എപസോസുഗാറാര് 5:14 - സാമി സേദി

¹⁴ എന്ത്‌ക്കെന്റ് സൊന്ന ഇ്റ്‌ട്ട് കുളാക്ക് മറേന്ത്‌റ്‌ക്കുവാദ് ഒട്ടുക്കുമു ബെ്ള്‌സഡിക്കാട്ടി എദ്‌ക്കാമല്ല? അദ്‌നാലെത്തെ: <<സത്തവാന്‌ന പാസെ ഉറാങ്കുവ മന്‌സാ, നീ ഇ്ളാഗ് അന്നാപ്പ് ക്‌റ്‌സ്‌ത്ത്‌ക്ക് ഇര്‌ക്കുവ ബെ്ള്‌സ നിന്ന് പെ്ളേപ്പ്‌ക്ക് അഡിക്ക്‌മ്>> എന്റ് സൊല്ലിര്‌ക്കുവാദ്.

എപസോസുഗാറാര് 5:14 ပူးပေါင်းရင်းမြစ်များ

ലൂക്കോസു 1:78

നമ്മ് സാമി മ്‌ഗ്‌ന്ത സീവാന്‌മ് ഗവാമ് ഇര്‌ക്ക്‌ന്റവാന് ആനാദ്‌നാലെ നേര കഡാന്ത് ബരുവ പാസെ ആണ്ടവാന് മേലോഗാത്ത്‌ലിന്ത് നമ്മ് പട്ട്‌ക്ക് ബന്ത്‌റ്‌ന്റാന്.

ലൂക്കോസു 15:24

എന്ന് ഈ മഗാന് സത്ത് പോനവാന്‌ന പാസെ ആയിന്താന്. ആന ഇന്നാല് ഉജുരോഡ കെ്ഡേത്ത്‌റ്‌ന്റാന്. ഇവാന് കയിബ്‌ട്ട് പോനവാനായിന്താന്. ആന ഇന്നാല് കയിക്ക് കെ്ഡേത്ത്‌റ്‌ന്റാന്> എന്റ് സൊന്നാന്. അത്തെ അവാര് പിര്യപൊങ്ക്യ പ്‌ഡിത്താര്.

ഓഗന്നാന് 8:12

പ്‌റ ഏസ്സ് പിന്നേമ് ആള്‌ഗാള്‌ക്ക്: <<നാന്‌ത്തെ ഉലഗ ബെ്ള്‌സ, എന്ന് പിന്ന്‌മേലെ ബന്റവാന് ഇ്റ്‌ട്ട്‌ല് നഡാക്കാഗേമാട്ടാന്. അയാള്‌ക്ക് ഉജുരു കൊഡുക്കുവ ബെ്ള്‌സ കെ്ഡേക്ക്‌മ്>> എന്റ് സൊന്നാന്.

ഓഗന്നാന് 9:5

നാന് ഉലഗാത്ത്‌ല് ഇര്‌ക്കാട്ടി നാന്‌ത്തെ ഉലഗാക്ക് ബെ്ള്‌സ>> എന്റ് ഏസ്സ് അവാര്‌ക്ക് സൊന്നാന്.

അപ്പോസുത്തലാര് 13:47

<നിനാന നാന് എഗുദാര് അല്ലാത്ത ജാദിഗാള്‌ക്ക് ഒന്റു ബെ്ള്‌സ മാഡി ബെത്ത്‌റ്‌ന്റെ. നീ ബൂമില ആള്‌ഗാള്‌ക്ക് ഒട്ടുക്കു തപ്പിസി കഡാക്കുവാദ്‌ക്കുള്ള ബട്ടെ കാട്ടി കൊഡുക്കുവായി> എന്റ് ആണ്ടവാന് എമാക്ക് കണ്ടിപ്പായി സൊല്ലിര്‌ക്ക്‌ന്റാന്.>>

റോമഗാറാര് 6:13

നിമ്മ സത്തിന്ത് ഉജുര്‌ളാഗ്‌നവാര് ആനാദ്‌നാലെ നിമ്മ് സരിഗലന സാമി ആസെപഡുവ കാര്യഗാള് ഗേയ ബേ്ണ്ടി സാമിക്ക് അഡിമെ മാഡി ബെയിന്. നിമ്മ് സരിഗല ആസെപഡുവ കെ്ട്ട കാര്യഗാള് ഗേന്ത് കൊണ്ടു നിമ്മ് സരിഗലന പാവാക്ക് അഡിമെ മാഡി ബെക്കാദേന്.

1 കൊരിന്ത്യഗാറാര് 15:34

നല്ല നെനേവു ഉള്ളവാര് ആയി പാവ ഗേവാദ്‌ന തെ്റിന്ത് തള്ള്‌ന്. നാന് നിമാന നാണഗെ്ഡിസ്യ ബേ്ണ്ടി ഇത്തെ സൊന്റെ, നിമ്മ് കൂട്ടാത്ത്‌ല് ലേസ ആള്‌ഗാള്‌ക്ക് സാമിന പറ്റി ഒന്റു സുക്കുമു തെര്യ.

2 കൊരിന്ത്യഗാറാര് 4:6

<<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്.

എപസോസുഗാറാര് 2:1

ക്‌റ്‌സ്‌ത്ത്‌ന നമ്പുവാദ്‌ക്ക് മുദാല് നിമ്മ സാമി സൊല്ലുപഡിക്ക് നഡാക്കാദെ പാവ ഗേന്ത് കൊണ്ടു പെ്ളേത്തിന്ത്‌റ്. അദ്‌നാലെ അയി ഗളിഗേല് നിമാക്ക് സാമ്യോഡ എ്ണേവ് ബെത്ത് നഡാക്ക്യ മുഡ്യാദെ നിമ്മ സാമി കണ്ണ്‌ക്ക് സത്തവാര്‌ന പാസെ ആയിന്ത്‌റ്.

കൊലേസ്യഗാറാര് 3:1

അദ്‌നാലെ ഏസ്സ് ക്‌റ്‌സ്‌ത്ത് ഉജുര്‌ളാഗാട്ടി നിമ്മാമ് അയാളോഡൊപ്പ ഉജുര്‌ളാഗ്‌ന്റ്‌റ് എന്നുവാദ്‌ന നമ്പ്‌നദാന ഉജുര്‌ളാഗ്‌ന ഏസ്സ് സാമി തനാക്ക് കൊഡുത്ത പദാവിപട്ടാത്ത്‌ലിന്ത് ആളുവാദ്‌നാലെ അയാള് നാഡ്‌ല് നിമാക്ക് ബെത്ത്‌റ്‌ക്കുവ സൊത്തുക്കു ബേ്ണ്ടി ആസെപട്ട് കൊണ്ടു പെ്ളേന്.

1 തെസെലോനിക്ക്യഗാറാര് 5:6

അദ്‌നാലെ ബേ്റെ ആള്‌ഗാള്‌ന പാസെ ഉറാങ്ക്‌ന്റവാര് ആഗാദെ ആരേമ്പോഡാമ് ബോദ ഉള്ളവാരായിമ് ഇര്‌ന്.

2 തിമിത്തോസു 1:10

ആന ഇന്നാല് നമാന കാപാറ്റുവ ക്‌റ്‌സ്‌ത്ത് ഏസ്സ് ബന്ത് ഇദ്‌ന നമാക്ക് ബെ്ളിപഡിസി തന്ത്‌റ്‌ക്ക്‌ന്റാന്. അയാള് സാവുക്കു ആള്‌മാഡുവ അദിഗരാന ഇല്ലാദെ മാഡിമ് നല്ല സേദിനാലെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന ബെ്ളിപഡിസിമ് തന്താന്.

2 തിമിത്തോസു 2:26

അത്തെ അവാര് ബുദ്ദി ബന്ത് സെയിത്താന് തന്ന് ആസേന ഗേസ്യ തമാന അഡിമെ മാഡി ബെത്ത്‌റ്‌ന്റാന് എന്നുവാദ്‌ന തെരിന്ത് സെയിത്താന് സിക്ക്‌സി ബെത്ത്‌റ്‌ക്കുവ സിക്കുവരാത്ത്‌ലിന്ത് തപ്പിസി കഡാക്കുവാര്.