എവുറായാര് 2:3 - സാമി സേദി

³ അത്ത്യാന സാമി നമാന കാപാറ്റിര്‌ക്കുവ ദൊഡ്ഡ കാര്യന ഇന്നിമ് ദൊഡ്ഡ കാര്യല്ല എന്റ് ബെത്തദാന നമാക്ക് എത്തെ തപ്പിസി കഡാക്ക്യ മുഡിമ്? ആണ്ടവാന്‌ത്തെ നമാന കാപാറ്റുവാദ്‌ന പറ്റി മുദാല് സൊന്നാദ്. അദ്‌ന കേ്ട്ടവാര് ഇദ് സത്ത്യത്തെ എന്റ് നമാക്ക് കാട്ടി തന്ത്‌റ്‌ക്ക്‌ന്റാര്.

എവുറായാര് 2:3 ပူးပေါင်းရင်းမြစ်များ

മത്തായി 23:33

പാമ്പ്‌ന പാസെ, നാഗ പാമ്പ്‌ന പാസെ ഇര്‌ക്ക്‌ന്റവാരെ, നിമാക്ക് ബന്ത്‌റ്‌ക്കുവ നരഗ ദെ്ണ്ടണേലിന്ത് എത്തെ നിമ്മ തപ്പിസി കഡാക്കുവുറു?

മത്തായി 4:17

അദ്‌ക്ക് ഇര്‌ക്ക്യ പോന നാള്‌ലിന്തേ ഏസ്സ്: <<സാമി ആളുവാദ് ബര്യ പോവാദ്‌നാലെ പാവ ഗേവാദ്‌ന തള്ളി സാമിസാരി തിര്‌ഗ്‌ന്>> എന്റ് ആലാത്താലാത്ത് സൊല്ല്യ പ്‌ഡിത്താന്.

മര്‌ക്കോസു 1:14

അദ്‌ക്ക് പ്‌റ ഓഗന്നാന്‌ന ജെയില്‌ക്ക് അഡേത്താര്. ഏസ്സ് ഗലീല നാഡ്‌ക്ക് പോയി സാമി ആള്യ പോവ കാലന പറ്റി സൊല്ലുവ നല്ല സേദിന സൊല്ലി കൊഡുത്താന്.

ലൂക്കോസു 1:2

ഈ കാര്യഗാള്‌ന മുദാലിന്തെ കണ്ട്‌മ് നല്ല സേദിന പറ്റി സൊല്ലിമ് കൊഡുത്ത സാമി ഗിലാസഗാറാര് നമാക്ക് സൊല്ലി തന്ത പാസെത്തെ അവാര് എ്ള്‌ദിര്‌ക്കുവാദ്.

ലൂക്കോസു 24:19

അദുക്കുള ഏസ്സ്: <<ഏദ് കാര്യഗാള്>> എന്റ് കേ്ട്ടാന്. അദുക്കുള അവാര് ഇത്തെ സൊന്നാര്: <<നസറേത്ത്‌ഗാറാന് ഏസ്സ്‌ന പറ്റിത്തെ. സൊന്ന നായാത്ത്‌ല്‌മ് ഗേന്ത കാര്യഗാള്‌ല്‌മ് സാമി കണ്ണ്‌ക്ക്‌മ് മന്‌സാര് കണ്ണ്‌ക്ക്‌മ് അയാള് മ്‌ഗ്‌ന്ത സക്‌തി ഇര്‌ക്കുവ സാമിദാസ്‌ത്തെ എന്റ് സൊന്നാര്.

ഓഗന്നാന് 15:27

നിമ്മാമ് മുദാലിന്തെ എന്നോഡ ഇര്‌ക്കുവാദ്‌നാലെ നാന് ആരെന്റ് സൊല്ലുനു.>>

അപ്പോസുത്തലാര് 1:22

ഓഗന്നാന് ഏസ്സ്‌ന മുളുഗുസ്‌ന നാള്‌ലിന്ത് ഏസ്സ്‌ന മേലോഗാക്ക് എ്ഡ്‌ത്ത് പോവ നാള് മാട്ട്‌ക്ക് ഏസ്സ് നമ്മോഡൊപ്പ നഡാന്തിന്താന്. അയി കാല മാട്ട്‌ക്ക് നമ്മോഡ നഡാന്തിന്തവാന് ആയിര്‌ക്കുഡൊ നമ്മ തെരിന്തെ്ഡ്‌ക്ക്‌ന്റവാന്.>>

അപ്പോസുത്തലാര് 2:22

എന്ന് സൊന്ത ഇസ്‌റവേല്‌ഗാറാരെ, എന്ന് നായന കേ്ള്‌ന്! നസറേത്ത്‌ഗാറാന് ഏസ്സ്‌ക്ക് ഇന്ത സാമി അദിഗരാന സാമി നലമായി നിമാക്ക് കാട്ടി തന്താന്. അദ് അയാള് ഗേന്ത അദിസ്യഗാള്‌ല്‌മ് അഡ്യാളഗാള്‌ല്‌മ്‌ത്തെ സാമി കാട്ടി തന്താദ്. നിമ്മ് എ്ഡേല് നഡാന്ത ഈ കാര്യഗാളെല്ല നിമാക്ക് നലമായി തെരിവു.

അപ്പോസുത്തലാര് 4:12

ഏസ്സ് താനെത്തെ മന്‌സാന്‌ന കാപാറ്റ്‌ന്റവാന്, നമാന കാപാറ്റ്യ സാമി അയാള്‌ന അല്ലാദെ ബേ്റെ ആര്‌നാമ് ഉലഗാക്ക് സൊല്ലി ബ്‌ഡാലെ.>>

റോമഗാറാര് 11:14

എന്ത്‌ക്കെന്റ് സൊന്ന, ഇത്തെ ഗേവാദ്‌നാലെ എഗുദാര് ജാദിഗാള്‌ക്ക് കണ്ണ്‌കഡി ബരിസ്സി അവാര്‌ല് ലേസ ആള്‌ഗാള്‌ന കാപാറ്റുഡൊ എന്റ് നാന് നെനേക്ക്‌ന്റെ.

റോമഗാറാര് 2:3

അത്തവ കാര്യഗാള് ഗേന്റവാര്‌ന കുറ്റാമ് ബിദിത്ത് അദേ കാര്യനത്തെ നീയിമ് ഗേന്റായി, അത്തെ ഗേവ നീ സാമി കുറ്റ ബിദിക്കുവ ബിദിലിന്ത് തപ്പിസി കഡാക്കുവായി എന്റ് നീ നെനേക്ക്‌ന്റായ?

1 കൊരിന്ത്യഗാറാര് 1:21

തമാക്കിര്‌ക്കുവ അറുവുലുമു ബുദ്ദില്‌മ് ഉലഗാത്ത്‌ല ആള്‌ഗാള്‌ക്ക് സാമിന നെപ്പ്‌കെ്ഡേസ്യ മുഡ്യാമാട്ട എന്റ് സാമി തന്ന് അറുവുലുമു ബുദ്ദില്‌മ് മുഡിവെ്ഡ്‌ത്താന്. അദ്‌നാലെ ബുദ്ദിഗെ്ട്ട നായ എന്റ് ആള്‌ഗാള് നെനേക്കുവ സേദിന നമ്പുവ ആള്‌ഗാള്‌ന കാപാറ്റ്യ സാമിക്ക് പിര്യ പ്‌ഡിത്ത്‌ദ്.

1 തെസെലോനിക്ക്യഗാറാര് 5:3

<<എമ്മ നിമ്മ്‌ദ്യായി ഇര്‌ന്റേമ്, അഞ്ചിക്കില്ലാദെ ഇര്‌ക്ക്‌ന്റേമ്>> എന്റ് ആള്‌ഗാള് സൊല്ലുവാര്. ആന ബേ്റ്‌ഗാറിസിക്ക് പ്‌ള്ളെ്ഡ്‌ക്കുവ ഉറുസ്സു ഇ്ളാഗുവ പാസെ സട്ടന അവാര്‌ക്ക് നാസ ബര്‌മ്. അയി നാസാത്ത്‌ലിന്ത് അവാര്‌ക്ക് തപ്പിസി കഡാക്ക്യ മുഡ്യാമാട്ട.

1 തിമിത്തോസു 1:15

ഇത്തെ ഒന്റു സൊല്ലു ഇര്‌ക്ക്‌ന്റ്: <<പാവ ഗേന്റവാര്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ബൂമിക്ക് ബന്താന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ. ആന അയി കുറ്റ ഗേന്തവാര്‌ല് മ്‌ഗ്‌ന്ത കുറ്റഗാറാന് നാന്‌ത്തെ.

തീത്തോസു 2:11

എല്ലാ ആള്‌ഗാള്‌നാമ് കാപാറ്റ്യ ഒന്റു ബട്ടെ മാഡി തന്ത് താന് ഗവപട്ടാദ്‌ന സാമി നമാക്ക് കാട്ടി തന്ത്‌റ്‌ന്റാന്.

എവുറായാര് 1:1

മുന്തെല കാലാത്ത്‌ല് സാമിദാസ്‌ഗാള്‌ന ബെത്ത്‌ത്തെ സാമി നമ്മ് പാട്ടനാമോഡ നായ നൊഡിന്തിന്താദ്. അദ് എഞ്ചോ ജമ്പ് പല ദിന്‌സ്‌ല് സാമി നായ നൊഡിന്തിന്താന്.

എവുറായാര് 1:14

ആന ദൂദാര്‌ഗാളെല്ല സാമിക്ക് ഗിലാസ ഗേയ ബെത്ത്‌റ്‌ക്കുവ നിഗാല്‌ഗാള്‌ത്തെ. തപ്പിസി കഡാക്ക്യ പോന്റവാര്‌ന കയിതാങ്ക്യ സാമി അവാര്‌ന സൊല്ലി ബ്‌ഡ്‌ന്റാന്.

എവുറായാര് 1:2

ആന ഈ കഡേസി കാലാത്ത്‌ല് സാമി തന്ന് മഗാന്‌ന ബെത്ത് നമ്മോഡ നായ നൊഡിന്ത്‌റ്‌ന്റാന്. സാമി എല്ലാദ്‌ക്ക്‌മ് അയാള്‌ന ഉള്ളവാന് മാഡി ബെത്ത്‌മ് അയാള്‌ന ബെത്ത് ഈ അണ്ടസരാസരന ദ്‌ട്ടിസിമ് ഇര്‌ന്റാന്.

എവുറായാര് 12:25

അദ്‌നാലെ സാമി നായ സൊല്ലുഗാട്ടി അയാള് സൊല്ലുവാദ്‌ന തള്ളാദെ ഇര്‌ക്ക്യ നോഡുനു. ബൂമില് ബെത്ത് നായ നൊഡിന്തവാന് സൊന്നാദ്‌ന തള്ള്‌നവാര് തപ്പിസി കഡാക്കാലെ. അത്ത്യാന മേലോഗാത്ത്‌ലിന്ത് നായ നൊഡിന്റവാന് സൊല്ലുവാദ്‌ന തള്ള്‌ന തപ്പിസി കഡാക്ക്യ മുഡ്യാഗേ മാട്ട.

എവുറായാര് 4:1

സാമി എ്ളേക്ക്യ ബെക്കുവ പട്ട്‌ക്ക് നമാന എത്തുസുവാന് എന്നുവ ബാക്ക് ഇന്നാല്‌മ് നമാക്ക് ഇര്‌ക്ക്‌ന്റ്. അദ്‌നാലെ നിമ്മ് കൂട്ടാത്ത്‌ല് ആര്‌മ് അയി എ്ളേക്കുവ പട്ട്‌ക്ക് എജ്ജാത്തവാര് ആഗാദിര്‌ക്ക്യ ബേ്ണ്ടി നിമ്മ നോഡി കൊള്ളുനു.

എവുറായാര് 4:11

അദ്‌നാലെ സാമി സൊന്നാദ്‌ന കേ്ള്‌ക്കാദെ അവാര് സോറ്റു പോന പാസെ നമ്മ് കൂട്ടാത്ത്‌ല് ആര്‌മ് സോറ്റു പോഗാദെ അയി എ്ളേക്കുവ പട്ട്‌ക്ക് എജ്ജ്യ നമ്മ മുഡിന്തളാവുക്കു ഓരാഡ്‌ഗാന്.

എവുറായാര് 5:9

അത്തെ കജട്ടഗാള് പട്ട് താന് തെഗേന്തവാന് ആഗാട്ടി അയാള് തന്ന് സൊല്ലുപഡി നഡാക്കുവ എല്ലാവാര്‌നാമ് എന്നാല്‌ക്ക്‌മ് കാപാറ്റ്‌ന്റവാന് ആനാന്.

എവുറായാര് 9:28

ഇദേപാസെ എഞ്ചോ ആള്‌ഗാള് പാവഗാള്‌ന തീര്‌ക്ക്യ ക്‌റ്‌സ്‌ത്ത് ഒന്റു ജമ്പ് തനാന താനെ പലി കൊഡുത്താന്. ജനഗാള് പാവാക്ക് ബേ്ണ്ടി അല്ല തനാന കാത്ത്‌റ്‌ക്കുവ ജനഗാള്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് റണ്ടാവാദ് ബരുവാന്.

1 ഓഗന്നാന് 1:1

ഉജുരു തരുവ സാമിന എമ്മ കണ്ണാറ കണ്ട്‌മ് കാദാറ കേ്ട്ട്‌മ് എമ്മ് കയില് അണ്ണിപ്‌ഡിത്ത്‌മ് ഗേന്ത്‌റ്‌ന്റേമ്. ഈ സാമി ഉലഗ ഉണ്ടാഗാത്ത മുദാല് താനെ സൊല്ലുസുലാക്ക ആയിര്‌ക്ക്‌ന്റാന്.

ജൂദാന് 1:17

എനാക്ക് മെച്ച്‌പ്‌ഡിത്തവാരെ, നിമ്മ, നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പോസുത്തലനാമ് നഡാക്ക്യ പോവ കാര്യഗാള്‌ന പറ്റി മുദാലെ സൊന്നാദ്‌ന നെനേത്ത് നോഡുനു.

ബെ്ളിപട്ട കാര്യ 7:10

<<കുറിഞ്ചില് കുക്കാന്ത് ഇര്‌ക്ക്‌ന്റവാന്‌മാന സാമിമ് കൊറ്യാഡ് കുട്ടിമ്‌ത്തെ നമാന കാപാറ്റ്‌നാദ്>> എന്റ് അവാര് ദൊഡ്ഡാദ്‌ക്ക് ആലാത്താര്.