ഗലാത്ത്യഗാറാര് 2:5 - സാമി സേദി5 ആന നിമ്മ നമ്പിക്കെ ബെത്ത്റ്ക്കുവ സത്ത്യമാന നല്ല സേദിന പിന്നേമ് നിമ്മ ഒറേപ്പായി നമ്പി പെ്ളേക്ക്യ ബേ്ണ്ടി എമ്മ സെറ്റെ ഗുഡി അവാര് നായന കാദ്ക്കിക്കാലെ. အခန်းကိုကြည့်ပါ။ |
അവാര് നേര്മാന നല്ല സേദിക്ക് എ്ണേന്ത ദിന്സ്ല് നഡാക്കുവാദില്ലെന്റ് കാണ്ഗാട്ടി എല്ലാര് മുന്നുക്കു ബെത്ത് പത്ത്റോസുന നൊഡിന്ത്കൊണ്ടു നാന് ഇത്തെ സൊന്നെ: <<നീ എഗുദ ജാദിക്ക് പട്ടവാനായിന്ത് ഗുഡി എഗുദാര് സട്ട്മെ്ട്ട്പഡിക്ക് പെ്ളേക്കാദെ ബേ്റെ എഗുദാരല്ലാത്ത ജാദിഗാളോഡ എ്ണേന്ത് നഡാന്തായല്ല. അത്തെ നഡാക്കുവ നീ എഗുദാരല്ലാത്ത ബേ്റെ ജാദിഗാള്ന എഗുദാര്ന പാസെ പെ്ളേക്ക്യ നത്തുവാദ് എന്ത്ക്ക്?>>
എനാക്ക് മെച്ച്പ്ഡിത്തവാരെ, ഏസ്സ് ക്റ്സ്ത്ത്ന ബെത്ത് സാമി നമ്മ് പെ്ളേപ്പ്ന എത്തെ കാപാറ്റ്ന്റാന് എന്നുവ കാര്യന പറ്റി നിമാക്ക് എ്ള്ദ്യ ബേ്ണ്ടി നാന് മുദാല് ആസെപട്ടിന്തെ. അത്തെ നാന് ആസെപട്ട്റ്ക്കാട്ടി ഏസ്സ്ന നമ്പി സാമിക്ക് പട്ടവാര് ആനവാര് ഏസ്സ് സൊന്ന നായഗാള്ന ഉറുദ്ദ്യായി നമ്പി പെ്ളേക്കുഡൊ എന്നുവ കാര്യന പറ്റി എ്ള്ദുവാദ്ത്തെ ദൊഡ്ഡ കാര്യ എന്റ് നാന് നെനേത്തെ. അദ്നാലെ അദ്ന പറ്റി എ്ള്ദ്യ നാന് ആസെപട്ടെ.
പവുലോസുമു, ബറ്ണവാസ്മ് ബണങ്കാദെ അവാരോഡ സെരിക്ക്മ് തറ്ക്ക്നാര്. അദ്നാലെ ഈ തറ്ക്ക്ന കാര്യന പറ്റി എര്സലേമ്ല അപ്പോസുത്തലാരോഡാമ് മൂപ്പനാമോഡാമ് കേ്ള്ക്കുഡൊ എന്റ് അവാര് നെനേത്താര്. അദ്ക്ക് ബേ്ണ്ടി പവുലോസുനാമ്, ബറ്ണവാസ്നാമ്, അന്തോക്ക്യാല് ഇര്ക്കുവ ലേസ ആള്ഗാള്നാമ് എര്സലേമ്ക്ക് ബ്ഡ്യ മുഡിവെ്ഡ്ത്താര്.