എപസോസുഗാറാര് 6:6 - സാമി സേദി6-7 നിമ്മ ഗേവ ഗിലാസാന സാമി ആസെപഡുവ പാസെത്തെ ഗേന്റ്റ് എന്നുവ ഒറേപ്പോഡ നിമ്മ ക്റ്സ്ത്ത്ക്ക് ബേ്ണ്ടി ഗിലാസ ഗേവ പാസെ താനെ ഗേന്. പണ്ണാഡിഗാള് മനേസ്സ്ക്ക് മെച്ച്പ്ഡിക്ക്യ ബേ്ണ്ടി അവാര് നിമ്മ് പട്ട്ല് ഇര്ക്കുവ ഗളിഗേല്മ് ഇല്ലാത്ത ഗളിഗേല്മ് സൊക്കാന ഗിലാസ ഗേന്. အခန်းကိုကြည့်ပါ။ |
<<നാന് സൊല്ലുവാദ്ത്തെ നേരെന്റ്>> ആള്ഗാള് സൊല്ല്യ ബേ്ണ്ടിത്തേഗ നാന് ഇത്തെ സൊല്ലുവാദ്? അല്ല, അദ്ക്ക് ബദ്ല സാമിത്തെ നാന് സൊല്ലുവാദ്ന നേരെന്റ് സൊല്ലുഡൊ. നാന് മന്സാര്ഗാള്ന പിര്യപഡിസ്യ നോഡുന്റേന? ഇല്ലെ, ഇന്നാല്മ് നാന് മന്സാര്ഗാള്ന പിര്യപഡിസ്യ നോഡുവദാന ക്റ്സ്ത്ത്ക്ക് ഗിലാസഗാറാന് ആയിര്ക്കമാട്ടെ.
ഇല്ലെന്റ് കണ്ട നിമ്മ് പെ്ളേപ്പ് അറുവില്ലാത്ത പെ്ളേപ്പായി പോമു. ആന നിമ്മ് മനേസ്സ്ക്ക് സാമിനിഗാല് തരുവ നെനേവുലേ ഇന്ത് നിമ്മ പെ്ളേത്തദാന സാമി മനേസ്സിലിര്ക്കുവാദ്ന തെരിന്ത് നിമ്മ അറുവിര്ക്കുവ പെ്ളേപ്പ് പെ്ളേക്ക്ന്റവാരാവുറു. അദ്ന തള്ളി കുഡിക്കുവ പളാക്കാക്ക് അഡിമ്യാന സേത്തി സേത്തി കെ്ട്ട കാര്യഗാള് ഗേന്ത് പെ്ളേക്കുവുറു.
അദ്നാലെ എനാക്ക് മെച്ച്പ്ഡിത്തവാരെ, നിമ്മ് പാവാക്ക് കെ്ഡേക്കുവ ദെ്ണ്ടണേലിന്ത് സാമി നിമാന കാപാറ്റ്നാന്. അദ്നാലെ നിമ്മ അദ്ക്ക് തഗ്ന്ത ദിന്സ്ല് പെ്ളേക്കുഡൊ. മുന്നുക്കു പാവ ഗേഗാദെ സാമി സൊല്ലുപഡിക്ക് പെ്ളേത്ത പാസെ ഇന്നാല്മ് പെ്ളേത്ത് കൊണ്ടേ ഇര്ക്കുഡൊ. നാന് നിമ്മ് പട്ട്ല് ഇര്ക്കാട്ടിമ് നാനില്ലാദിര്ക്കാട്ടിമ് നിമ്മ സാമിന അഞ്ചിക്കെപട്ട് കൊണ്ടുമു സദ്റ ബെ്ട്ടികൊണ്ടുമു പാവ ഗേഗാദെ പെ്ളേത്ത് കൊണ്ട്റ്ക്കുഡൊ.