എവുറായാര് 5:8 - സാമി സേദി

⁸ ക്‌റ്‌സ്‌ത്ത് സാമി മഗാനായിന്ത് ഗുഡി താന് പട്ട കജട്ടഗാള്‌നാലെ സാമി സൊല്ലുപഡി നഡാക്ക്യ പഡിത്താന്.

എവുറായാര് 5:8 ပူးပေါင်းရင်းမြစ်များ

മത്തായി 3:15

ആന ഏസ്സ് അയാള്‌ക്ക്: <<ഇന്നാല് ഇത്തേത്തെ ഗേഡൊ. നമ്മ ഗേഡൊ എന്റ് സാമി ആസെപഡുവാദെല്ല നഡാക്ക്യ ബേ്ണ്ടി ഇത്തെ ഗേവാദ്‌ത്തെ നല്ലാദ്>> എന്റ് സൊന്നാന്. അദുക്കുള ഓഗന്നാന് ഏസ്സ് സൊന്ന പാസെ ഗേന്താന്.

ഓഗന്നാന് 10:18

എന്ന് ഉജുരുന എന്നോഡിന്ത് ആര്‌മ് എ്ഡ്‌ത്ത് പോഗമാട്ടാര്. ആന നാന് താനെത്തെ എന്ന് ഉജുരുന കൊഡുക്കുവാദ്, അത്തെ കൊഡുക്കുവാദ്‌ക്കുള്ള അദിഗര എനാക്കിര്‌ക്ക്‌ന്റ്. അദ്‌ന തിരിക്കി എ്ഡ്‌ക്ക്യാമ് എനാക്ക് അദിഗര ഇര്‌ക്ക്‌ന്റ്. ഇദ്‌ത്തെ നാന് ഗേയ ബേ്ണ്ടി എന്നപ്പാന് സാമി എനാക്ക് സൊല്ലിര്‌ക്കുവാദ്.>>

ഓഗന്നാന് 15:10

എന്ന് അപ്പാന് എനാന ഗേയ സൊന്ന കാര്യഗാള്‌ന അദേപാസെ നാന് ഗേന്ത് അയാള് എന്നോഡ ബെത്ത്‌റ്‌ക്കുവ സീവാന്‌ല് നാന് ഇര്‌ക്കുവ പാസെ നിമ്മാമ് നാന് ഗേയ സൊന്ന കാര്യഗാള്‌ന അദേപാസെ ഗേന്തദാന നാന് നിമ്മോഡ ബെത്ത്‌റ്‌ക്കുവ സീവാന്‌ല് നിമ്മ ഇര്‌ക്കുവുറു.

ഓഗന്നാന് 4:34

ഏസ്സ് അവാര്‌ക്ക് ഇത്തെ സൊന്നാന്: <<എനാന സൊല്ലി ബ്‌ട്ടവാന്‌ക്ക് പ്‌ഡിത്ത കാര്യ ഗേവാദ്‌മ് അയാള് എനാക്ക് ഗേയ തന്ത്‌റ്‌ക്കുവ ഗിലാസാന ഗേന്ത് മുഡിക്കുവാദ്‌മ്‌ത്തെ എന്ന് തീനി

ഓഗന്നാന് 6:38

എന്ത്‌ക്കെന്റ് സൊന്ന എനാക്ക് പ്‌ഡിത്ത കാര്യഗാള്‌നല്ല നാന് ഗേയ ബന്താദ്. എനാന സൊല്ലി ബ്‌ട്ട എന്നപ്പാന്‌ക്ക് പ്‌ഡിത്ത കാര്യഗാള്‌ന ഗേയാത്തെ നാന് മേലോഗാത്ത്‌ലിന്ത് ഇ്റാഗി ബന്ത്‌റ്‌ക്കുവാദ്.

പിലിപ്പ്യഗാറാര് 2:8

ക്‌റ്‌സ്‌ത്ത് ഏസ്സ് മന്‌സാനായി പെ്ളേക്കാട്ടി താനെ സാമി സൊല്ലുപഡിക്ക് ഇര്‌ക്ക്യ ബേ്ണ്ടി, താന് താനെ തണിന്ത് കൊഡുത്തു കുരുസുക്കു സേത്തി ആണി അഡിത്ത് കൊല്ല്യ ബ്‌ട്ടാന്.

എവുറായാര് 1:2

ആന ഈ കഡേസി കാലാത്ത്‌ല് സാമി തന്ന് മഗാന്‌ന ബെത്ത് നമ്മോഡ നായ നൊഡിന്ത്‌റ്‌ന്റാന്. സാമി എല്ലാദ്‌ക്ക്‌മ് അയാള്‌ന ഉള്ളവാന് മാഡി ബെത്ത്‌മ് അയാള്‌ന ബെത്ത് ഈ അണ്ടസരാസരന ദ്‌ട്ടിസിമ് ഇര്‌ന്റാന്.

എവുറായാര് 1:5

എന്ത്‌ക്കെന്റ് സൊന്ന <<നീ എന്ന് മഗാന്, ഇന്റ് നാന് നിനാന പ്‌റാത്തിര്‌ന്റെ>> എന്റ്‌മ് <<നാന് അവാന്‌ക്ക് അപ്പാന്‌മ്, അവാന് എനാക്ക് മഗാന്‌മ് ആയിര്‌ക്കുവാന്>> എന്റ്‌മ് ദൂദാര്‌ഗാള്‌ല് ആര്‌ക്കാറ്റ എന്നാലെന്റാല് സാമി സൊല്ലിര്‌ക്ക്‌ന്റാന?

എവുറായാര് 1:8

ആന സാമി തന്ന് മഗാന്‌ന പറ്റി സൊല്ലിര്‌ക്കുവാദ് എന്തെന്റ് സൊന്ന, <<ദെയിവമേ, നിന്ന് രാജ്യ എന്നാല്‌ക്ക്‌മ് ഇര്‌ക്ക്‌മ്, നീ നേര്‌മോഡ നിന്ന് രാജ്യന ആളുവായി.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.