എവുറായാര് 4:16 - സാമി സേദി

¹⁶ അദ്‌നാലെ ദയിരത്തോഡ പ്‌ണ്ണ്യ ഗേന്റവാനാന സാമി കുറിഞ്ചി പട്ട്‌ക്ക് പോഗാന്. അദ്‌ല് ബെത്ത് സാമി നമാന ഗവാമ് പഡുവാന്, തേവെപഡുവ ഗളിഗേക്കെല്ല പ്‌ണ്ണ്യ നമാക്ക് ഉദാവ്യായിമ് കെ്ഡേക്ക്‌മ്.

എവുറായാര് 4:16 ပူးပေါင်းရင်းမြစ်များ

എപസോസുഗാറാര് 2:18

അദ് എത്തെന്റ് സൊന്നദാന സാമിപ്‌ള്ളെഗാള്, സാമിപ്‌ള്ളെഗാളല്ലത്തവാര് എന്റ് സൊല്ലുവ അന്ന്യ ജാദിഗാള് എന്റ് റാഡായി പ്‌റ്‌ന്തിന്ത നമ്മൊട്ടുക്കുമു അയി സേദിന നമ്പുവാദ്‌നാലെ ഒന്റേ സാമിനിഗാല്‌ല് അപ്പാനായിര്‌ക്കുവ സാമിക്ക് എ്ണേവ ബാഗ്യ നമാക്ക് കെ്ഡേത്ത്‌ദ്.

എപസോസുഗാറാര് 3:12

അത്തെ ക്‌റ്‌സ്‌ത്ത്‌ന നമ്പുവാദ്‌നാലെ അഞ്ചാദെ ദയിരത്തോഡ നമാക്ക് സാമി പട്ട്‌ക്ക് പോയ മുഡിമ്.

എവുറായാര് 13:6

അദ്‌നാലെ <<ആണ്ടവാന്‌ത്തെ എനാന കയിതാങ്ക്‌ന്റവാന്, അദ്‌നാലെ നാന് അഞ്ചാമ്‌മാട്ടെ. മന്‌സാര്‌ഗാള്‌ക്ക് എനാന ഒന്റുമു ഗേയ മുഡ്യാമാട്ട>> എന്റ് നമാക്ക് ദയിരത്തോഡ സൊല്ലുല.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.

എവുറായാര് 7:19

എന്ത്‌ക്കെന്റ് സൊന്ന സാമി ആസെപട്ടാദ്‌ന ഒട്ടുക്കു നഡാത്തി മുഡിക്ക്യ മോസെ ബെത്ത സാമി സട്ടാക്ക് മുഡ്യാലെ. ആന അദ്‌ന ബ്‌ഡ മ്‌ഗ്‌ന്ത നെഞ്ചഡെ ഇന്നാല് നമാക്ക് കെ്ഡേത്ത്‌റ്‌ക്ക്‌ന്റ്. അയി നെഞ്ചഡെനാലെ നമ്മ സാമി പട്ട്‌ക്ക് പോന്റാമ്.

എവുറായാര് 7:25

അത്തെ ഏസ്സ്‌നാലെ സാമി പട്ട്‌ക്ക് ബന്റവാര്‌ന എന്നാല്‌ക്ക്‌മ് കാപാറ്റ്യ തനാക്ക് മുഡിമ്. എന്ത്‌ക്കെന്റ് സൊന്ന അവാര്‌ക്ക് ബേ്ണ്ടി സാമ്യോഡ ഉദാവി കേ്ള്‌ക്ക്യ അയാള് എന്നാല്‌ക്ക്‌മ് പെ്ളേക്ക്‌ന്റാന്.

എവുറായാര് 9:5

പെ്ട്ടി കുദ്ദാക്ക് സാമി മദ്‌പ്പ്‌ന കാട്ടുവ കെരൂബുഗാള്‌മ് ഇന്ത്‌ദ്. ആള്‌ഗാള് പാവഗാള്‌ന സാമി പൊറുക്കുവ എ്ഡെ എന്റ് സൊല്ലുവ പട്ട്‌ന അയി കെരൂബുഗാള് തമ്മ് ഇ്റാക്കേല് മൂഡിന്ത്‌ദ്. ആന ഈ കാര്യഗാള്‌ന പറ്റി ഇന്നാല് ഒന്റൊന്റായി സൊല്ല്യ എമാക്ക് മുഡ്യാമാട്ട.

1 പത്ത്‌റോസു 2:10

മുന്നുക്കു നിമ്മ സാമിക്ക് പട്ട ജനഗാള് ആയിര്‌ക്കാലെ. ആന ഇന്നാല് നിമ്മ സാമിക്ക് പട്ട ജനഗാള് ആയിര്‌ക്ക്‌ന്റ്‌റ്. മുന്നുക്കു നിമ്മ സാമി ഗവപഡുവാദ്‌ന കാണാലെ. ആന ഇന്നാല് നിമ്മ സാമി ഗവപഡുവാദ്‌ന കണ്ട്‌റ്‌ക്ക്‌ന്റ്‌റ്.