എപസോസുഗാറാര് 4:31 - സാമി സേദി31 അദ്‌നാലെ അഡ്‌ത്തവാരോഡ കീ്ട്ട്‌ഗ ബെത്ത് നഡാക്കുവാദ്, മൊനേക്ക് തെ്ട്ടി നഡാക്കുവാദ്, പള്യെ്ഡ്‌ക്ക്യ മൊനേക്ക് തെ്ട്ടി നഡാക്കുവാദ്, മൊനെ ബന്ത് കെഞ്ചുവാദ്, അഡ്‌ത്തവാര്‌ന പറ്റി നൊണ്ടു സൊല്ലുവാദ്, ഇത്തെ എല്ലാ ദിന്‌സ്‌ല കെ്ട്ട പളാക്കഗാള്‌നാമ് തള്ള്‌ന്. အခန်းကိုကြည့်ပါ။ |
എപസോസുഗാറാര് 4:31
62 ပူးပေါင်းရင်းမြစ်များ
നമ്മ് പെസഗെ നോമ്പി എന്നുവാദ് ക്‌റ്‌സ്‌ത്ത് നമാന ബ്‌ഡ്‌സ്‌നാദ്‌ന നെനേക്കുവാദ്‌ത്തെ. അയി നോമ്പി കെ്ട്ടാദ്‌മ് ആഗാത്താദ്‌മാന പളാക്കഗാള്‌ന ബെത്ത് കൊണ്ടല്ല ഗേവാദ്. അത്തെ ഗേന്ത അദ് പള്യ പുളിര്‌ക്കുവ അഡേല് ഗേവ നോമ്പിത്തെ. അദ്‌ക്ക് ബദ്‌ല കീ്ട്ട്‌ഗ ഇല്ലാത്ത മനേസ്സ്‌ഗാറാര്‌മ് സത്ത്യത്തോഡാമ് ഇര്‌ക്ക്‌ന്റവാര്‌മ് ആയിത്തെ അയി നോമ്പി ഗേഡൊ. അദ്‌ത്തെ പുളില്ലാത്ത അഡേല് ഗേവ നോമ്പി.
നാന് അദ്‌ക്ക് ബര്‌ഗാട്ടി നാന് ആസെപഡാത്ത ദിന്‌സ്‌ല് നിമാന കാണുവേന് എന്റ്‌മ് നിമ്മ ആസെപഡാത്ത ദിന്‌സ്‌ല് നിമ്മ എനാന കാണുവുറു എന്റ്‌മ് നാന് അഞ്ച്‌ന്റെ. ആങ്കീങ്ക് മല്ല്, കണ്ണ്‌കഡി, മുട്ടുമൊനെ, അവനവാന് കാര്യ താനെ നോഡുവാദ്, അഡ്‌ത്തവാര്‌ന നാണഗെ്ഡ്‌സുവാദ്, നൊണ്ടു സൊല്ലുവാദ്, ആര്‌ക്ക്‌മ് ഒദുങ്കാദെ ഇര്‌ക്കുവാദ്, കലമ്പാല് മാഡിര്‌ക്കുവാദ് എല്ലാ നിമ്മ് പട്ട്‌ല് ഇര്‌ക്കുമൊ എന്റ് നാന് അഞ്ച്‌ന്റെ.
ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ന കയിതാങ്ക്‌ന്റവാന് സാമി കൊഡുത്ത്‌റ്‌ക്കുവ ഗിലാസാന നോഡിനഡാത്ത്‌ന്റവാന് ആയിര്‌ക്കുവാദ്‌നാലെ കുറ്റകൊറേവു ഇല്ലത്തവാന് ആയിര്‌ക്കുഡൊ. അയാള് താന്‌ത്തെ ദൊഡ്ഡവാനെന്റ് നെനേക്ക്‌ന്റവാന്‌മ് മുട്ടു മൊനെഗാറാന്‌മ് ആയിര്‌ക്ക്യ പാങ്കില്ലെ. അയാള് കുഡിഗാറാന്‌മ് ഒപ്പ മല്ല്‌ക്ക് പോന്റവാന്‌മ് അദിഗ പണ സമ്പാരിക്ക്യ ഏമാത്ത്‌ന്റവാന്‌മ് ആയിര്‌ക്ക്യ പാങ്കില്ലെ.
അദേപാസെ സാമിക്ക് ബേ്ണ്ടി പെ്ളേക്ക്യ ഒപ്പിസി കൊഡുത്തവാര് പെ്ളേക്കുവ പാസെ പെ്ളേക്ക്‌ന്റവാര് ആയിര്‌ക്ക്യ അച്ച്യാമ്‌ഗാള്‌ക്ക്‌മ് സൊല്ലു. അവാര് നൊണ്ടു സൊല്ലാത്തവാര്‌മ്, ഊറബെത്ത മുന്തിരി സാര മൊത്തനാക്ക് കുഡിക്കത്തവാര്‌മ് ആയിര്‌ക്കുഡൊ. അദ്‌ക്ക് ബദ്‌ല നല്ലാദ് ഏദൊ അദ്‌ന അയി അച്ച്യാമ് പഡ്‌സ്‌ന്റവാര്‌മ് ആയിര്‌ക്കുഡൊ.
ഏസ്സ്‌ഗാറാരെ, സാമി നമാക്ക് സട്ട ബെത്താദ് നമ്മ സാമി സട്ടപഡി പെ്ളേക്ക്യത്തെ. ആന അയി സട്ടാന ബെത്ത് നമ്മ അഡ്‌ത്തവാര്‌ന കുറ്റ ബിദിക്കുവദാന അയി സട്ടാന ബ്‌ഡ നമാന ദൊഡ്ഡവാന് മാഡ്‌ന്റാമ്. എന്ത്‌ക്കെന്റ് സൊന്ന സാമി ഒരുത്താന്‌ത്തെ സട്ട ബെത്ത്‌റ്‌ക്കുവാദ്‌മ് കുറ്റ ബിദിക്കുവാദ്‌മ്. സാമി ഒരുത്താന്‌ക്ക്‌ത്തെ ഒരുത്താന്‌ന കാപാറ്റ്യാമ് കൊല്ല്യാമ് അദിഗര ഇര്‌ക്കുവാദ്. അദ്‌നാലെ ആങ്കീങ്ക് കുറ്റ സൊല്ലി സാമി ഗേവ കാര്യന ഗേയ നീ ആര്?
മേലോഗാത്ത്‌ലിന്ത് ദൊഡ്ഡ ഒന്റു ജദ്ദ നാന് കേ്ട്ടെ, <<ഇന്നാല് സാമി തന്ന് ജനഗാള്‌ന കാപാറ്റിര്‌ന്റാന്, സാമി തന്ന് സക്‌തിന രാജാവായി ആണ്ട് കൊണ്ടു കാട്ടിര്‌ക്ക്‌ന്റാന്, അയാള് ക്‌റ്‌സ്‌ത്ത് തന്ന് അദിഗരാന കാട്ടിര്‌ക്ക്‌ന്റാന്. എന്ത്‌ക്കെന്റ് സൊന്ന, ഏസ്സ്‌ഗാറാര് ആയിര്‌ക്കുവ നമ്മ് ആള്‌ഗാള്‌ന പറ്റി ഇ്റ്‌ട്ട്‌പഗാല് സാമി മുന്നുക്കു കുറ്റ സൊല്ലിന്തവാന്‌ന മേലോഗാത്ത്‌ലിന്ത് അഡി ഉന്തി ബീ്ക്ക്‌നാര്.
ကြော်ငြာတွေ