നിമാന നോഡി നഡാക്ക്‌ന്റവാര് സൊല്ലുവാദ്‌ന കേ്ട്ട് അവാര്‌ക്ക് കെ്ട്ട്‌പട്ട് ഇര്‌ന്. നിമാന പറ്റ്യുള്ള കണാക്ക് അവാര് സാമിക്ക് കൊഡുക്കുഡൊ. അദ്‌നാലെ നിമാന അവാര് സൊക്കാന പാദ്‌ഗാത്ത് ബെത്ത്‌റ്‌ന്റാര്. അവാര് സൊല്ലുവാദ്‌ന കേ്ട്ട് അദേപാസെ നഡാക്കുവാദാന അവാര് പിര്യപിര്യാത്തോഡ തമ്മ് ഗിലാസ ഗേവാര്. ഇല്ലാദെ പോന അവാര് സങ്കഡത്തോഡ തമ്മ് ഗിലാസാന ഗേവാര്. അദ് നിമാക്ക് ഒന്റു ഉവഗരാമ് ആഗമാട്ട.
എവുറായാര് 13:7 - സാമി സേദി7 സാമി സൊല്ലുസുലാക്കാന നിമാക്ക് പഡിസി തന്തവാര്‌ന നിമ്മ മറാക്കദേന്. അവാര് എത്തെ പെ്ളേത്ത് സത്താരെന്റ് നിമ്മ നെനേത്ത് അവാര് നമ്പി നഡാന്ത പാസെ നിമ്മാമ് നമ്പി നഡാന്. အခန်းကိုကြည့်ပါ။ |
എവുറായാര് 13:7
27 ပူးပေါင်းရင်းမြစ်များ
അദ്‌ക്ക് പ്‌റ കുറിഞ്ചിഗാള്‌നാമ് ബിദി സൊല്ല്യ അദിഗര കെ്ഡേത്തവാര് അയി കുറിഞ്ചിഗാള്‌ല് കുക്കാന്ത് ഇര്‌ക്കുവാദ്‌നാമ് നാന് കണ്ടെ. ഏസ്സ്‌ന പറ്റ്യുള്ള സത്ത്യന സൊന്നാദ്‌നാലേമ് സാമി സൊല്ലുസുലാക്കാന സൊന്നാദ്‌നാലേമ് ആള്‌ഗാള് തലെനെ ബെ്ട്ടി കൊന്റവാര് നിഗാല്‌ഗാള്‌നാമ് നാന് കണ്ടെ. അവാര് ബേ്ണ്ട്‌നാഗൊ അയി ബേ്ണ്ട് സെലെനാഗൊ കുമ്മുഡത്തവാര്‌മ് നെറ്റിക്കൊ കയിക്കൊ മുദ്ദുറെ കുത്താത്തവാര്‌മ് ആയിന്താര്. അവാര് ഉജുരു കെ്ഡേസി ക്‌റ്‌സ്‌ത്തോഡൊപ്പ ആയിര ബര്‌സ്സ പെ്ളേത്താര്.
നാന് ഏസ്സ്‌ഗാറാന് ആയിര്‌ക്കുവ നിമ്മ് ഓഗന്നാന്‌ത്തെ. ഏസ്സ് പിന്ന്‌മേലെ പോന്റവാനായി നാന് നിമ്മൊപ്പ കജട്ട പട്ട്‌മ് നിമ്മൊപ്പ സാമി ആളുവ കാലാക്ക് പട്ടവാനായിമ് നിമ്മൊപ്പ പൊറിമോഡ താങ്കിമ് ഇര്‌ക്ക്‌ന്റേന്. സാമി സൊല്ലുസുലാക്കാന സൊന്നാദ്‌നാലേമ് ഏസ്സ്‌ന പറ്റി സൊന്നാദ്‌നാലേമ് സുറ്റുമു നീര് ഇര്‌ക്കുവ പത്ത്‌മോസു എന്നുവ എ്ഡേല് നാന് ഇന്തിന്തേന്.
ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
ကြော်ငြာတွေ