ഗലാത്ത്യഗാറാര് 2:7 - സാമി സേദി7 ആന എഗുദാര്‌ക്ക് നല്ല സേദിന സൊല്ല്യ സാമി പത്ത്‌റോസുന എ്ഡ്‌ത്ത് ബെത്ത്‌റ്‌ക്കുവ പാസെ എഗുദാരല്ലാത്ത ജാദിഗാള്‌ക്ക് നല്ല സേദിന സൊല്ല്യ സാമി എനാന എ്ഡ്‌ത്ത് ബെത്ത്‌റ്‌ന്റാന് എന്റ് ഈ തലെവാര്‌ഗാള്‌ക്ക് തെരിന്ത്‌ദ്. အခန်းကိုကြည့်ပါ။ |
ഗലാത്ത്യഗാറാര് 2:7
20 ပူးပေါင်းရင်းမြစ်များ
ആന അവാര് പവുലോസുക്കുമു മീ്റി നായ സൊല്ലി അയാള്‌ന മോസ എന്റ് സൊന്നാര്. അദ്‌ക്ക് തഗ്‌ന്ത ബദ്‌ല്‌ത്തെ സൊന്റെ എന്റ് കാട്ട്യ ബേ്ണ്ടി അയാള് തന്ന് സീലെല ദൂളിന കൊഡേന്ത് കൊണ്ടു: <<നിമ്മ കെ്ട്ട് പോവദാന നിമ്മ താനെത്തെ അദ്‌ക്ക് കുറ്റഗാറാര്. അദ്‌ക്ക് എനാക്ക് പൊറുപ്പില്ലെ. ഇന്നി നാന് എഗുദാര് അല്ലാത്ത ബേ്റെ ജാദിഗാള് പട്ട്‌ക്ക് പോന്റെ>> എന്റ് സൊന്നാന്
ആന ഒന്റു ഗളിഗേല് പത്ത്‌റോസു അന്തോക്ക്യ പട്ടണാക്ക് ബന്തിന്താന്. അയി ഗളിഗേല് അയാള് ഗേന്ത ഒന്റു കുറ്റന കണ്ട് നാന് ആള്‌ഗാള് മുന്നുക്കു ബെത്ത് അയാള്‌ന നൊഡിന്തേന്. അയാള് അന്തോക്ക്യ പട്ടണാക്ക് ബന്ത്‌റ്‌ക്കാട്ടി ഏസ്സ്‌ന നമ്പിര്‌ക്കുവ എഗുദാരല്ലാത്ത ജാദിഗാളോഡ ഒന്റായിന്ത് തിന്റ്‌കുഡിത്ത് കൊണ്ടിന്താന്. ആന അയി ഗളിഗേല് ആക്കോവു സൊല്ലി ബ്‌ട്ട ലേസ എഗുദാര്‌ഗാള് അദ്‌ക്ക് ബര്‌ഗാട്ടി പത്ത്‌റോസു ഏസ്സ്‌ന നമ്പിര്‌ക്കുവ എഗുദാരല്ലാത്ത ബേ്റെ ജാദിഗാള് പട്ട്‌ക്ക് അണ്ടാദേമ് തീനി തിന്നാദേമ് ഇന്താന്. എന്ത്‌ക്കെന്റ് സൊന്ന അയാള് പരിസേദനെ സാത്ത്‌റ ഗേവ എഗുദാര്‌ഗാള്‌ന അഞ്ചിന്താന്.
അവാര് നേര്‌മാന നല്ല സേദിക്ക് എ്ണേന്ത ദിന്‌സ്‌ല് നഡാക്കുവാദില്ലെന്റ് കാണ്‌ഗാട്ടി എല്ലാര് മുന്നുക്കു ബെത്ത് പത്ത്‌റോസുന നൊഡിന്ത്‌കൊണ്ടു നാന് ഇത്തെ സൊന്നെ: <<നീ എഗുദ ജാദിക്ക് പട്ടവാനായിന്ത് ഗുഡി എഗുദാര് സട്ട്‌മെ്ട്ട്‌പഡിക്ക് പെ്ളേക്കാദെ ബേ്റെ എഗുദാരല്ലാത്ത ജാദിഗാളോഡ എ്ണേന്ത് നഡാന്തായല്ല. അത്തെ നഡാക്കുവ നീ എഗുദാരല്ലാത്ത ബേ്റെ ജാദിഗാള്‌ന എഗുദാര്‌ന പാസെ പെ്ളേക്ക്യ നത്തുവാദ് എന്ത്‌ക്ക്?>>
ഈ ഗിലാസ ഗേയ സാമി എനാക്ക് ബര തന്ത്‌റ്‌ന്റാനെന്റ് മുക്ക്യമാന തലെവാര്‌ഗാളാന ആക്കോവു, പത്ത്‌റോസു, ഓഗന്നാന് എന്റവാര്‌ക്ക് തെരിന്ത്‌ദ്. അദ്‌നാലെ അവാര് എനനാമ് ബറ്‌ണവാസ്‌നാമ് തമ്മോഡൊപ്പ സാമി ഗിലാസ ഗേന്റവാരായി എന്റ് കാട്ട്യ കയികൊഡുത്തു സേത്ത്‌നാര്. <<അത്തെ എമ്മ എഗുദാര് പട്ട്‌ല് താനെ നല്ല സേദിന സൊല്ല്യ അവാര്‌മ് എഗുദാരല്ലാത്ത ജാദിഗാള് പട്ട്‌ല് നല്ല സേദിന സൊല്ല്യ നാന്‌മ് ബറ്‌ണവാസ്‌മ് എമ്മ ഒത്തുപട്ടേമ്.>>
ကြော်ငြာတွေ