എവുറായാര് 3:1 - സാമി സേദി1 അദ്‌നാലെ സാമി ബ്‌ളിത്ത്‌റ്‌ക്ക്‌ന്റവാര്‌മ് സാമിക്ക് പട്ടവാര്‌മ് ആന ഏസ്സ്‌ഗാറാരെ, സാമി സൊല്ലി ബ്‌ട്ടവാന് എന്റ്‌മ് ദൊഡ്ഡ പൂസാരി എന്റ്‌മ് നമ്മ സൊല്ലുവ ഏസ്സ്‌ന പറ്റി നെനേത്ത് നോഡുനു. အခန်းကိုကြည့်ပါ။ |
എവുറായാര് 3:1
63 ပူးပေါင်းရင်းမြစ်များ
എഗുദാര് നാട്ടി ബളാത്ത്‌ന ഒലിവു മരാക്ക് സമ, എഗുദാരല്ലത്തവാര് ആയിര്‌ക്കുവ നിമ്മ സോലെല ഒലിവു മരാക്ക് സമ. അത്തെ ഇര്‌ക്കാട്ടി നാട്ടി ബളാത്ത്‌ന ഒലിവു മരാത്ത്‌ല താറ്‌ഗാള്‌ല് ലേസ താറ്‌ഗാള് ബെ്ട്ടി തള്ളി സോലെല ഒലിവു മര താറ്‌ന പാസെ ഇന്ത നിനാന അയി നാട്ടി ബളാത്ത്‌ന ഒലിവു മരാത്ത്‌ല സത്ത്‌ക്ക് പങ്ക്‌ഗാറാനായ ബേ്ണ്ടി അദ്‌ക്ക് ഒട്ടുസുനാന്.
അവാര്‌ക്ക് അത്തെ ഗേയ മനേസ്സ് ബന്താദ് താനേമല്ല, അവാര് അത്തെ ഗേയ കഡാമെ പട്ടവാര്‌മ്‌ത്തെ. എന്ത്‌ക്കെന്റ് സൊന്ന എഗുദാരല്ലാത്ത ജാദിഗാള് എഗുദാര്‌ക്ക് കെ്ഡേത്ത സാമി ബാക്ക്‌വരഗാള്‌ക്ക് പങ്ക്‌ഗാറാര് ആനാദ്‌നാലെ അവാര് ഈ ലോഗാത്ത്‌ല് തമാക്കിര്‌ക്കുവ സൊത്തുസുഗാത്ത്‌ലിന്ത് എഗുദാര്‌ക്ക് പങ്ക് കൊഡുക്ക്യ കഡാമെ പട്ടവാര്‌ത്തെ.
കൊരിന്ത്യ പട്ടണാത്ത്‌ല ഏസ്സ്‌ഗാറാര് കൂട്ടാക്ക് എ്ള്‌ദുവ എ്ള്‌ത്ത്. ക്‌റ്‌സ്‌ത്ത് ഏസ്സ്‌ന ബെത്ത് സാമി നിമാന സുത്താപ്പുള്ളവാര് മാഡി തനാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റാന്. ഉലഗാത്ത്‌ല് എല്ലാ സാരിമ് ഏസ്സ് ക്‌റ്‌സ്‌ത്ത്‌ന പരേസുവ എല്ലാ ആള്‌ഗാളോഡൊപ്പത്തെ സാമി നിമാനാമ് തനാക്ക് സുത്താപ്പുള്ളവാര് ആയിര്‌ക്ക്യ ബേ്ണ്ടി തെരിന്തെ്ഡ്‌ത്താദ്. ഈ ഏസ്സ് ക്‌റ്‌സ്‌ത്ത് നമ്മ് ആണ്ടവാന്‌മ് അവാര് ആണ്ടവാന്‌മ്‌ത്തെ.
ഇ്റ്‌ട്ട്‌ന പാസെ ഇര്‌ക്കുവ പാവ ഗേവ പെ്ളേപ്പ്‌ലിന്ത് സാമി നിമാന ബ്‌ഡിസി തനാക്ക് മെച്ച്‌പ്‌ഡിത്ത മഗാന് നാഡ്‌ക്ക് നിമാന സേത്തി ബെത്ത്‌റ്‌ന്റാന്. അദ്‌താനേമല്ല, ബെ്ള്‌സന പാസെ ഇര്‌ക്കുവ സാമിക്ക് പട്ടവാര് പെ്ളേക്കുവ നാഡ്‌ല് ഈ്ട്ടി ബെത്ത്‌റ്‌ക്കുവ പങ്ക് കെ്ഡേക്ക്യ ബേ്ണ്ടി സാമി നിമാന തഗ്‌ദിര്‌ക്ക്‌ന്റവാര്‌മ് മാഡ്‌നാന്. അദ്‌നാലെ അപ്പാന് സാമിക്ക് നിമ്മ നണ്ണി സൊല്ലുനു.
അദ്‌നാലെ നിമാന തെരിന്തെ്ഡ്‌ത്ത്‌റ്‌ക്കുവ സാമിക്ക് തഗ്‌ദ്യുള്ളവാരായി സാമി നിമാന കണാക്കാക്കുവ പാസെ നിമ്മ പെ്ളേക്ക്യ ബേ്ണ്ടി എമ്മ ഒപ്പ നിമാക്ക് ബേ്ണ്ടി സാമിക്ക് പരേസ്‌ന്റേമ്. നിമ്മ നല്ലാദ് ഗേയ ആസെപഡുവ എല്ലാ ആസെഗാള്‌നാമ്, നിമ്മ നമ്പിക്കോഡ ഗേവ കാര്യഗാള്‌നാമ് സാമി സക്‌തില് ഗേന്ത് തെഗേക്ക്യ സാമി നിമാന കയിതാങ്കുഡൊ.
ജുദ്ദ ഗേവ ഒന്റു പട്ടളഗാറാന് പിന്ന്‌കാല് മെ്ട്ടാദെ ജുദ്ദ ഗേവ പാസെ നിന്ന് നമ്പിക്കെ പോഗാദിര്‌ക്ക്യ ബേ്ണ്ടി നീ നിന്നാവാദ് ഓരാഡുഡൊ. എഞ്ചോ ആള്‌ഗാള് മുന്നുക്കു നീ ഏസ്സ്‌ന നമ്പ്‌ന്റായി എന്റ് സൊല്ലിര്‌ക്ക്‌ന്റായല്ല? അദ്‌നാലെ നീ എന്നാല്‌ക്ക്‌മ് ഇര്‌ക്കുവ സാഗാത്ത പെ്ളേപ്പ്‌ന കയി ബ്‌ഡാദെ സൂസാരിത്ത് ബെയി. ഈ പെ്ളേപ്പ് കെ്ഡേക്ക്യ ബേ്ണ്ടിത്തെ സാമി നിനാന ബ്‌ളിത്ത്‌റ്‌ക്കുവാദ്.
ഏദാറ്റ പണ്ണ്യഗിലാസ ഗേവ ഏസ്സ്‌ഗാറാന്‌ക്ക് ഏസ്സ്‌ഗാറാനായിര്‌ക്കുവ പണ്ണാഡി ഇന്തദാന നമ്മെല്ല ഏസ്സ്‌ഗാറാര്‌ത്തെന്റ് സൊല്ലി പണ്ണാഡി സൊല്ലുപഡിക്ക് നഡാക്കാദിര്‌ക്കാദേന്. അദ്‌ക്ക് ബദ്‌ല താന് ഗിലാസ ഗേവാദ്‌ക്കുള്ള ഉവഗര ഏസ്സ്‌ഗാറാനായിര്‌ക്കുവ തന്ന് പണ്ണാഡിക്ക് കെ്ഡേക്കുവാദ്‌നാലേമ് അയി പണ്ണാഡി തനാക്ക് മെച്ച്‌പ്‌ഡിത്തവാന് ആയിര്‌ക്കുവാദ്‌നാലേമ് അയാള്‌ക്ക് ബേ്ണ്ടി നലമായി ഗിലാസ ഗേഡൊ. ഈ കാര്യഗാള്‌ന നീ അവാര്‌ക്ക് കണ്ടിപ്പായി പഡിസിമ് കൊഡുക്കുഡൊ, സൊല്ലിമ് കൊഡുക്കുഡൊ.
സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.
മോസെ ബെത്ത സാമിസട്ട കുറ്റകൊറേവു ഉള്ള മന്‌സാര്‌ഗാള്‌ന എഗുദാര് ദൊഡ്ഡ പൂസാരി ആയി എ്ഡ്‌ത്ത് ബെക്ക്‌ന്റ്. ആന അയി സട്ട കെ്ഡേത്ത പ്‌റ സാമി സത്ത്യഗേന്ത് കൊഡുത്ത ബാക്ക്‌ന ബെത്ത് തന്ന് മഗാന്‌ന ദൊഡ്ഡ പൂസാരി മാഡ്‌നാന്. അയി മഗാന് സാമി ആസെപട്ടാദ്‌ന ഒട്ടുക്കു ഒന്റേപെ്ട്ട് എല്ലാ കാലാക്ക് ബേ്ണ്ടി നഡാത്തി മുഡിത്താന്.
അദ്‌നാലെ ക്‌റ്‌സ്‌ത്ത് സാമിനാമ് ആള്‌ഗാള്‌നാമ് എ്ണേത്ത് ഒന്റു പുദ്യ ഒപ്പന്ത ബെക്ക്‌ന്റാന്. അത്തെ മുദാല് ബെത്ത ഒപ്പന്ത പഡി ഇര്‌ക്കാട്ടി ഗേന്ത കുറ്റഗാള്‌ക്കുള്ള ദെ്ണ്ടണേലിന്ത് ബ്‌ഡിസ്യ ബേ്ണ്ടി ക്‌റ്‌സ്‌ത്ത് സത്താദ്‌നാലെ സാമി തരുവെ എന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ ബാക്ക്‌വരഗാള് സാമി ബ്‌ളിത്തവാര്‌ക്ക് കെ്ഡേക്ക്‌ന്റ്.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
ကြော်ငြာတွေ