എവുറായാര് 2:2 - സാമി സേദി2 ദൂദാര്‌ഗാള്‌ന ബെത്ത് സാമി സൊന്ന സേദി നേര് എന്റ് കാട്ടിര്‌ക്ക്‌ന്റ്. അയി സേദിന കേ്ള്‌ക്ക്യ നില്ലാദേമ് അയി സേദിന തള്ളിമ് നഡാന്തവാര്‌ക്ക് അദ്‌ക്ക് തഗ്‌ന്ത ദെ്ണ്ടണെ കെ്ഡേത്ത്‌ദ്. အခန်းကိုကြည့်ပါ။ |
എവുറായാര് 2:2
29 ပူးပေါင်းရင်းမြစ်များ
അത്ത്യാന മോസെ ബെത്ത സാമിസട്ട ബെത്തിന്താദ് എന്ത്‌ക്ക്? അയി സട്ട ആള്‌ഗാള് പാവ ഗേഗാദിര്‌ക്ക്യ ബേ്ണ്ടി സാമി അവുറഗാമോഡ എ്ണേന്ത് ബെത്ത ഒപ്പന്താക്ക് സേത്ത്‌നാദ്‌ത്തെ. സാമിലിന്ത് ബാക്ക് കെ്ഡേത്ത അവുറഗാമ് കാല്‌ക്ക് പട്ട മഗാന് ബരമാട്ട്‌ക്ക് അയി സട്ടാക്ക് കെ്ട്ട്‌പട്ട് നഡാന്തിന്ത്‌റ്‌ക്കുഡൊ. സാമി ഈ സട്ടന ദൂദാര്‌ഗാള്‌ക്ക് കൊഡുത്തു അവാര് അദ്‌ന സാമിക്ക്‌മ് മന്‌സാര്‌ഗാള്‌ക്ക്‌മ് പൊത്തിലിര്‌ക്കുവ മോസേക്ക് കൊഡുത്താര്.
സാമി ബെത്ത ഒപ്പന്തന ഒറേപ്പ് മാഡ്യ ബെത്ത സോരെത്തെ നമാന പാവാത്ത്‌ലിന്ത് ബ്‌ഡിസി സുത്താപ്പ് മാഡ്‌നാദ്. മോസെ ബെത്ത സാമി സട്ടാക്ക് കെ്ട്ട്‌പട്ട് നഡാക്കാത്തവാര്‌ന റാഡൊ മൂറൊ ആള്‌ഗാള് സൊല്ലുവ നായന കേ്ട്ട് ഒന്റു ഗവാമ് പഡാദെ കൊന്റു തള്ള്‌നാര്. അത്ത്യാനദാന, നമാന സുത്താപ്പ് മാഡ്‌ന അയി സോരെന ബെലെ ഇല്ലത്താദെന്റ് നെനേക്ക്‌ന്റവാര്‌ക്ക്‌മ്, സാമി മഗാന്‌ന നാണഗെ്ഡ്‌സ്‌ന്റവാര്‌ക്ക്‌മ്, സാമി പ്‌ണ്ണ്യന നമാക്ക് തന്ത തന്ന് നിഗാല്‌ന കുറ്റ സൊല്ലുന്റവാര്‌ക്ക്‌മ് എത്ത്‌റ മ്‌ഗ്‌ന്ത ദെ്ണ്ടണെ കെ്ഡേക്ക്‌മ് എന്നുവാദ്‌ന നെനേത്ത് നോഡുനു.
സാമിദാസ്‌ഗാള് സൊന്ന സേദില്‌മ് നമാക്ക് നല്ല ഒറേപ്പിര്‌ക്ക്‌ന്റ്. അദ്‌നാലെ നിമ്മ അദ്‌ന ബെലെ ഉള്ള ദൊഡ്ഡ കാര്യായി കാണ്യ ബേ്ണ്ടി നല്ല ഓരാഡുഡൊ. എന്ത്‌ക്കെന്റ് സൊന്ന, അദ് ക്‌റ്‌സ്‌ത്ത് ബരമാട്ട്‌ക്ക് ഇ്റ്‌ട്ട്‌റ്‌ക്കുവ എ്ഡേല് ഒന്റു ബ്‌ളാക്കായി കത്തി കൊണ്ട്‌റ്‌ക്ക്‌ന്റ്, അയാള് ഒന്റു ബെ്ഡിബെ്ള്ളിന പാസെ നിമ്മ് മനേസ്സ്‌ല് കത്തി കൊണ്ട്‌റ്‌ക്കുഡൊ.
ကြော်ငြာတွေ