എവുറായാര് 2:10 - സാമി സേദി10 എല്ലാദ്‌നാമ് ദ്‌ട്ടിസി പാദ്‌ഗാത്ത് ബെക്ക്‌ന്റവാന്‌ത്തെ സാമി. എഞ്ചോ മഗാനാര് തന്ന് മദ്പ്പ്ക്ക് പങ്ക്‌ഗാറാര് ആയ ബേ്ണ്ടി അവാര്‌ന കാപാറ്റുവ ഏസ്സ്‌ന എഞ്ചോ കജട്ടഗാള്‌പഡ്യ ബ്‌ട്ട് ഒന്റുക്കുമു കൊറേവില്ലത്തവാന് മാഡുവാദ് അയി സാമിക്ക് നല്ലാദ്‌ത്തെ ആയിന്ത്‌ദ്. အခန်းကိုကြည့်ပါ။ |
എവുറായാര് 2:10
46 ပူးပေါင်းရင်းမြစ်များ
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
നമാക്ക് ഒന്റേ ഒന്റു സാമിത്തെ ഇര്‌ക്ക്‌ന്റാന്. അയി സാമിത്തെ നമ്മ് അപ്പാന്‌മ് എല്ലാദ്‌നാമ് ദ്‌ട്ട്‌സ്‌ന്റവാന്‌മ്. അയി സാമിക്ക് ബേ്ണ്ടിത്തെ നമ്മ പെ്ളേക്കുവാദ്‌മ്. ഏസ്സ് ക്‌റ്‌സ്‌ത്ത് എന്നുവ ഒന്റേ ഒന്റു ആണ്ടവാന്‌മ് നമാക്ക് ഇര്‌ക്ക്‌ന്റാന്. ഈ ഏസ്സ് ക്‌റ്‌സ്‌ത്ത്‌ന ബെത്ത്‌ത്തെ എല്ലാദ്‌നാമ് ദ്‌ട്ടിസിര്‌ക്കുവാദ്. നമ്മ പെ്ളേക്കുവാദ്‌മ് അയാള്‌നാലെത്തെ.
മോസെ ബെത്ത സാമിസട്ട കുറ്റകൊറേവു ഉള്ള മന്‌സാര്‌ഗാള്‌ന എഗുദാര് ദൊഡ്ഡ പൂസാരി ആയി എ്ഡ്‌ത്ത് ബെക്ക്‌ന്റ്. ആന അയി സട്ട കെ്ഡേത്ത പ്‌റ സാമി സത്ത്യഗേന്ത് കൊഡുത്ത ബാക്ക്‌ന ബെത്ത് തന്ന് മഗാന്‌ന ദൊഡ്ഡ പൂസാരി മാഡ്‌നാന്. അയി മഗാന് സാമി ആസെപട്ടാദ്‌ന ഒട്ടുക്കു ഒന്റേപെ്ട്ട് എല്ലാ കാലാക്ക് ബേ്ണ്ടി നഡാത്തി മുഡിത്താന്.
അദ്‌ക്ക് പ്‌റ എല്ലാ ജാദിഗാള്‌ലിന്ത്‌മ്, എല്ലാ കുലഗാള്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ് ആര്‌ക്ക്‌മ് എ്ണ്ണ്‌സ്യ മുഡ്യാത്ത ദൊഡ്ഡ ഒന്റു ആള്‌കൂട്ട ബെ്ള്ളെ ജൊഗെ ഇക്കിമ് കയില് പേരീസ് പുല്ലുന പ്‌ഡിത്ത്‌മ് കുറിഞ്ചിക്ക്‌മ് കൊറ്യാഡ് കുട്ടിക്ക്‌മ് മുന്നുക്കു നിന്റ്‌റ്‌ക്കുവാദ്‌ന നാന് കണ്ടേന്.
എന്ത്‌ക്കെന്റ് സൊന്ന എമ്മ പഡുവ ഈ കജട്ടഗാള് സ്‌ന്ന്‌സ്‌ന്നാദ്‌മ് സെറ്റെ നേര ഇര്‌ക്കുവാദ്‌മ്‌ത്തെ. ആന ഈ കജട്ടഗാളെല്ല ഒന്റേപെ്ട്ട് മ്‌ഗ്‌ന്താദ്‌മ് എന്നാല്ക്ക്മ് ഇര്‌ക്കുവാദ്‌മാന മദ്പ്പ്ക്ക് എമാന പങ്ക്‌ഗാറാര് മാഡ്‌ന്റ്. അയി മദ്‌പ്പ്‌ന ഇന്നാല്‌ല കജട്ടഗാള്‌ക്ക് എ്ണേത്ത് ബെത്ത് നോഡ്യ പോന ഈ കജട്ടഗാള് ഒന്റുമല്ല.
ကြော်ငြာတွေ