എപസോസുഗാറാര് 5:2 - സാമി സേദി2 എന്ത്‌ക്കെന്റ് സൊന്ന ക്‌റ്‌സ്‌ത്ത് ഏസ്സ് നമ്മോഡ സീവാന്‌ബെത്ത് നമ്മ ഗേന്ത പാവഗാള്‌ക്ക് ബേ്ണ്ടി തന്ന് പെ്ളേപ്പ്‌ന സാമിക്ക് നല്ല ബാഡെ അഡിക്കുവ നേര്‌സെ പലി കൊഡുത്താന്. അത്തെ സാമിക്ക് മെച്ച്‌പ്‌ഡിത്ത ദിന്‌സ്‌ല് ക്‌റ്‌സ്‌ത്ത് പെ്ളേത്ത പാസെ നിമ്മാമ് ആങ്കീങ്ക് സീവാന്‌ബെത്ത് പെ്ളേന്. အခန်းကိုကြည့်ပါ။ |
എപസോസുഗാറാര് 5:2
54 ပူးပေါင်းရင်းမြစ်များ
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
ആന സാമി സട്ടപഡി നഡാന്ത് പാവാത്ത്‌ലിന്ത് തപ്പിസി കഡാക്ക്യ നമാക്ക് ആവാദില്ലെ. എന്ത്‌ക്കെന്റ് സൊന്ന മന്‌സാരാന നമ്മ കുറ്റകൊറേവുള്ളവാര് ആനാദ്‌നാലെ സാമി സട്ടപഡി നഡാക്ക്യ മുഡിവാദില്ലെ. അദ്‌നാലെ നമ്മ് പാവാന തീര്‌ക്ക്യ ബേ്ണ്ടി നമ്മ് ഉരുവാത്ത്‌ല് നമാന പാസെ ഇര്‌ക്കുവ ഒന്റു മന്‌സാനായി സാമി തന്ന് മഗാന്‌ന ഉലഗാക്ക് സൊല്ലി ബ്‌ട്ടാന്. നമ്മ് പാവാക്ക് കെ്ഡേക്കുവ ദെ്ണ്ടണെന അയാള് ഏറ്റെഡ്‌ത്താന്.
നിമ്മ ഒട്ടുക്കു പുളിക്കാത്ത മാവുന പാസെത്തെ. അയി കെ്ട്ട കാര്യ ഗേന്തവാന് പുളിത്ത മാവുന പാസെത്തെ. നിമ്മ ഒട്ടുക്കു പുളിത്ത മാവു ആഗാദിര്‌ക്ക്യ ബേ്ണ്ടി പുളിത്ത മാവായിര്‌ക്കുവ അയി കെ്ട്ട കാര്യ ഗേന്തവാന്‌ന നിമ്മ് കൂട്ടാത്ത്‌ലിന്ത് മുഡിക്കി ബ്‌ഡ്‌ന്. അത്തെ നിമ്മ പുദ്യ മാവു ആവുറു. നിമ്മ അത്തേത്തെ ആയിര്‌ക്ക്‌ന്റ്‌റല്ല? എന്ത്‌ക്കെന്റ് സൊന്ന ക്‌റ്‌സ്‌ത്ത് നമ്മ് പാവാക്ക് ബേ്ണ്ടി പലി ആയിര്‌ന്റാന്. അയാള്‌ത്തെ പെസഗെ നോമ്പിക്കുള്ള നമ്മ് കൊറ്യാഡ് കുട്ടി.
അദ് എത്തെന്റ് സൊന്ന, ഇന്നാല് ഏസ്സ് ക്‌റ്‌സ്‌ത്ത്‌ന നമ്പി ഒന്റായി പെ്ളേക്ക്‌ന്റവാര്‌ന സാമി ഉലഗാന ഉണ്ടാക്കാത്ത മുദാലെ തെരിന്തെ്ഡ്‌ത്താന്. സാമി കണ്ണ്‌ക്ക് കുറ്റകൊറേവു ഇല്ലത്തവാര് ആയിര്‌ക്ക്യ ബേ്ണ്ടിമ് സാമിക്ക് പട്ടവാര് ആയിര്‌ക്ക്യ ബേ്ണ്ടിമ്‌ത്തെ അവാര്‌ന അത്തെ തെരിന്തെ്ഡ്‌ത്താദ്. സാമി സീവാന്‌ബെത്ത്‌റ്‌ക്കുവാദ്‌നാലെ
ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ.
ആളനച്ചനാമെ, ഏസ്സ്‌ഗാറാര് കൂട്ടാക്ക് ക്‌റ്‌സ്‌ത്ത് തന്ന് ഉജുരുന കൊഡുത്തു അവാര് പെ്ളേപ്പ്‌ല പാവഗാള്‌നെല്ല നീര്‌ക്ക് മുളുഗുവാദ്‌നാലേമ് സാമി സൊല്ലുസുലാക്കനാലേമ് കച്ചി ബെ്ഡിപ്പാക്കി അവാര് പെ്ളേപ്പ്‌ല് സ്‌ന്ന കറെ പട്ട്‌റ്‌ക്കുവ പാസെ ഇര്‌ക്കുവ കുറ്റകൊറേവുഗാള്‌ന ഗുഡി ഇല്ലാദെ അവാര്‌ന ബെ്ഡിപ്പ്‌മാഡി തനാക്ക് പട്ടവാര് മാഡ്‌ന പാസെ ആളനച്ചനാമ്‌മ് തമ്മ് പെ്ണ്ടച്ച്യാമ്‌ന സീവാന് ബെത്ത് നഡാക്കുഡൊ.
എന്ന് സിലാവുക്കു ബേ്ണ്ടി നിമ്മ എപ്പറത്തോസു കയിക്ക് കൊഡുത്തു ബ്‌ട്ടാദ്‌ന അയാള് എനാക്ക് എ്ഡ്‌ത്തന്ത് തന്താന്. അദ് എനാക്ക് എക്കസക്കാമ് എന്ന് സിലാവു കളിന്തല്ലാദെ മിച്ചാമ് ഇര്‌ക്ക്‌ന്റ്. നിമ്മ കൊഡുത്തു ബ്‌ട്ടാദ് സാമിക്ക് ഗമ്‌ഗമ ബാഡെ അഡിക്കുവ ഒന്റു പലിന പാസെത്തെ. സാമി അദ്‌ന പിര്യപിര്യാത്ത് തങ്കാരിത്ത്‌റ്‌ന്റാന്.
നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ.
അദ് സത്ത്യാനദാന ക്‌റ്‌സ്‌ത്ത് സോരെ നമാന എത്ത്‌റാഗോ അദിഗ സുത്താപ്പ് മാഡ്‌മ്. എന്ത്‌ക്കെന്റ് സൊന്ന എന്നാല്‌ക്ക്‌മ് ഇര്‌ക്കുവ സാമിനിഗാല്‌നാലെ അയാള് തനാന താനെ ഒന്റു കൊറേവുമു ഇല്ലാത്ത പലി ആയി സാമിക്ക് ഒപ്പുസുനാന്. അദ്‌നാലെ സട്ടാത്ത്‌ല് സൊല്ലിര്‌ക്കുവ ഉവഗര ഇല്ലാത്ത കാര്യഗാള്‌ന ഗേന്താദ്‌ക്ക് കുറ്റ ഗേന്തെ എന്റ് മനേസ്സ്‌ല് ഇര്‌ക്കുവ നെനേവുഗാള്‌ലിന്ത് നമ്മ് മനേസ്സ്‌ന അയാള് സുത്താപ്പ് മാഡ്‌ന്റാന്. അത്തെ ഉജുരുള്ള സാമിന നമ്മ കുമ്മുഡുല.
അവാര് പുദ്യ ഒന്റു പാട്ട് പാഡ്‌നാര്, <<ബൊക്കുന എ്ഡ്‌ക്ക്യാമ് മുദ്ദുറെഗാള്‌ന പൊട്ടിസ്യാമ് തഗ്‌ദ്യുള്ളവാന് നീത്തെ. എന്ത്‌ക്കെന്റ് സൊന്ന നിനാന അറ്‌ത്ത് കൊന്റാര്. എല്ലാ കുലഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ ജാദിഗാള്‌ലിന്ത്‌മ് ആള്‌ഗാള്‌ന നീ സാമിക്ക് ബേ്ണ്ടി നിന്ന് സോരെന കൊഡുത്തു ബാങ്ക്യെ്ഡ്‌ത്തായി.
ကြော်ငြာတွေ