എവുറായാര് 13:9 - സാമി സേദി9 നിമാക്ക് തെര്യാത്ത പല ദിന്‌സ്‌ല ബുദ്ദി നായഗാള്‌ന നിമാക്ക് സൊല്ലി നേരാന കാര്യാത്ത്‌ലിന്ത് നിമാന ഏമാത്ത്യ ആര്‌നാമ് ബ്‌ഡാദേന്. തീനി തിന്നുവ കാര്യഗാള്‌ന പറ്റി സൊല്ലിര്‌ക്കുവ സട്ടപഡി നഡാക്കാദേന്. അത്തെ നഡാക്ക്‌ന്റവാര്‌ക്ക് അദ് ഒന്റുക്കുമു ഉവഗരപഡുവാദ്‌മില്ലെ. അദ്‌നാലെ സാമി പ്‌ണ്ണ്യാത്ത്‌ല് നിമ്മ് മനേസ്സ്‌ന ബിലപഡ്‌സ്‌ന്. အခန်းကိုကြည့်ပါ။ |
എവുറായാര് 13:9
35 ပူးပေါင်းရင်းမြစ်များ
ഒന്റു നാള്‌ന ഇന്ന്യൊന്റു നാള്‌ന ബ്‌ഡ നല്ല നാളെന്റ് നെനേക്ക്‌ന്റവാന് ആണ്ടവാനോഡ മദ്‌പ്പ് ബെത്ത്‌റ്ക്കുവാദ്‌നാലെത്തെ അത്തെ നെനേക്കുവാദ്. എല്ലാദ്‌നാമ് തിന്റവാന് ആണ്ടവാനോഡ മദ്‌പ്പ് ബെത്ത്‌റ്ക്കുവാദ്‌നാലെത്തെ അത്തെ തിന്നുവാദ്. എന്ത്‌ക്കെന്റ് സൊന്ന അവാന്‌മ് തിന്ന്‌ഗാട്ടി സാമിക്ക് നണ്ണി സൊന്റാനല്ല. എല്ലാദ്‌നാമ് തിന്നത്തവാന് ആണ്ടവാനോഡ മദ്‌പ്പ് ബെത്ത്‌റ്ക്കുവാദ്‌നാലെത്തെ അത്തെ തിന്നത്താദ്. അവാന്‌മ് സാമിക്ക് നണ്ണി സൊന്റാനല്ല.
അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.
ഇത്തവാള്‌ഗാള് സാമിക്ക് അഞ്ചാദെ സാമിക്ക് അഞ്ചി പെ്ളേക്കുവ നിമ്മോഡ എ്ണേന്ത് നിമ്മ പിര്യരിമോഡ ഗേവ ബിര്‌ന്ത്‌ക്ക് പങ്ക്‌ഗാറാര് ആവാദ്‌നാലെ നല്ല ബെല്ലാത്ത്‌ല് കല്ല്‌റ്‌ക്കുവ പാസെ ഇര്‌ക്ക്‌ന്റവാര്‌ത്തെ ഇവാര്. മുക്ക്യമാന മാട്ട്യാന്‌ക്ക്‌മ് ഏസ്സ്‌ഗാറാര് കൂട്ടന നഡാത്തുവ മാട്ട്യനാമ്‌ക്ക്‌മ് കെ്ട്ട്‌പട്ട് നഡാക്കാദെ തമ്മ തമാക്ക് താനെ തലെവാര്‌ഗാളായിമ് മാട്ട്യനാമ്‌ഗാളായിമ് ഇവാര് പെ്ളേക്ക്‌ന്റാര്. അദ്‌നാലെ കാറ്റഡിത്ത് പോവ നീരില്ലാത്ത മഞ്ച്‌ന പാസെത്തെ ഇവാര്. അദ്‌താനേമല്ല നാട്ട്‌ന മരന പ്‌ഡിങ്കി പിന്നേമ് നാട്ടി ഉണാങ്കി തള്ള്‌ന മരന പാസെ ഇവാര് ഒന്റുക്കുമു ഉവഗരപഡാദെ പെ്ളേക്ക്‌ന്റാര്.
എനാക്ക് മെച്ച്‌പ്‌ഡിത്തവാരെ, ഏസ്സ് ക്‌റ്‌സ്‌ത്ത്‌ന ബെത്ത് സാമി നമ്മ് പെ്ളേപ്പ്‌ന എത്തെ കാപാറ്റ്‌ന്റാന് എന്നുവ കാര്യന പറ്റി നിമാക്ക് എ്ള്‌ദ്യ ബേ്ണ്ടി നാന് മുദാല് ആസെപട്ടിന്തെ. അത്തെ നാന് ആസെപട്ട്‌റ്‌ക്കാട്ടി ഏസ്സ്‌ന നമ്പി സാമിക്ക് പട്ടവാര് ആനവാര് ഏസ്സ് സൊന്ന നായഗാള്‌ന ഉറുദ്ദ്യായി നമ്പി പെ്ളേക്കുഡൊ എന്നുവ കാര്യന പറ്റി എ്ള്‌ദുവാദ്‌ത്തെ ദൊഡ്ഡ കാര്യ എന്റ് നാന് നെനേത്തെ. അദ്‌നാലെ അദ്‌ന പറ്റി എ്ള്‌ദ്യ നാന് ആസെപട്ടെ.
ကြော်ငြာတွေ