എപസോസുഗാറാര് 6:11 - സാമി സേദി11 എന്ത്‌ക്കെന്റ് സൊന്ന നിമാന ഏമാത്ത്യ നെനേക്കുവ സെയിത്താന് തന്ത്‌റഗാള്‌ന ദൂളു പറാത്ത്യ സാമിക്കിര്‌ക്കുവ ഗുണ ഇര്‌ക്ക്‌ന്റവാരായിര്‌ന്. အခန်းကိုကြည့်ပါ။ |
എപസോസുഗാറാര് 6:11
30 ပူးပေါင်းရင်းမြစ်များ
ഈ ഉലഗാത്ത്‌ലവാര് തമ്മ് പോട്ടിഗാറാരോഡ ജുദ്ദ ഗേയ എ്ഡ്‌ക്കുവ ജാദിഗാളല്ല എമ്മ എ്ഡ്‌ക്കുവാദ്. എമാക്ക് ഇര്‌ക്കുവ ജാദിഗാള് മ്‌ഗ്‌ന്ത സാമി സക്‌ത്യുള്ളാദ്‌ത്തെ. പട്ടളഗാറാര് തമ്മ് പോട്ടിഗാറാര് കോട്ടെഗാള്‌ന ഇ്ഡിത്ത് തള്ളുവ പാസെ അദ്‌ന ബെത്ത് എമ്മ പോട്ടിഗാറാര് സക്‌തിന ദൂളു പറാത്ത്‌ന്റേമ്. മന്‌സാന് തപ്പായി ബാദിക്കുവ എല്ലാ കാര്യഗാള്‌നാമ് ഇല്ലാദെ മാഡ്‌ന്റേമ്.
അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.
ആന നമ്മ പഗാല്‌ക്കുള്ളവാര് ആനാദ്‌നാലെ ബോദ ഉള്ളവാരായി ഇര്‌ക്കുഡൊ. ഒന്റു പട്ടളഗാറാന് തന്ന് മാര്‌ന പാദ്‌ഗാക്ക്യ മാര്‌കച്ചെ കെ്ട്ടുവ പാസെ നിമ്മ സീവാനുള്ളവാരായിമ് നമ്പിക്കുള്ളവാരായിമ് ഇര്‌ക്കുഡൊ. അദ്‌താനേമല്ല, അയാള് തലേക്ക് പട്ടള തൊപ്പിന ഇക്കുവ പാസെ ഏസ്സ് നമാന ഒറേപ്പായിമ് കാപാറ്റ്യ ബന്റാന് എന്റ് നിമ്മ നെഞ്ചഡെ ബെത്ത്‌റ്‌ക്കുഡൊ.
നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.
ആന ബേ്ണ്ട്‌ന പ്‌ഡിത്ത് കെ്ട്ട്‌നാന്. സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ് അയി ബേ്ണ്ട് മുന്നുക്കു ബെത്ത് അദിസ്യഗാള് ഗേന്ത് കാട്ടി മന്‌സാര്‌ഗാള്‌ന ഏമാത്തിന്താന്. അത്തെ മന്‌സാര് ബേ്ണ്ട് പേര്‌ന കാട്ടുവ അഡ്യാളനാമ് ബെത്തിന്താര്. ബേ്ണ്ട് സെലെനാമ് കുമ്മുഡിന്താര്. അയി സാമിദാസ്‌നാമ് ബേ്ണ്ടോഡൊപ്പ പ്‌ഡിത്ത് കെ്ട്ടി ഗെന്തഗ കത്തി എരേവ തീ കഡാല്‌ക്ക് ഉജുരോഡ എ്റിന്ത് ബ്‌ട്ടാന്.
ആന അവാള് ബുദ്ദിനായന കേ്ള്‌ക്കാദേമ് <ആര്‌ക്ക്‌മ് തെര്യാദെ മറേസി ബെത്ത്‌റ്‌ക്കുവ സെയിത്താന്‌ത്ത് മ്‌ഗ്‌ന്ത കാര്യഗാള്> എന്റ് ലേസ ആള്‌ഗാള് സൊല്ലുവാദ്‌ഗാള്‌ന പഡിക്കാദേമ് ഇര്‌ക്കുവ തയിതിര്യാല ബാക്കി ആള്‌ഗാള്‌ക്ക് നാന് സൊല്ലുവാദ്: നിമാക്ക് സുമാക്ക്യ മുഡ്യാത്താദ് ഒന്റുനാമ് നാന് നിമ്മ് തലേക്ക് ഏ്റ്‌സുവാദില്ലെ.
ကြော်ငြာတွေ