എപസോസുഗാറാര് 6:1 - സാമി സേദി

¹ പ്‌ള്ളെഗാളെ, സാമി നിമാന നേര്‌മോഡ നഡാക്കുവ പ്‌ള്ളെഗാളെന്റ് സൊല്ല്യ ബേ്ണ്ടി നിമ്മ് അവ്വ്യപ്പാന് സൊല്ലുപഡിക്ക് നഡാന്.

എപസോസുഗാറാര് 6:1 ပူးပေါင်းရင်းမြစ်များ

ലൂക്കോസു 2:51

പ്‌റസാരി ഏസ്സ് തന്ന് അവ്വ്യപ്പനോഡ നസറേത്ത് പട്ടണാക്ക് പോയി അവ്വ്യപ്പാന് സൊല്ലുപഡിക്കിന്താന്. ഈ നഡാന്ത കാര്യഗാള്‌നെല്ല മറിയ തന്ന് മനേസ്സ്‌കുളാക്ക് താനെ ബെത്താള്.

റോമഗാറാര് 12:2

ബേ്റെ ആള്‌ഗാള്‌ന പാസെ നിമ്മ പെ്ളേക്കാദെ സാമി കണ്ണ്‌ക്ക് നല്ലാദ്‌മ് മെച്ച്‌പ്‌ഡിത്താദ്‌മ് നേര്‌മെ ഉള്ളാദ്‌മാന കാര്യഗാള് എന്തെന്റ് നെപ്പ്‌കെ്ഡേസ്യ ബേ്ണ്ടി നിമ്മ് മനേസ്സ്‌ന മാറ്റ്യ നിമാന സാമി കയിക്ക് ഒപ്പിസി കൊഡുനു.

റോമഗാറാര് 16:2

അവാള് നിമ്മ് പട്ട്‌ക്ക് ബര്‌ഗാട്ടി സാമിക്ക് പട്ടവാര്‌ക്ക് തഗ്‌ന്ത പാസെ നിമ്മ അവാള്‌ന ആണ്ടവാന്‌ക്കുള്ളവാള് എന്റ് നെനേത്ത് തങ്കാരിക്കുഡൊ. നിമ്മ താനെ അവാള്‌ക്ക് ബേ്ഡ്‌മാനാദെല്ല കൊഡുത്തു അവാള്‌ന കയിതാങ്കുഡൊ. എന്ത്‌ക്കെന്റ് സൊന്ന അവാള് എനനാമ് ബേ്റെ എഞ്ചോ ആള്‌ഗാള്‌നാമ് കയി താങ്കിര്‌ന്റാള്.

റോമഗാറാര് 7:12

അദ്‌നാലെ സാമിസട്ട സുത്താപ്പുള്ളാദ്‌മ് കല്‌പനെ സുത്താപ്പുള്ളാദ്‌മ് നേര്‌മ് നല്ലാദ്‌മ്‌ത്തെ.

1 കൊരിന്ത്യഗാറാര് 15:58

അദ്‌നാലെ ഏസ്സ്‌ഗാറാരെ, എനാക്ക് മെച്ച്‌പ്‌ഡിത്ത്‌റ്‌ക്കുവ നിമ്മ നമ്പിക്കേല് ഒറേപ്പുള്ളവാരായി അജ്‌ങ്കാദെ ഇര്‌ന്. ആണ്ടവാന്‌ക്ക് ബേ്ണ്ടി പാഡ്‌പഡുവാദ് ബെ്റ്‌ദ്യല്ല എന്റ് തെരിന്ത് ആണ്ടവാന്‌ക്ക് ബേ്ണ്ടി ഗേവ ഗിലാസാന സേത്തി സേത്തി ഗേന്റവാരാന്.

1 തിമിത്തോസു 5:4

ആന ഒന്റു മ്‌ണ്ടേസിക്ക് മഗാനാരൊ മഗളാരൊ പേരനാരൊ പേര്‌ത്ത്യാരൊ ഇന്തദാന എല്ലാദ്‌ക്ക്‌മ് മുദാല് അവാര് തമ്മ് ബീ്ഡ്‌കാര്യഗാള് നോഡുവാദോഡൊപ്പ ഈ മ്‌ണ്ടേസിക്ക് ബേ്ഡ്‌മാന കാര്യഗാള്‌മ് ഗേന്ത് കൊഡുക്കുഡൊ. ഇത്തെ അവാര് തമ്മ് സാമി ബക്‌തിന കാട്ടി കൊഡുക്കുഡൊ. ഇദ്‌ത്തെ സാമി കണ്ണ്‌ക്ക് മെച്ച്‌പ്‌ഡിത്ത കാര്യ.

1 പത്ത്‌റോസു 2:13

മന്‌സാന് ബെത്ത്‌റ്‌ക്കുവ എല്ലാ അദിഗരഗാള്‌ക്ക്‌മ് ആണ്ടവാന്‌ക്ക് ബേ്ണ്ടി കെ്ട്ട്‌പട്ട് നഡാന്. അദ് എല്ലാദ്‌ക്ക്‌മ് അദിഗാരി ആയിര്‌ക്കുവ രാജാവാനാല്‌മ് സെരി,