എവുറായാര് 4:6 - സാമി സേദി

⁶ സാമി സൊന്നാദ്‌ന കേ്ള്‌ക്കത്താദ്‌നാലെ നല്ല സേദിന മുദാല് കേ്ട്ടവാര്‌ക്ക് അയി എ്ളേക്കുവ പട്ട്‌ക്ക് എജ്ജ്യ മുഡ്യാലെ. ആന അദ്‌ക്ക് ബേ്റെ ആള്‌ഗാള് എജ്ജുവാര്.

എവുറായാര് 4:6 ပူးပေါင်းရင်းမြစ်များ

മത്തായി 21:43

അദ്‌നാലെ സാമി ആളുവാദ്‌ക്ക് പട്ടവാര് ആവ നിമാന തള്ളി സാമി സൊല്ലുപഡി നഡാക്കുവ എഗുദാരല്ലാത്ത ജാദിഗാള്‌ന സാമി ആളുവാദ്‌ക്ക് പട്ടവാര് മാഡുവെ എന്റ് നാന് നിമാക്ക് സൊന്റെ.

അപ്പോസുത്തലാര് 28:28

അദ്‌നാലെ സാമി കാപാറ്റുവ ഈ സേദി എഗുദാര് അല്ലാത്ത ജാദിഗാള്‌ക്ക് ബ്‌ട്ട്‌റ്‌ന്റാന്. അദ്‌ന അവാര് സൊക്കാന കേ്ള്‌ക്കുവാര് എന്റ് നിമ്മ തെരിന്ത്‌റ്‌ക്കുഡൊ.>> എന്റ്‌ഗുഡി സൊല്ലി പവുലോസു തന്ന് നായന മുഡിത്താന്.

1 കൊരിന്ത്യഗാറാര് 7:29

ഏസ്സ്‌ഗാറാരെ, നാന് സൊല്ലി ബരുവ അര്‌ത്ത എന്തെന്റ് സൊന്ന, ഇന്നി അദിഗ നാള് ഇല്ലെ, അദ്‌നാലെ ഇന്നാലിന്ത് പെ്ണ്ടച്ച്യാമ് ഇര്‌ക്ക്‌ന്റവാര് പെ്ണ്ടച്ച്യാമ് ഇല്ലത്തവാര്‌ന പാസെ പെ്ളേക്കുഡൊ.

ഗലാത്ത്യഗാറാര് 3:8

തനാന നമ്പുവ ജാദിഗാള്‌ന സാമി നേര്‌മെഗാറാരായി കണാക്കാക്ക്‌ന്റാന് എന്റ് തന്ന് സൊല്ലുസുലാക്കാത്ത്‌ല് മുന്നുക്കു താനെ എ്ള്‌ദിര്‌ക്ക്‌ന്റ്. അദ്‌നാലെത്തെ <<നിന്ന്‌നാലെ ബൂമിലിര്‌ക്കുവ എല്ലാ ജാദിഗാള്‌ക്ക്‌മ് നല്ലാദ് കെ്ഡേക്ക്‌മ്>> എന്നുവ നല്ല സേദിന മുന്നുക്കു താനെ സാമി അവുറഗാമ്‌ക്ക് സൊന്നാദ്.

എവുറായാര് 4:11

അദ്‌നാലെ സാമി സൊന്നാദ്‌ന കേ്ള്‌ക്കാദെ അവാര് സോറ്റു പോന പാസെ നമ്മ് കൂട്ടാത്ത്‌ല് ആര്‌മ് സോറ്റു പോഗാദെ അയി എ്ളേക്കുവ പട്ട്‌ക്ക് എജ്ജ്യ നമ്മ മുഡിന്തളാവുക്കു ഓരാഡ്‌ഗാന്.

എവുറായാര് 4:2

എന്ത്‌ക്കെന്റ് സൊന്ന അവാര് കേ്ട്ടപാസെ നമ്മാമ് നല്ലൊന്റു സേദിന കേ്ട്ട്‌റ്‌ക്ക്‌ന്റാമ്. അവാര് നല്ല സേദിന കേ്ട്ടവാര് ആയിന്താല്‌മ് നമ്പിക്കോഡ അയി സേദിന അവാര് തങ്കാരിക്കാലെ. അദ്‌നാലെ അദ് അവാര്‌ക്ക് ഉവഗരപഡാദെ പോറ്റു.

എവുറായാര് 4:9

അദ്‌നാലെ സാമി ഏ്ളാവാദ് നാള് എ്ളേത്ത പാസെ സാമിഗാറാര്‌ക്ക്‌മ് എ്ളേക്കുവ ഗളിഗെ ബര്യ പോന്റു.