എവുറായാര് 4:1 - സാമി സേദി

¹ സാമി എ്ളേക്ക്യ ബെക്കുവ പട്ട്‌ക്ക് നമാന എത്തുസുവാന് എന്നുവ ബാക്ക് ഇന്നാല്‌മ് നമാക്ക് ഇര്‌ക്ക്‌ന്റ്. അദ്‌നാലെ നിമ്മ് കൂട്ടാത്ത്‌ല് ആര്‌മ് അയി എ്ളേക്കുവ പട്ട്‌ക്ക് എജ്ജാത്തവാര് ആഗാദിര്‌ക്ക്യ ബേ്ണ്ടി നിമ്മ നോഡി കൊള്ളുനു.

എവുറായാര് 4:1 ပူးပေါင်းရင်းမြစ်များ

മത്തായി 24:48

ആന അയാള് കേ്ഡ്‌ഗെ്ട്ട ഗിലാസഗാറാനായിന്ത, <എന്ന് പണ്ണാഡി ബര്യ ഗളിഗ്യാമ്> എന്റ് മനേസ്സ്‌ല് നെനേത്ത് കൊണ്ടു

അപ്പോസുത്തലാര് 3:19

അദ്‌നാലെ നിമ്മ ഗേവ കാര്യഗാള് പാവ എന്റ് തെരിന്ത് അദ്‌ന തള്ളി ഇന്നി ഗേഗാദെ ഇര്‌ക്കുഡൊ, പ്‌റ സാമിസാരി ബരുഡൊ. അന്നാപ്പ് സാമി നിമ്മ് പാവാക്ക് പൊറിമെ തരുവാന്. നിമ്മ അത്തെ ഗേന്തദാന,

റോമഗാറാര് 11:20

അദ് സെരിത്തെ. അവാര് നമ്പാത്താദ്‌നാലെ അവാര്‌ന ബെ്ട്ടി തള്ള്‌നാന്. നിമ്മ നമ്പ്‌നാദ്‌നാലെത്തെ അയി മര താറ്‌ഗാളായി നിമ്മ ഇന്നാല്‌മ് ഇര്‌ക്കുവാദ്. അദ്‌നാലെ പെരിമെപഡാദെ അഞ്ചിക്കോഡ ഇര്.

റോമഗാറാര് 3:23

എന്ത്‌ക്കെന്റ് സൊന്ന എല്ലാ മന്‌സാര്‌ഗാള്‌മ് പാവ ഗേന്ത് സാമി കണ്ണ്‌ക്ക് മദ്‌പ്പില്ലത്തവാരായി തള്ള്‌നാര്.

1 കൊരിന്ത്യഗാറാര് 10:12

അദ്‌നാലെ നമ്പിക്കേല് ഒറേപ്പുള്ളവാന് ആയിര്‌ക്ക്‌ന്റെ എന്റ് നെനേക്ക്‌ന്റവാന് അദേ പാവഗാള്‌ക്ക് സിക്കാദിര്‌ക്ക്യ നോഡി കൊള്ളുഡൊ.

2 കൊരിന്ത്യഗാറാര് 6:1

സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.

ഗലാത്ത്യഗാറാര് 5:4

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്ത് സാമി തമാന നേര്‌മെഗാറാര് മാഡ്യ ബേ്ണ്ടി ആസെപഡുവ നിമ്മ ക്‌റ്‌സ്‌ത്തോഡിന്ത് ഒന്റേപെ്ട്ട് പ്‌റ്‌ന്ത്‌റ്‌ന്റ്‌റ്. സാമി നിമാക്ക് ഗേന്ത പ്‌ണ്ണ്യന നിമ്മ ബേ്ഡെന്റ്‌മ് ബെത്ത്‌റ്‌ന്റ്‌റ്.

2 തിമിത്തോസു 2:13

നമ്മ നമ്പ്യ മുഡ്യാത്തവാര് ആയിന്താല്‌മ് അയാള് നമ്പ്യ മുഡിന്റവാന്‌ത്തെ. എന്ത്‌ക്കെന്റ് സൊന്ന താന് സൊന്ന ബാക്ക്‌ന തവാറ്‌സമാട്ടാന്.

എവുറായാര് 12:15

സാമി ഗേന്ത്‌റ്‌ക്കുവ പ്‌ണ്ണ്യ കെ്ഡേക്കാത്തവാര് ആഗാദെ ഇര്‌ക്ക്യ നിമ്മ എല്ലാവാര്‌മ് നോഡുഡൊ. ആര്‌മ് കീ്ട്ട്‌ഗ ബെത്ത് അദ്‌ന ദൊഡ്ഡാദ് മാഡാദെ ഇര്‌ക്ക്യ നോഡുഡൊ. അത്തവാള്‌ക്ക് എഞ്ചോ ആള്‌ഗാള്‌ന കെ്ഡിസ്യ മുഡിമ്.

എവുറായാര് 12:25

അദ്‌നാലെ സാമി നായ സൊല്ലുഗാട്ടി അയാള് സൊല്ലുവാദ്‌ന തള്ളാദെ ഇര്‌ക്ക്യ നോഡുനു. ബൂമില് ബെത്ത് നായ നൊഡിന്തവാന് സൊന്നാദ്‌ന തള്ള്‌നവാര് തപ്പിസി കഡാക്കാലെ. അത്ത്യാന മേലോഗാത്ത്‌ലിന്ത് നായ നൊഡിന്റവാന് സൊല്ലുവാദ്‌ന തള്ള്‌ന തപ്പിസി കഡാക്ക്യ മുഡ്യാഗേ മാട്ട.

എവുറായാര് 13:7

സാമി സൊല്ലുസുലാക്കാന നിമാക്ക് പഡിസി തന്തവാര്‌ന നിമ്മ മറാക്കദേന്. അവാര് എത്തെ പെ്ളേത്ത് സത്താരെന്റ് നിമ്മ നെനേത്ത് അവാര് നമ്പി നഡാന്ത പാസെ നിമ്മാമ് നമ്പി നഡാന്.

എവുറായാര് 3:11

അത്തെ <നാന് അവാര്‌ന എ്ളേക്ക്യ ബെക്കുവ പട്ട്‌ക്ക് അവാര് എന്നാല്‌ക്ക്‌മ് എജ്ജമാട്ടാര്> എന്റ് നാന് മൊനേക്ക് തെ്ട്ടി സത്ത്യ ഗേന്തെ.>>

എവുറായാര് 4:11

അദ്‌നാലെ സാമി സൊന്നാദ്‌ന കേ്ള്‌ക്കാദെ അവാര് സോറ്റു പോന പാസെ നമ്മ് കൂട്ടാത്ത്‌ല് ആര്‌മ് സോറ്റു പോഗാദെ അയി എ്ളേക്കുവ പട്ട്‌ക്ക് എജ്ജ്യ നമ്മ മുഡിന്തളാവുക്കു ഓരാഡ്‌ഗാന്.

എവുറായാര് 4:9

അദ്‌നാലെ സാമി ഏ്ളാവാദ് നാള് എ്ളേത്ത പാസെ സാമിഗാറാര്‌ക്ക്‌മ് എ്ളേക്കുവ ഗളിഗെ ബര്യ പോന്റു.