എപസോസുഗാറാര് 6:20 - സാമി സേദി20 എന്ത്‌ക്കെന്റ് സൊന്ന സാമി ആളുവ കാലന പറ്റി സൊല്ലി നഡാക്ക്‌ന്റവാന് ആനാല്‌മ് നാന് ഇന്നാല് ജെയില്‌ല് ഇര്‌ക്ക്‌ന്റെ. ഇദ്‌ലിന്ത് കൊണ്ടുമു അദ്‌ന പറ്റി ദയിരമായി സൊല്ല്യ എനാക്ക് ബേ്ണ്ടി പരേസ്‌ന്. အခန်းကိုကြည့်ပါ။ |
എപസോസുഗാറാര് 6:20
31 ပူးပေါင်းရင်းမြစ်များ
ആന എനാക്ക് എന്ത് ബന്താല്‌മ് നാന് നാണഗെ്ഡമാട്ടെ. നാന് ഒപ്പ നല്ല ദയിരത്തോഡത്തെ ഇര്‌ക്കുവെ. നാന് ഉജുരോഡിന്തദാന മുന്നുക്കുല പാസെ ഇന്നാല്‌മ് നാന് ഗേവ എല്ലാ കാര്യാത്ത്‌ല്‌മ് ക്‌റ്‌സ്‌ത്ത്‌ന ഉജാത്തി കാട്ടുവെ. സാവദാന നാന് ക്‌റ്‌സ്‌ത്ത്‌ക്ക് ബേ്ണ്ടി സാവാദ്‌നാലെ ക്‌റ്‌സ്‌ത്ത് പേര്‌ക്ക്‌ത്തെ പെരിമെ കെ്ഡേക്ക്‌മ്. ഇദ്‌ത്തെ നാന് ഒപ്പ ആസെപഡുവാദ്‌മ് നെഞ്ചഡെ ബെത്ത്‌റ്‌ക്കുവാദ്‌മ്.
നാന് നിമ്മോഡ മനേസ്സാറ സീവാന്‌ബെത്ത് നഡാക്കുവാദ്‌നാലെ നിമാനൊട്ടുക്കു പറ്റി നാന് അത്തെല്ല നെനേക്കുവാദ് സെരിത്തെ. നാന് ഇന്നാല് ജെയില്‌ലിര്‌ക്കാട്ടിമ് അല്ലാദെ താനെ നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേര്‌ത്തെന്റ് കാട്ടി കൊഡുക്കാട്ടിമ് നിമ്മാത്തെ എനാന കയി താങ്ക്‌ന്‌റ്. അദുക്കുള്ള പ്‌ണ്ണ്യ സാമി നമാക്ക് ഗേന്താന്.
നാന് ഇന്നാല് ജെയില്‌ല് ഇര്‌ക്കുവാദ്‌ന നെനേത്ത് നിമ്മ എനാക്ക് ബേ്ണ്ടിമ് പരേസ്‌ന്. ക്‌റ്‌സ്‌ത്ത്‌ന പറ്റി ഇന്നമാട്ട്‌ക്ക് തെര്യാദിന്ത കാര്യഗാള്‌ന ആള്‌ഗാള്‌ക്ക് തെരിവ ദിന്‌സ്‌ല് സൊല്ല്യ ബേ്ണ്ടിമ് അദ്‌ക്കിര്‌ക്കുവ തഡേസഗാള്‌ന സാമി ഇല്ലാദെ മാഡ്യ ബേ്ണ്ടിമ് പരേസ്‌ന്. അയി ഗിലാസാന ഗേവാദ്‌നാലെത്തെ നാന് ഇന്നാല് ജെയില്‌ലിര്‌ക്കുവാദ്.
എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.
എനാക്ക് മെച്ച്‌പ്‌ഡിത്തവാരെ, ഏസ്സ് ക്‌റ്‌സ്‌ത്ത്‌ന ബെത്ത് സാമി നമ്മ് പെ്ളേപ്പ്‌ന എത്തെ കാപാറ്റ്‌ന്റാന് എന്നുവ കാര്യന പറ്റി നിമാക്ക് എ്ള്‌ദ്യ ബേ്ണ്ടി നാന് മുദാല് ആസെപട്ടിന്തെ. അത്തെ നാന് ആസെപട്ട്‌റ്‌ക്കാട്ടി ഏസ്സ്‌ന നമ്പി സാമിക്ക് പട്ടവാര് ആനവാര് ഏസ്സ് സൊന്ന നായഗാള്‌ന ഉറുദ്ദ്യായി നമ്പി പെ്ളേക്കുഡൊ എന്നുവ കാര്യന പറ്റി എ്ള്‌ദുവാദ്‌ത്തെ ദൊഡ്ഡ കാര്യ എന്റ് നാന് നെനേത്തെ. അദ്‌നാലെ അദ്‌ന പറ്റി എ്ള്‌ദ്യ നാന് ആസെപട്ടെ.
ကြော်ငြာတွေ