ഗലാത്ത്യഗാറാര് 5:4 - സാമി സേദി

⁴ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്ത് സാമി തമാന നേര്‌മെഗാറാര് മാഡ്യ ബേ്ണ്ടി ആസെപഡുവ നിമ്മ ക്‌റ്‌സ്‌ത്തോഡിന്ത് ഒന്റേപെ്ട്ട് പ്‌റ്‌ന്ത്‌റ്‌ന്റ്‌റ്. സാമി നിമാക്ക് ഗേന്ത പ്‌ണ്ണ്യന നിമ്മ ബേ്ഡെന്റ്‌മ് ബെത്ത്‌റ്‌ന്റ്‌റ്.

ഗലാത്ത്യഗാറാര് 5:4 ပူးပေါင်းရင်းမြစ်များ

റോമഗാറാര് 11:6

ആന അവാര് ഗേവ കാര്യാത്ത്‌ലല്ല സാമി തന്ന് പ്‌ണ്ണ്യാത്ത്‌ല്‌ത്തെ അവാര്‌ന തെരിന്തെ്ഡ്‌ത്തിര്‌ക്കുവാദ്. അവാര് ഗേന്ത കാര്യഗാള്‌ന ബെത്ത് തെരിന്തെ്ഡ്‌ത്തിന്തദാന സാമി പ്‌ണ്ണ്യ പ്‌ണ്ണ്യ അല്ല.

റോമഗാറാര് 3:20

അദ്‌നാലെ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് സാമി കണ്ണ്‌ക്ക് നേര്‌മെഗാറാര് ആവാദില്ലെ. ആന പാവാന പറ്റ്യുള്ള അറുവു കെ്ഡേക്ക്‌ന്റ്.

ഗലാത്ത്യഗാറാര് 2:21

നമാന നേര്‌മെഗാറാര് മാഡ്യ ബേ്ണ്ടി സാമി പട്ട ഗവാന നാന് ബേ്ഡ എന്റ് തള്ളാഗേ മാട്ടെ. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ഒരുത്താന്‌ന നേര്‌മെഗാറാനായി തങ്കാരിക്കുവദാന ക്‌റ്‌സ്‌ത്ത് സത്താദ് ബെ്റ്‌ദ്യാന്റല്ല.>>

ഗലാത്ത്യഗാറാര് 5:2

പവുലോസു എന്റ് സൊല്ലുവ നാന് നിമാക്ക് സൊല്ലുവാദ്‌ന കേ്ള്‌ന്, നിമാന പരിസേദനെ സാത്ത്‌റ ഗേന്തദാന ക്‌റ്‌സ്‌ത്ത് നിമാക്ക് ബേ്ണ്ടി ഗേന്താദെല്ല ഉവഗരില്ലത്താദ് ആമ്.

എവുറായാര് 12:15

സാമി ഗേന്ത്‌റ്‌ക്കുവ പ്‌ണ്ണ്യ കെ്ഡേക്കാത്തവാര് ആഗാദെ ഇര്‌ക്ക്യ നിമ്മ എല്ലാവാര്‌മ് നോഡുഡൊ. ആര്‌മ് കീ്ട്ട്‌ഗ ബെത്ത് അദ്‌ന ദൊഡ്ഡാദ് മാഡാദെ ഇര്‌ക്ക്യ നോഡുഡൊ. അത്തവാള്‌ക്ക് എഞ്ചോ ആള്‌ഗാള്‌ന കെ്ഡിസ്യ മുഡിമ്.

എവുറായാര് 4:1

സാമി എ്ളേക്ക്യ ബെക്കുവ പട്ട്‌ക്ക് നമാന എത്തുസുവാന് എന്നുവ ബാക്ക് ഇന്നാല്‌മ് നമാക്ക് ഇര്‌ക്ക്‌ന്റ്. അദ്‌നാലെ നിമ്മ് കൂട്ടാത്ത്‌ല് ആര്‌മ് അയി എ്ളേക്കുവ പട്ട്‌ക്ക് എജ്ജാത്തവാര് ആഗാദിര്‌ക്ക്യ ബേ്ണ്ടി നിമ്മ നോഡി കൊള്ളുനു.

ബെ്ളിപട്ട കാര്യ 2:5

അദ്‌നാലെ നിനാക്ക് എന്നാലിന്ത് തപ്പ് ബന്ത്‌ദെന്റ് നെനേത്ത് നോഡി സാമി പട്ട്‌ക്ക് തിരിഗി ബന്ത് നീ മുദാല് ഗേന്തിന്ത അദേ കാര്യന താനെ ഗേഗ്. നീ അത്തെ ഗേഗാദെ പോന നാന് നിന്ന് പട്ട്‌ക്ക് ബന്ത് നിന്നോഡ ഇര്‌ക്കുവ നിലബ്‌ളാക്ക്‌ന അദ് ബെത്ത്‌റ്‌ക്കുവ പട്ട്‌ലിന്ത് എ്ഡ്‌ത്ത് തള്ളുവെ.