ഗലാത്ത്യഗാറാര് 3:2 - സാമി സേദി

² നാന് നിമാന ഒന്റു കാര്യ കേ്ള്‌ക്ക്‌ന്റെ, നിമാക്ക് സാമിനിഗാല് ബന്താദ് മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്താദ്‌നാലെഗ ഇല്ലെ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന കേ്ട്ട് അദ്‌ന നമ്പ്‌നാദ്‌നാലെത്തേഗ? കണ്ടിപ്പായിമ് ക്‌റ്‌സ്‌ത്ത്‌ന നമ്പ്‌നാദ്‌നാലെത്തെ സാമിനിഗാല് നിമാക്ക് ബന്താദ്.

ഗലാത്ത്യഗാറാര് 3:2 ပူးပေါင်းရင်းမြစ်များ

അപ്പോസുത്തലാര് 15:8

എല്ലാ ആള്‌ഗാള് നെനേവുന തെരിവ സാമി, നമാക്ക് തന്ത പാസെ എഗുദാര് അല്ലാത്ത ജാദിഗാള്‌ക്ക്‌മ് സാമിനിഗാല്‌ന കൊഡുത്താന്. അദ്‌നാലെ എഗുദാര് അല്ലാത്ത ജാദിഗാള് ഏസ്സ്‌ന നമ്പുവാദ് സെരിത്തെ എന്റ് സാമി എമാക്ക് കാട്ടി തന്താന്.

അപ്പോസുത്തലാര് 2:38

പത്ത്‌റോസു അവാര്‌ക്ക് ഇത്തെ സൊന്നാന്: <<നിമ്മ ഒന്റൊന്റാള് അവനവാന് ഗേവ പാവാന തള്ളുഡൊ. പ്‌റ നിമ്മ ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് ആനാദ്‌നാലെ നീര്‌ക്ക് മുളുഗുഡൊ. അന്നാപ്പ് നിമ്മ് തപ്പ്‌ക്ക് പൊറിമെ കെ്ഡേക്കു. അദോഡൊപ്പ നിമാക്ക് സാമിനിഗാല്‌മ് ദറ്‌മ്മ ആയി സാമ്യോഡിന്ത് കെ്ഡേക്കു.

അപ്പോസുത്തലാര് 8:15

അവാര് അദ്‌ക്ക് പോയി എജ്ജി സമര്യാല് ഇര്‌ക്കുവ ഏസ്സ്‌ഗാറാര്‌ക്ക് സാമിനിഗാല് കെ്ഡേക്ക്യ ബേ്ണ്ടി പരേസ്‌നാര്.

റോമഗാറാര് 1:17

ബേ്റൊന്റുനാലെമല്ലാദെ നമ്പിക്കെനാലെ താനെത്തെ ആള്‌ഗാള്‌ന സാമി തന്ന് കണ്ണ്‌ക്ക് നേര്‌മെഗാറാര് മാഡ്‌ന്റാന് എന്റ് ഈ നല്ല സേദില് കാട്ടി തന്ത്‌റ്‌ന്റാന്. <<സാമി കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്.>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

1 കൊരിന്ത്യഗാറാര് 9:21

അദേപാസെ സാമിസട്ട കെ്ഡേക്കാത്ത ജാദിഗാള്‌ന ക്‌റ്‌സ്‌ത്ത്‌ക്ക് കെ്ഡേസ്യ ബേ്ണ്ടി അവാര് പട്ട്‌ല് സാമിസട്ട കെ്ഡേക്കാത്തവാന്‌ന പാസെ പെ്ളേത്തെ. ഇദ്‌ക്ക് അര്‌ത്ത നാന് സാമി സട്ടപഡി നഡാക്കാത്തവാന് എന്റല്ല, നേര്‌മായിമ് നാന് ക്‌റ്‌സ്‌ത്ത് സട്ടപഡി പെ്ളേക്ക്‌ന്റവാന്‌ത്തെ.

2 കൊരിന്ത്യഗാറാര് 11:4

എന്ത്‌ക്കെന്റ് സൊന്ന ബേ്റെ ഒന്റൊരുത്താന് ബന്ത് എന്ത്‌ന സൊന്നാല്‌മ് നിമ്മ അദ്‌ന കേ്ള്‌ക്ക്‌ന്റ്‌റ്. അവാര് സൊല്ലുവ ഏസ്സ് ആരെന്റൊ അവാര് സൊല്ലുവ നിഗാല് ഏദെന്റൊ അവാര് സൊല്ലുവ സേദി നല്ല സേദി എന്റൊ പൊല്ല സേദി എന്റൊ നിമ്മ നെപ്പ്‌കെ്ഡേസാദെ അദ്‌നെല്ല കാദ്‌ക്ക് ഇക്ക്‌ന്റ്‌റ്.

ഗലാത്ത്യഗാറാര് 3:14

സാമി അവുറഗാമ്‌ക്ക് കൊഡുത്ത ബാക്ക്‌വരഗാള്‌ന ക്‌റ്‌സ്‌ത്ത് ഏസ്സ്‌നാലെ എല്ലാ ജാദിഗാള്‌ക്ക് കെ്ഡേക്ക്യ ബേ്ണ്ടിമ് സാമി കൊഡുക്കുന്റെ എന്റ് സൊല്ലിന്ത തന്ന് നിഗാല്‌ന നമ്മ നമ്പുവാദ്‌നാലെ കെ്ഡേസ്‌നവാരായ ബേ്ണ്ടിമ്‌ത്തെ ക്‌റ്‌സ്‌ത്ത് ഇത്തെ ഗേന്താദ്.

ഗലാത്ത്യഗാറാര് 3:3

അച്ചീ, നിമ്മ ഇത്ത്‌റാക്ക്‌മ് ബുദ്ദില്ലത്തവാര? സാമിനിഗാല് സൊല്ലുപഡിക്ക് പെ്ളേക്ക്യ പ്‌ഡിത്ത നിമ്മ ഇന്നാല് മന്‌സാന് സൊല്ലുപഡിക്ക് പെ്ളേത്ത് കൊറേവില്ലത്തവാരായ ആസെപഡ്‌ന്റ്‌റ?

ഗലാത്ത്യഗാറാര് 3:5

സാമി നിമാക്ക് തന്ന് നിഗാല്‌ന തന്താദ്‌മ് നിമ്മ് പട്ട്‌ല് അദിസ്യഗാള് ഗേന്താദ്‌മ് മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന നിമ്മ ഗേന്താദ്‌നാലെത്തേഗ, അല്ല ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന കേ്ട്ടാദ്‌നാലെഗ?

എവുറായാര് 2:4

ഇദല്ലാദെ താനെ അഡ്യാളഗാള് കാട്ടി കൊണ്ടുമു അദിസ്യഗാള് ഗേന്ത് കൊണ്ടുമു അദിസ്യപഡുവ ദൊഡ്ഡുദൊഡ്ഡ കാര്യഗാള് ഗേന്ത് കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്. സാമിനിഗാല് തരുവ ബരഗാള്‌ന തന്ന് ആസെപഡി കൊഡുത്തു കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്.

എവുറായാര് 4:2

എന്ത്‌ക്കെന്റ് സൊന്ന അവാര് കേ്ട്ടപാസെ നമ്മാമ് നല്ലൊന്റു സേദിന കേ്ട്ട്‌റ്‌ക്ക്‌ന്റാമ്. അവാര് നല്ല സേദിന കേ്ട്ടവാര് ആയിന്താല്‌മ് നമ്പിക്കോഡ അയി സേദിന അവാര് തങ്കാരിക്കാലെ. അദ്‌നാലെ അദ് അവാര്‌ക്ക് ഉവഗരപഡാദെ പോറ്റു.

എവുറായാര് 6:4

ഒന്റു ഗളിഗേല് സത്ത്യന കണ്ട് മേലോഗാത്ത്‌ലിന്ത് കെ്ഡേക്കുവ ബരഗാള് കെ്ഡേസി പെ്ളേത്തവാര്‌മ് സാമിനിഗാല്‌ന ഒന്റു പങ്കായി കെ്ഡേസ്‌നവാര്‌മ് ആനവാര് നമ്പിക്കേന ബ്‌ട്ട് തള്ള്‌നദാന അവാര്‌ന പിന്നെ എത്തെ മറിസി സാമിസാരി തിരിക്ക്യ മുഡിമ്? അവാര് സാമി സൊല്ലുസുലാക്ക എത്ത്‌റ നല്ലാദ് എന്റ്‌മ് ബര്യ ഇര്‌ക്കുവ ഉലഗാക്ക് ഇര്‌ക്കുവ സക്‌തി എത്ത്‌റ ദൊഡ്ഡാദ് എന്റ്‌മ് തെരിന്തവാര്‌ത്തെ. എന്റിന്ത് ഗുഡി തമ്മ് നമ്പിക്കേന ബ്‌ട്ട്‌റ്‌ക്കുവ അവാര്‌ന മറിസിമ് സാമിസാരി തിരിക്ക്യ മുഡ്യാമാട്ട. എന്ത്‌ക്കെന്റ് സൊന്ന അവാര് സാമി മഗാന്‌ന പിന്നേമ് കുരുസുക്കു സേത്തി ആണി അഡിത്ത്‌മ് എല്ലാര്‌ക്ക് എദ്‌ക്ക അയാള്‌ന മാനാമ് ഗെ്ഡ്‌സ്‌ന്റാര്.

1 പത്ത്‌റോസു 1:12

തമാക്ക് ബേ്ണ്ട്യല്ല, നിമാക്ക് ബേ്ണ്ടിത്തെ ഈ ഗിലാസ ഗേവാദെന്റ് അവാര്‌ക്ക് തെരിന്ത്‌ദ്. മേലോഗാത്ത്‌ലിന്ത് സൊല്ലി ബ്‌ട്ട സാമിനിഗാല് സൊല്ല്യ സൊല്ലുഗാട്ടി നിമാക്ക് നല്ല സേദിന സൊന്നവാര് ഇന്നാല് അദ്‌ന നിമാക്ക് സൊല്ലിര്‌ക്ക്‌ന്റാര്. ഇദ്‌ന പറ്റി തെര്യ സാമിദൂദാര്‌ഗാള്‌മ് എത്ത്‌റാഗോ ആസെപഡ്‌ന്റാര്.