എപസോസുഗാറാര് 5:17 - സാമി സേദി

^17-18 ഇല്ലെന്റ് കണ്ട നിമ്മ് പെ്ളേപ്പ് അറുവില്ലാത്ത പെ്ളേപ്പായി പോമു. ആന നിമ്മ് മനേസ്സ്‌ക്ക് സാമിനിഗാല് തരുവ നെനേവുലേ ഇന്ത് നിമ്മ പെ്ളേത്തദാന സാമി മനേസ്സിലിര്‌ക്കുവാദ്‌ന തെരിന്ത് നിമ്മ അറുവിര്‌ക്കുവ പെ്ളേപ്പ് പെ്ളേക്ക്‌ന്റവാരാവുറു. അദ്‌ന തള്ളി കുഡിക്കുവ പളാക്കാക്ക് അഡിമ്യാന സേത്തി സേത്തി കെ്ട്ട കാര്യഗാള് ഗേന്ത് പെ്ളേക്കുവുറു.

എപസോസുഗാറാര് 5:17 ပူးပေါင်းရင်းမြစ်များ

ഓഗന്നാന് 7:17

സാമി പിര്യപഡുവാദ്‌ന ഗേയ ആസെപഡ്‌ന്റവാന് ഈ ബുദ്ദിനായ സാമിലിന്ത് ബരുവാദൊ ഇല്ലെ നാനാഗ സൊല്ലുവാദൊ എന്റ് നെപ്പ്‌കെ്ഡേസുവാന്.

റോമഗാറാര് 12:2

ബേ്റെ ആള്‌ഗാള്‌ന പാസെ നിമ്മ പെ്ളേക്കാദെ സാമി കണ്ണ്‌ക്ക് നല്ലാദ്‌മ് മെച്ച്‌പ്‌ഡിത്താദ്‌മ് നേര്‌മെ ഉള്ളാദ്‌മാന കാര്യഗാള് എന്തെന്റ് നെപ്പ്‌കെ്ഡേസ്യ ബേ്ണ്ടി നിമ്മ് മനേസ്സ്‌ന മാറ്റ്യ നിമാന സാമി കയിക്ക് ഒപ്പിസി കൊഡുനു.

എപസോസുഗാറാര് 5:15

അദ്‌നാലെ നിമ്മ എത്തെ പെ്ളേക്ക്‌ന്റ്‌റ് എന്റ് സൊക്കാന നെനേത്ത് കൊണ്ട്‌റ്‌ന്. അറുവില്ലത്തവാര്‌ന പാസെ പെ്ളേക്കാദെ ബുദ്ദ്യുള്ളവാരായി പെ്ളേന്.

കൊലേസ്യഗാറാര് 1:9

അദ്‌നാലെ ഈ കാര്യഗാള്‌ന കേ്ട്ട നാള്‌ലിന്തേ സാമി പിര്യാന പറ്റി തെരിവ അറുവുലു നിമ്മ ദൊഡ്ഡവാരായ ബേ്ണ്ടിമ് നിമ്മ് നിഗാല് കുട്ടിക്ക് ബേ്ഡ്‌മാന എല്ലാ അറുവുലു നിമ്മ ദൊഡ്ഡവാരായ ബേ്ണ്ടിമ് എമ്മ ഒപ്പ പരേസ്‌ന്റേമ്.

കൊലേസ്യഗാറാര് 4:5

ഏസ്സ്‌ന നമ്പാത്തവാരോഡ ബുദ്ദ്യോഡ നഡാന്ത്‌പ്‌ഡിത്ത് ഗേന്. നിമാക്ക് കെ്ഡേക്കുവ സമ്യനെല്ല നിമാക്കാഗമാട്ട് നലമായി ഉവഗരപഡിസ്യ നോഡുനു.

1 തെസെലോനിക്ക്യഗാറാര് 5:18

എല്ലാ കാര്യഗാള്‌ക്ക്‌മ് ബേ്ണ്ടി സാമിക്ക് നണ്ണി സൊല്ലുനു. ഇദ്‌ത്തെ ക്‌റ്‌സ്‌ത്ത് ഏസ്സോഡ ഒന്റായി പെ്ളേക്കുവ പെ്ളേപ്പ്‌ല് സാമി നിമ്മോഡിന്ത് ആസെപഡുവാദ്.

1 പത്ത്‌റോസു 4:2

അദ്‌നാലെ ഇന്നി നിമ്മ ബൂമില് നിമ്മ് പിര്യാക്ക് പെ്ളേക്കാദെ നിമ്മ എത്തെ പെ്ളേക്കുഡൊ എന്റ് സാമി ആസെപഡ്‌ന്റാനൊ അദേപാസെ നിമ്മ പെ്ളേക്കുഡൊ.