ഗലാത്ത്യഗാറാര് 6:3 - സാമി സേദി

³ നിമ്മ് കൂട്ടാത്തല് താന് ദൊഡ്ഡവാന് അല്ലാദിന്ത് ഗുഡി താന് ദൊഡ്ഡവാന്‌ത്തെ എന്റ് നെനേക്ക്‌ന്റവാന് തനാന താനെ ബഞ്ചിക്ക്‌ന്റാന്.

ഗലാത്ത്യഗാറാര് 6:3 ပူးပေါင်းရင်းမြစ်များ

ലൂക്കോസു 18:11

പരിസാന് അലാക്ക നിന്റ് കൊണ്ടു ഇത്തെ പരേസ്‌നാന്: <ദെയിവമേ, നാന് പ്‌ഡിങ്കിപറ്‌ത്ത് എ്ഡ്‌ക്ക്‌ന്റവാര്‌ന പാസേഗൊ, കേ്ഡ്‌ഗെ്ട്ടവാര്‌ന പാസേഗൊ, ബേസ്യാഡ്‌ന്റവാര്‌ന പാസേഗൊ, ഈ കന്ത്യ കെ്ട്ടുവ കാസ് പിരിക്ക്‌ന്റവാന്‌ന പാസേഗൊ അല്ലത്താദ്‌നാലെ നാന് നിനാക്ക് നണ്ണി സൊന്റെ.

അപ്പോസുത്തലാര് 5:36

ലേസ നാള് മുന്നുക്കു ദൂദാസ് എന്നുവ ഒന്റൊരുത്താന് താന് ദൊഡ്ഡവാന് എന്റ് നെനേത്ത് കൊണ്ടു ബന്താനല്ല. ഒപ്പതപ്പ നാനൂറു ആള്‌ഗാള് അയാള് സാരി എ്ണേന്താര്. ആന അയാള്‌ന കൊന്റാര്. അയാളോഡ എ്ണേന്തവാര് ജില്ലമ്പുല്ലാത്തായി ഒന്റുമല്ലദായി തള്ള്‌നാര്.

റോമഗാറാര് 12:16

നിമ്മ ആങ്കീങ്ക് ഒത്തിമോഡിര്‌ന്, നിമ്മ ദൊഡ്ഡവാര് എന്റ് പെരിമെപഡാദേന്, ആന ഏ്ളെഗാളോഡ എ്ണേന്ത് നഡാന്, നിമ്മ നിമാന താനെ ബുദ്ദിഗാറാരെന്റ് നെനേക്കാദേന്.

റോമഗാറാര് 12:3

നിമ്മ എത്തവാള്‌ഗാള് എന്റ് നിമാക്കെ തെരിമ്. ആന അദ്‌ന ബ്‌ഡ നിമ്മ ദൊഡ്ഡവാര് എന്റ് നെനേക്കാദെ സാമി ഒന്റൊന്റാള്‌ക്ക് തന്ത്‌റ്‌ക്കുവ നമ്പിക്കേക്ക് തഗ്‌ന്ത പാസെ ബുദ്ദ്യുള്ളവാരായി നെനേക്കുഡൊ എന്റ് സാമി എനാക്ക് ഗേന്ത പ്‌ണ്ണ്യാത്ത്‌ല് നിമാക്ക് സൊന്റെ.

1 കൊരിന്ത്യഗാറാര് 13:2

സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.

1 കൊരിന്ത്യഗാറാര് 3:18

നിമ്മ ആര്‌മ് നിമാന താനെ സദിക്കാദേന്. മന്‌സാന് കണ്ണ്‌മുന്നുക്കു <<നാന് ബുദ്ദിമ് അറുവുമ് ഉള്ളവാന്>> എന്റ് നിമ്മ ആരാറ്റ നെനേത്തദാന അയാള് ബുദ്ദിഗെ്ട്ടവാന് ആഡൊ. എന്റദാനത്തെ അയാള് സാമി കണ്ണ്‌മുന്നുക്കു ബുദ്ദിമ് അറുവുമ് ഉള്ളവാന് ആവാന്.

1 കൊരിന്ത്യഗാറാര് 8:2

തനാക്ക് പലാദെല്ല തെരിമെന്റ് ഒരുത്താന് നെനേത്തദാന അയാള് തെരിവ ദിന്‌സ്‌ല് ഇന്നിമ് ഒന്റുമു തെര്യാദിര്‌ക്ക്‌ന്റാന്.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 3:5

എന്ത്‌ക്കെന്റ് സൊന്ന എമാക്ക് ഇര്‌ക്കുവ തിരമെനാലെ എമ്മ താനെത്തെ ഈ കാര്യഗാള് ഗേന്റേമ് എന്റല്ല എമ്മ സൊല്ലുവാദ്. സാമിത്തെ ഈ കാര്യഗാള്‌ന ഗേയ എമാന തിരമെസാലിഗാള് മാഡ്‌നാദ്.

ഗലാത്ത്യഗാറാര് 2:6

എര്‌സലേമ്‌ല് ഏസ്സ്‌ഗാറാര് കൂട്ട തലെവാര്‌ഗാള് എന്റ് പേര് കെ്ഡേസ്‌നവാര് നാന് സൊന്ന നല്ല സേദിക്ക് സേത്തുവ ബേ്റൊന്റു കാര്യാമ് എനാക്ക് സൊല്ലി തരാലെ. ഈ തലെവാര്‌ഗാള് ആരായിന്താല്‌മ് സെരി എനാക്ക് ഒന്റുമില്ലെ, സാമി ആര്‌നാമ് ദൊഡ്ഡവാനെന്റൊ സ്‌ന്നവാനെന്റൊ നോഡുവാദില്ലെ.

ഗലാത്ത്യഗാറാര് 2:9

ഈ ഗിലാസ ഗേയ സാമി എനാക്ക് ബര തന്ത്‌റ്‌ന്റാനെന്റ് മുക്ക്യമാന തലെവാര്‌ഗാളാന ആക്കോവു, പത്ത്‌റോസു, ഓഗന്നാന് എന്റവാര്‌ക്ക് തെരിന്ത്‌ദ്. അദ്‌നാലെ അവാര് എനനാമ് ബറ്‌ണവാസ്‌നാമ് തമ്മോഡൊപ്പ സാമി ഗിലാസ ഗേന്റവാരായി എന്റ് കാട്ട്യ കയികൊഡുത്തു സേത്ത്‌നാര്. <<അത്തെ എമ്മ എഗുദാര് പട്ട്‌ല് താനെ നല്ല സേദിന സൊല്ല്യ അവാര്‌മ് എഗുദാരല്ലാത്ത ജാദിഗാള് പട്ട്‌ല് നല്ല സേദിന സൊല്ല്യ നാന്‌മ് ബറ്‌ണവാസ്‌മ് എമ്മ ഒത്തുപട്ടേമ്.>>

2 തിമിത്തോസു 3:13

ആനാല്‌മ് കെ്ട്ടവാര്‌മ് കെ്ട്ടാദൊന്റുമു ഗേവാദില്ലെന്റ് നഡിക്ക്‌ന്റവാര്‌മ് സേത്തി സേത്തി കെ്ട്ടാദ് ഗേന്ത്‌കൊണ്ടേ ഇര്‌ക്കുവാര്. ഇവാര് ബേ്റാള്‌ഗാള്‌ന സദിക്കുവാര്. ബേ്റെ ആള്‌ഗാള് ഇവാര്‌നാമ് സദിക്കുവാര്.

ആക്കോവു 1:22

ആന നമ്മ സാമി സൊല്ലുസുലാക്കാന കേ്ള്‌ക്കുവാദ് താനെ അല്ലാദെ അദ്‌ല് സൊല്ലിര്‌ക്കുവ കാര്യഗാളെല്ല ഗേഡൊ. കേ്ട്ട് ഗുഡി ഗേഗാദിന്ത നമ്മ നമാന താനെ സദിക്ക്‌ന്റാമ്.

ആക്കോവു 1:26

ബായിക്ക് ബന്താദെല്ല സൊല്ലിന്ത് താന് ബക്‌തിഗാറാനെന്റ് സൊന്ന അദ് നേര്‌മാന ബക്‌ത്യല്ല. അത്തെ സൊല്ലുന്റവാന് തനാന താനെ സദിക്ക്‌ന്റാന്.

1 ഓഗന്നാന് 1:8

നമ്മ പാവ ഗേഗാത്തവാരെന്റ് സൊന്നദാന നമ്മ നമാന താനെ ബഞ്ചിക്ക്‌ന്റാമ്. സത്ത്യ എന്തെന്റ് നമാക്ക് തെരിവാദേ ഇല്ലെ.