെ്ഡേക്ക്‌ന്റ്.
സാമിമഗാന് ബൂമിക്ക് ബന്താനെന്റ്‌മ് സത്ത്യ സാമിന തെരിവാദ്‌ക്കുള്ള ബുദ്ദി നമാക്ക് തന്ത്‌റ്‌ന്റാന് എന്റ്‌മ് നമാക്ക് തെരിമ്. സത്ത്യ സാമ്യോഡാമ് അയാള് മഗാന് ഏസ്സ് ക്‌റ്‌സ്‌ത്തോഡാമ് നമ്മ ഇന്നാല് എ്ണേവു ബെത്ത്‌റ്‌ന്റാമ്. ഈ സാമിത്തെ സത്ത്യമാന സാമി. ഈ സാമിത്തെ നമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്താദ്.
ကြော်ငြာတွေ