ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.
എപസോസുഗാറാര് 6:19 - സാമി സേദി19 അദ്‌താനേമല്ല, സാമ്യോഡ പിര്യപിര്യാത്തിര്‌ക്ക്യ ബെക്കുവ ഈ നല്ല സേദില് ഇന്നമാട്ട്‌ക്ക് ആര്‌ക്ക്‌മ് സൊക്കാന തെര്യാദിര്‌ക്കുവ കാര്യഗാള്‌ന തെരിന്ത് അദ്‌ന ദയിരത്തോഡ അഡ്‌ത്തവാര്‌ക്ക് സൊല്ല്യ എനാക്ക് ബേ്ണ്ടിമ് പരേസ്‌ന്. အခန်းကိုကြည့်ပါ။ |
എപസോസുഗാറാര് 6:19
34 ပူးပေါင်းရင်းမြစ်များ
നാന് ഇന്നാല് ജെയില്‌ല് ഇര്‌ക്കുവാദ്‌ന നെനേത്ത് നിമ്മ എനാക്ക് ബേ്ണ്ടിമ് പരേസ്‌ന്. ക്‌റ്‌സ്‌ത്ത്‌ന പറ്റി ഇന്നമാട്ട്‌ക്ക് തെര്യാദിന്ത കാര്യഗാള്‌ന ആള്‌ഗാള്‌ക്ക് തെരിവ ദിന്‌സ്‌ല് സൊല്ല്യ ബേ്ണ്ടിമ് അദ്‌ക്കിര്‌ക്കുവ തഡേസഗാള്‌ന സാമി ഇല്ലാദെ മാഡ്യ ബേ്ണ്ടിമ് പരേസ്‌ന്. അയി ഗിലാസാന ഗേവാദ്‌നാലെത്തെ നാന് ഇന്നാല് ജെയില്‌ലിര്‌ക്കുവാദ്.
എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.
മറേന്ത്‌റ്‌ക്കുവ ദൊഡ്ഡ കാര്യനത്തെ നമ്മ നമ്പിര്‌ക്കുവാദ് എന്റ് എല്ലാ ആള്‌ഗാള്‌ക്ക്‌മ് സൊല്ല്യ മുഡിമ്. ഏസ്സ് ക്‌റ്‌സ്‌ത്ത് മന്‌സാനായി ബന്താന്. ക്‌റ്‌സ്‌ത്ത് ആരെന്റ് സാമിനിഗാല് കാട്ടി തന്ത്‌ദ്. അയാള് ദൂദാര്‌ഗാള് കണ്ണ്‌ക്ക്‌മ് കാട്ട്‌നാന്. എഗുദരല്ലാത്ത ബേ്റെ ജാദിഗാള് പട്ട്‌ല് അയാള്‌ന പറ്റി സൊന്നാര്. ഉലഗാത്ത്‌ല മന്‌സാര് അയാള്‌ന നമ്പ്‌നാര്. അമ്‌സത്തോഡ അയാള്‌ന മേലോഗാക്ക് എ്ഡ്‌ത്താന്.
ကြော်ငြာတွေ