ഗലാത്ത്യഗാറാര് 6:9 - സാമി സേദി

⁹ അദ്‌നാലെ നിമ്മ നല്ല കാര്യഗാള് ഗേവാദ്‌ല് സോറ്റു പോഗാദേന്. അത്തെ സോറ്റു പോഗാദിന്ത സാമി ബെത്ത്‌റ്‌ക്കുവ ഗളിഗേക്ക് അദുക്കുള്ള കൂലി നിമാക്ക് കെ്ഡേക്ക്‌മ്.

ഗലാത്ത്യഗാറാര് 6:9 ပူးပေါင်းရင်းမြစ်များ

മത്തായി 10:22

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.

മത്തായി 24:13

ആന കഡേഗല മാട്ടക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.

മത്തായി 25:17

അദേപാസെ റാഡ് താലന്ത് കെ്ഡേസ്‌നവാന്‌മ് അദ്‌ന ഏവര മാഡി ബേ്റെ റാഡ് താലന്ത് ഗുഡി കെ്ഡേസ്‌നാന്.

മത്തായി 9:19

അദുക്കുള ഏസ്സ് ഇ്ളാഗി അയാളോഡ പോനാന്. തന്ന് സൊല്ലുപഡി നഡാക്ക്‌ന്റവാര്‌മ് ഏസ്സോഡ പോനാര്.

മര്‌ക്കോസു 3:3

<<ഇ്ളാഗി ആള്‌ഗാള്‌ക്ക് മുന്നുക്കു നില്ല്, ഇദ്‌ല് ഇര്‌ക്ക്‌ന്റവാരൊട്ടുക്കു നിനാന കാണുഡൊ>> എന്റ് ഏസ്സ് കയി സപ്പെബ്‌ന്ത്‌റ്‌ക്കുവ നോയിഗാറാന്‌ന നോഡി സൊന്നാന്.

ലൂക്കോസു 18:1

അദ്‌ക്ക് പ്‌റ സോറ്റു പോഗാദെ പരേസുഡൊ എന്നുവാദ്‌ന പറ്റി പഡിസ്യ ഏസ്സ് തന്ന് സൊല്ലുപഡി നഡാക്ക്‌ന്റവാര്‌ക്ക് ഒന്റു കദെ സൊന്നാന്:

റോമഗാറാര് 2:7

സോറ്റു പോഗാദിന്ത് നല്ല കാര്യഗാള് ഗേന്ത് മാനാമ് മദ്‌പ്പ്‌മ് അളിവില്ലാത്ത പെ്ളേപ്പ്‌മ് കെ്ഡേസ്യ നോഡുന്റവാര്‌ക്ക് സാമി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുവാന്.

1 കൊരിന്ത്യഗാറാര് 15:58

അദ്‌നാലെ ഏസ്സ്‌ഗാറാരെ, എനാക്ക് മെച്ച്‌പ്‌ഡിത്ത്‌റ്‌ക്കുവ നിമ്മ നമ്പിക്കേല് ഒറേപ്പുള്ളവാരായി അജ്‌ങ്കാദെ ഇര്‌ന്. ആണ്ടവാന്‌ക്ക് ബേ്ണ്ടി പാഡ്‌പഡുവാദ് ബെ്റ്‌ദ്യല്ല എന്റ് തെരിന്ത് ആണ്ടവാന്‌ക്ക് ബേ്ണ്ടി ഗേവ ഗിലാസാന സേത്തി സേത്തി ഗേന്റവാരാന്.

2 കൊരിന്ത്യഗാറാര് 4:1

സാമി തനാക്ക് ഗവ പ്‌ഡിത്ത് എമാക്ക് ഈ ഗിലാസ ഗേയ തന്ത്‌റ്‌ക്കുവാദ്‌നാലെ എമ്മ സോറ്റു പോഗാദെ ഇര്‌ക്ക്‌ന്റേമ്.

2 കൊരിന്ത്യഗാറാര് 4:16

അദ്‌നാലെ എമ്മ ദയിര ഉള്ളവാര്‌ത്തെ. ഈ ഉലഗാത്ത്‌ല എമ്മ് സരിഗല നരാഗി പോനാല്‌മ് എമ്മ് നിഗാല് കുട്ടി നാള്‌ക്ക്‌മ് ബിലപട്ട്‌കൊണ്ടു ഇര്‌ക്ക്‌ന്റ്.

2 കൊരിന്ത്യഗാറാര് 9:6

ലേസ താനെ ബിത്ത്‌നവാന് ലേസ താനെത്തെ അറുക്കുവാന്, മൊത്തനാക്ക് ബിത്ത്‌നവാന് മൊത്തനാക്ക് അറുക്കുവാന് എന്റ് നെനേത്ത് കൊള്ളുഡൊ.

എപസോസുഗാറാര് 3:13

അദ്‌നാലെ നാന് നിമാക്ക് സൊല്ലുവാദ് എന്തെന്റ് സൊന്ന, നാന് കജട്ട പഡുവാദ്‌നാലെ നിമാക്ക് ഈ പെരിമെപഡുവ പെ്ളേപ്പ് കെ്ഡേത്ത്‌ദ്. അദ്‌നാലെ നാന് ഇന്നാല് ജെയില്‌ലിന്ത് പഡുവ ഈ കജട്ടഗാള്‌ന നെനേത്ത് നിമ്മ സോറ്റു പോഗാദിര്‌ന്.

2 തെസെലോനിക്ക്യഗാറാര് 3:13

ഏസ്സ്‌ഗാറാരെ, നല്ല കാര്യഗാള് ഗേവാദ്‌ല് നിമ്മ സോറ്റു പോഗാദേന്.

എവുറായാര് 12:3

നിമ്മ നമ്പിക്കേന ബ്‌ട്ട് പോഗാദിര്‌ക്ക്യാമ് സോറ്റു പോഗാദെ ഇര്‌ക്ക്യാമ് ബേ്ണ്ടി പാവ ഗേവ ആള്‌ഗാള് കയിലിന്ത് ഇത്ത്‌റാക്ക്‌മ് കൊഡിമെ പട്ട ഈ ഏസ്സ്‌ന പറ്റി നെനേത്ത് നോഡുനു.

എവുറായാര് 12:5

മക്കാള്‌ഗാള്‌ക്ക് സൊല്ലുവ പാസെ സാമി നിമാക്ക് സൊന്ന ബുദ്ദിനായന നിമ്മ മറാന്ത്‌റ്‌ക്ക്‌ന്റ്‌റ്. <<എന്ന് മഗാനെ, ആണ്ടവാന് നിനാന ബുദ്ദി സൊല്ലി തിര്‌ത്ത്‌ഗാട്ടി അദ്‌ന ബെലെ ഇല്ലാത്താദ് എന്റ് നെനേക്കാദെ. അയാള് നിനാന നൊഡിഗാട്ടി നിമ്മ സോറ്റു പോഗാദേന്.

എവുറായാര് 3:14

എന്ത്‌ക്കെന്റ് സൊന്ന നമാക്ക് മുദാലിന്ത അദേ നമ്പിക്കേന കഡേസി മാട്ട്‌മ് ബ്‌ഡാദിന്തദാന നമ്മ ക്‌റ്‌സ്‌ത്തോഡ പങ്ക്‌ഗാറാര് ആല.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.

ആക്കോവു 5:7

ഏസ്സ്‌ഗാറാരെ, കാഡ്‌ഗാറാന് മഗേക്ക് കാത്തിന്ത് ബെ്ള്ളാമെ ബെ്ളേക്ക്യ പാഡ്‌പഡുവ പാസെ ആണ്ടവാന് ഏസ്സ് സാമി തിരിഗി ബരുവ മാട്ടക്ക് നിമ്മ കജട്ടന താങ്കി കാത്ത്‌റ്‌ക്കുഡൊ.

1 പത്ത്‌റോസു 2:15

എന്ത്‌ക്കെന്റ് സൊന്ന നിമ്മ നല്ലാദ് ഗേന്ത് കൊണ്ടു ബുദ്ദില്ലത്തവാര് സൊല്ലുവ അര്‌ത്തില്ലാത്ത നായഗാള്‌ന ഇല്ലാദെ മാഡുഡൊ എന്നുവാദ്‌ത്തെ സാമിക്ക് പിര്യര്‌ക്കുവ കാര്യ.

1 പത്ത്‌റോസു 3:17

നിമ്മ നല്ലാദ് ഗേന്താദ്‌നാലെ കജട്ട പഡുവാദ് സാമിക്ക് പിര്യര്‌ക്കുവ കാര്യ ആയിന്തദാന കെ്ട്ടാദ് ഗേന്ത് കജട്ട പഡുവാദ്‌ന ബ്‌ഡ അദ് നല്ലാദ്‌ത്തെ.

1 പത്ത്‌റോസു 4:19

അദ്‌നാലെ സാമി പിര്യാക്ക് കജട്ട പഡുവാദ്‌ന താങ്ക്‌ന്റവാര് നല്ലാദ് ഗേന്ത് കൊണ്ടു സൊന്ന പാസെ ഗേന്റവാനായി ദ്‌ട്ട്‌സ്‌നവാന് കയിക്ക് തമ്മ് നിഗാല് കുട്ടിന ഒപ്പുസുഡൊ.

ബെ്ളിപട്ട കാര്യ 2:17

സാമിനിഗാല് ഏസ്സ്‌ഗാറാര് കൂട്ടഗാള്‌ക്ക് സൊല്ലുവാദ് എന്തെന്റ് കേ്ള്‌ക്ക്യ മുഡിന്റവാര് കേ്ള്‌ക്കുഡൊ. ഗെലിസി കഡാക്ക്‌ന്റവാന്‌ക്ക് മറേന്ത്‌റ്‌ക്കുവ മന്നാല് ലേസ നാന് കൊഡുക്കുവേന്. നാന് അവാന്‌ക്ക് ഒന്റു ബെ്ള്ളെ കല്ല്‌മ് കൊഡുക്കുവേന്. അദ്‌ല് ഒന്റു പുദ്യ പേര്‌മ് എ്ള്‌ദിര്‌ക്ക്‌മ്. അദ് കെ്ഡേക്ക്‌ന്റവാന്‌ക്കല്ലാദെ ബേ്റെ ആര്‌ക്ക്‌മ് അദ്‌ല് എ്ള്‌ദിര്‌ക്കുവാദ് തെര്യ മാട്ട.>>

ബെ്ളിപട്ട കാര്യ 2:3

നിനാക്ക് പൊറിമോഡ താങ്ക്യ മുഡിന്റ്. എനാക്ക് ബേ്ണ്ടി കജട്ട പട്ട് ഗുഡി നീ സോറ്റു പോഗാദെ ഇര്‌ക്ക്‌ന്റായി എന്റ് എനാക്ക് തെരിമ്.

ബെ്ളിപട്ട കാര്യ 2:7

സാമിനിഗാല് ഏസ്സ്‌ഗാറാര് കൂട്ടഗാള്‌ക്ക് സൊല്ലുവാദ് എന്തെന്റ് കേ്ള്‌ക്ക്യ മുഡിന്റവാര് കേ്ള്‌ക്കുഡൊ. ഗെലിസി കഡാക്ക്‌ന്റവാന്‌ന സാമി ദോട്ടാത്ത്‌ലിര്‌ക്കുവ ഉജുരു തരുവ മര പഗാന തിന്ന്യ നാന് ബ്‌ഡ്‌വെ.>>