എപസോസുഗാറാര് 6:13 - സാമി സേദി

¹³ അദ്‌നാലെ അവാര് നിമ്മ് മനേസ്സ്‌ക്ക് പല എ്ണ്ണഗാള്‌ന ബരിസ്സി നിമാന ബുദ്ദിമുട്ടുസുഗാട്ടി സാമി നെനേത്ത്‌റ്‌ക്കുവാദ്‌ന ഗേന്ത് മുഡിക്ക്യ നിമ്മ സാമിക്കിര്‌ക്കുവ എല്ലാ ഗുണഗാള്‌മ് ഇര്‌ക്ക്‌ന്റവാരായി പെ്ളേന്.

എപസോസുഗാറാര് 6:13 ပူးပေါင်းရင်းမြစ်များ

ലൂക്കോസു 21:36

അദ്‌നാലെ നഡാക്ക്യ പോവ ഈ കാര്യഗാള്‌ലിന്ത് തപ്പിസി കഡാക്ക്യാമ് മന്‌സാനായി പ്‌റാന്തവാന് മുന്നുക്കു നില്ല്യ തഗ്‌ദ്യുള്ളവാര് ആയ ബേ്ണ്ടിമ് നിമ്മ ഏദ്‌ഗളിഗേമ് പരേസികൊണ്ടു സൂസാരിത്തിര്‌ന്.>>

ലൂക്കോസു 8:13

അഡി അറെര്‌ക്കുവ പട്ട്‌ക്ക് ബ്‌ന്ത ബെദെ എന്നുവാദ് സാമി സൊല്ലുസുലാക്കാന കേ്ട്ട് പിര്യപിര്യാത്ത് തങ്കാരിക്ക്‌ന്റവാര്‌ത്തെ. ആന അഡി ബേര് ഇ്റാഗ്യ മണ്ണില്ലാദിന്ത്‌ദ്. അദ്‌നാലെ പാദി നാള് അവാര്‌ക്ക് നമ്പിക്കെ ഇന്ത്‌ദ്. ആന സോദണെ ബര്‌ഗാട്ടി അവാര്‌ക്ക് നമ്പിക്കില്ലാദാന്റ്.

റോമഗാറാര് 13:12

ഇ്റ്‌ട്ട് ബെ്ഡ്യ പക്ക ആയിര്‌ക്ക്‌ന്റ്. അദ്‌നാലെ ഇ്റ്‌ട്ട്‌ക്ക് എ്ണേന്ത കാര്യഗാള് ഗേവാദ്‌ന തള്ളി ബെ്ള്‌സാക്ക് എ്ണേന്ത കാര്യഗാള്‌ന ഗേന്.

2 കൊരിന്ത്യഗാറാര് 10:4

ഈ ഉലഗാത്ത്‌ലവാര് തമ്മ് പോട്ടിഗാറാരോഡ ജുദ്ദ ഗേയ എ്ഡ്‌ക്കുവ ജാദിഗാളല്ല എമ്മ എ്ഡ്‌ക്കുവാദ്. എമാക്ക് ഇര്‌ക്കുവ ജാദിഗാള് മ്‌ഗ്‌ന്ത സാമി സക്‌ത്യുള്ളാദ്‌ത്തെ. പട്ടളഗാറാര് തമ്മ് പോട്ടിഗാറാര് കോട്ടെഗാള്‌ന ഇ്ഡിത്ത് തള്ളുവ പാസെ അദ്‌ന ബെത്ത് എമ്മ പോട്ടിഗാറാര് സക്‌തിന ദൂളു പറാത്ത്‌ന്റേമ്. മന്‌സാന് തപ്പായി ബാദിക്കുവ എല്ലാ കാര്യഗാള്‌നാമ് ഇല്ലാദെ മാഡ്‌ന്റേമ്.

എപസോസുഗാറാര് 5:16

ഈ കാലാത്ത്‌ല ആള്‌ഗാള് സേത്തി സേത്തി കെ്ട്ട കാര്യഗാള് ഗേന്ത് കൊണ്ട്‌റ്ക്കുവാദ്‌നാലെ നിമാക്ക് കെ്ഡേക്കുവ നേരനെല്ല നലമായി ഉവഗരപഡിസ്യ നോഡുനു.

എപസോസുഗാറാര് 5:6

ഇത്തവാള്‌ഗാള് സൊല്ലുവ ബുദ്ദില്ലാത്ത നായഗാള്‌ന കേ്ട്ട് നിമ്മ ഏമാന്ത് പോഗാദേന്. എന്ത്‌ക്കെന്റ് സൊന്ന അവാര് സാമികാര്യഗാള്‌ക്ക് കെ്ട്ട്‌പട്ട് നഡാക്കാത്താദ്‌നാലെ സാമി മൊനേക്ക്‌പട്ട് അവാര്‌ന ദെ്ണ്ടിക്കുവാനല്ല?

കൊലേസ്യഗാറാര് 4:12

നിമ്മ് പട്ട്‌ലിന്ത് ഈങ്ക് ബന്ത എപ്പപ്‌റോസുമു നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാന്. സാമി മനേസ്സ്‌ലിര്‌ക്കുവ കാര്യഗാള്‌ന നിമ്മ തെരിന്ത് നിമ്മ ഏസ്സ്‌ന പാസെ ആഡൊ എന്റ് ഒപ്പ പരേസികൊണ്ടു ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി നല്ല ഗിലാസ ഗേന്റാന്.

ആക്കോവു 4:7

അദ്‌നാലെ നിമ്മ സാമിന ബ്‌ട്ട് പ്‌റ്‌ന്ത് പോഗാദെ സെയിത്താനോഡ പോട്ടിപ്‌ഡിത്തദാന അയാള് നിമാന ബ്‌ട്ട് ഓഡി പോവാന്.

1 പത്ത്‌റോസു 4:1

അദ്‌നാലെ ക്‌റ്‌സ്‌ത്ത് സരിഗലാത്ത്‌ല് കജട്ട പട്ടാദ്‌നാലെ നിമ്മാമ് അത്തവ കജട്ടപാഡ്‌ഗാള്‌ന താങ്ക്യ ഒരുക്ക ഉള്ളവാര് ആയിര്‌ക്കുഡൊ. അത്തവ കജട്ടപാഡ്‌ഗാള്‌ന താങ്ക്‌ന്റവാര് പാവാക്ക് സിക്കാദെ പെ്ളേക്കുവാര്.

ബെ്ളിപട്ട കാര്യ 3:10

പൊറിമോഡ താങ്കുവാദ്‌ന പറ്റ്യുള്ള എന്ന് ബുദ്ദിനായന നീ കേ്ട്ട് നഡാന്തായി. അദ്‌നാലെ ബൂമിലിര്‌ന്റവാര്‌ന ഒട്ടുക്കു സോദണെ ഗേയ ബേ്ണ്ടി ബൂമില് ഒട്ടുക്കുമു ബര്യ ഇര്‌ക്കുവ കജട്ട കാല ഗളിഗേക്ക് നാന് നിനാന പാദ്‌ഗാക്കുവെ.

ബെ്ളിപട്ട കാര്യ 6:17

എന്ത്‌ക്കെന്റ് സൊന്ന അവാര് ദെ്ണ്ടിക്കുവ കഡ്‌പ്പുള്ള നാള് ബന്ത്‌റ്‌ക്ക്‌ന്റ്. അദ്‌ന താങ്ക്യ ആര്‌ക്ക് മുഡിമ്?>> എന്റ് ബേ്ണ്ട്‌നാര്.