എപസോസുഗാറാര് 5:3 - സാമി സേദി3 അദ്‌താനേമല്ല, ആസെപാഡ് പട്ട് നഡാക്കുവാദ്, ബേസ്യാഡി നഡാക്കുവാദ് ഇത്തെ ഗേവ എല്ലാ കെ്ട്ട കാര്യഗാള്‌നാമ് ഗേഗാദേന്. അത്തവ കാര്യഗാള് ഗേന്റവാര് ഇര്‌ന്റാരെന്റ് നിമ്മ് കൂട്ടാത്ത്‌ല് പേര് ബര്യാഗേ പാങ്കില്ലെ. အခန်းကိုကြည့်ပါ။ |
എപസോസുഗാറാര് 5:3
58 ပူးပေါင်းရင်းမြစ်များ
അവാര് എല്ലാ ദിന്‌സ്‌ല നേര്‌മല്ലാത്ത കാര്യഗാള്‌മ് കെ്ട്ട കാര്യഗാള്‌മ് പേരാസെപട്ട് ഗേവ കാര്യഗാള്‌മ് ആങ്കീങ്ക് ഗേവ മോസ കാര്യഗാള്‌മ് ഗേന്റവാര്‌ത്തെ. അവാര് കണ്ണ്‌കഡി നെനേവുലേ നഡാക്ക്‌ന്റവാര്‌മ്, കൊലെ ഗേയ ആസെപഡുവ നെനേവുലേ നഡാക്ക്‌ന്റവാര്‌മ്, മല്ല്‌പ്‌ഡിക്ക്‌ന്റവാര്‌മ്, സദിക്കുവ നെനേവു ബെത്ത് കൊണ്ടു നഡാക്ക്‌ന്റവാര്‌മ്, പഗേത്ത് നഡാക്ക്‌ന്റവാര്‌മ്, നൊണ്ടു സൊല്ലി നഡാക്ക്‌ന്റവാര്‌മ്‌ത്തെ.
ആന നിമ്മ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിക്ക് എ്ണേന്ത ദിന്‌സ്‌ല് നല്ലവാരായി നഡാന്ത്‌പ്‌ഡിത്ത് ഗേഡൊ എന്നുവാദ്‌ത്തെ ഇന്നാല് മുക്ക്യമാന കാര്യ. നിമ്മ ഒത്തിമോഡാമ് ഒന്റേ നെനേവോഡാമ് ഇന്ത് നല്ല സേദിന നമ്പുവ കാര്യാത്ത്‌ല്‌മ് സൊല്ലുവ കാര്യാത്ത്‌ല്‌മ് നിമ്മോഡ മുട്ടി നോഡുന്റവാര് മുന്നുക്കു നിമ്മ ഒറേത്ത് നില്ലുഡൊ. നാന് നിമ്മ് പട്ട്‌ക്ക് ബന്ത് നിമാന കണ്ടാല്‌മ് സെരി ഈങ്കിന്ത് കേ്ട്ടാല്‌മ് സെരി ഈ കാര്യന നിമ്മ ഗേന്റ്‌റ് എന്റ് എനാക്ക് കേ്ള്‌ക്കുഡൊ.
ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ന കയിതാങ്ക്‌ന്റവാന് സാമി കൊഡുത്ത്‌റ്‌ക്കുവ ഗിലാസാന നോഡിനഡാത്ത്‌ന്റവാന് ആയിര്‌ക്കുവാദ്‌നാലെ കുറ്റകൊറേവു ഇല്ലത്തവാന് ആയിര്‌ക്കുഡൊ. അയാള് താന്‌ത്തെ ദൊഡ്ഡവാനെന്റ് നെനേക്ക്‌ന്റവാന്‌മ് മുട്ടു മൊനെഗാറാന്‌മ് ആയിര്‌ക്ക്യ പാങ്കില്ലെ. അയാള് കുഡിഗാറാന്‌മ് ഒപ്പ മല്ല്‌ക്ക് പോന്റവാന്‌മ് അദിഗ പണ സമ്പാരിക്ക്യ ഏമാത്ത്‌ന്റവാന്‌മ് ആയിര്‌ക്ക്യ പാങ്കില്ലെ.
അദേപാസെ സാമിക്ക് ബേ്ണ്ടി പെ്ളേക്ക്യ ഒപ്പിസി കൊഡുത്തവാര് പെ്ളേക്കുവ പാസെ പെ്ളേക്ക്‌ന്റവാര് ആയിര്‌ക്ക്യ അച്ച്യാമ്‌ഗാള്‌ക്ക്‌മ് സൊല്ലു. അവാര് നൊണ്ടു സൊല്ലാത്തവാര്‌മ്, ഊറബെത്ത മുന്തിരി സാര മൊത്തനാക്ക് കുഡിക്കത്തവാര്‌മ് ആയിര്‌ക്കുഡൊ. അദ്‌ക്ക് ബദ്‌ല നല്ലാദ് ഏദൊ അദ്‌ന അയി അച്ച്യാമ് പഡ്‌സ്‌ന്റവാര്‌മ് ആയിര്‌ക്കുഡൊ.
അവാര് പെ്ണ്ണ്‌മക്കാള്‌ന കണ്ടദാന അവാരോഡ എ്ണേന്ത് ബേസ്യാഡി നഡാക്ക്യ ആസെപട്ട് നഡാക്ക്‌ന്റാര്. ഇത്തെ ഒപ്പ പാവ ഗേന്ത് നഡാക്കുവാദ് പറ്റ എന്റ് അവാര് പെ്ളേക്ക്‌ന്റാര്. ദൊഡ്ഡ നമ്പിക്കെ ഇല്ലാത്ത ആള്‌ഗാള്‌ന പാവ ഗേയ സിക്ക്‌സ്‌ന്റാര്. അവാര് ആസെപട്ട കാര്യ എത്തെ കെ്ഡേസുഡൊ എന്റ് അവാര് പഡിത്ത്‌ര്‌ന്റാര്. ഇത്തെ ഗേവാദ്‌നാലെ അവാര് സാമി സാപ്പാക്ക് സിക്കിര്‌ക്ക്‌ന്റാര്.
എന്റാല്‌മ് നിനാന പറ്റി ലേസ കുറ്റ എനാക്ക് സൊല്ല്യ ഇര്‌ക്ക്‌ന്റ്. ഇസ്‌റവേല്‌ഗാറാര്‌ന സെലെഗാള്‌ക്ക് മേല്‌സ ബെത്താദ്‌ന തിന്ന്യ ബ്‌ട്ട് കൊണ്ടുമു കണ്ടപഡിക്ക് നഡാന്ത് ബേസ്യാഡ്യ ബ്‌ട്ട് കൊണ്ടുമു അവാര്‌ന എത്തെ പാവ ഗേയ ബെക്കുഡൊ എന്റ് ബാലാക്ക്‌ക്ക് ബുദ്ദി സൊല്ലി കൊഡുത്തവാന്‌ത്തെ ബിലെയാമ്. അയി ബിലെയാമ് പഡ്‌സ്‌നാദ്‌ക്ക് കെ്ട്ട്‌പട്ട് നഡാക്കുവ ലേസ ആള്‌ഗാള് നിമ്മ് പട്ട്‌ല് ഇര്‌ന്റാര്.
ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.
ကြော်ငြာတွေ