എപസോസുഗാറാര് 4:30 - സാമി സേദി

³⁰ അത്തെ സൊല്ലാദെ നഡാന്തദാന എന്നാല്‌ക്ക്‌മ് അളിന്ത് പോവ പെ്ളേപ്പ്‌ലിന്ത് നിമാന പാദ്‌ഗാക്കുവ സാമിനിഗാല്‌ന നിമ്മ ദുക്കപഡുസുവുറു. എന്ത്‌ക്കെന്റ് സൊന്ന സാമിനിഗാല്‌ല്‌ത്തെ സാമിക്ക് നിമ്മ സൊന്തഗാറാരെന്റ് അഡ്യാള ബെത്ത്‌റ്‌ക്കുവാദ്.

എപസോസുഗാറാര് 4:30 ပူးပေါင်းရင်းမြစ်များ

മര്‌ക്കോസു 3:5

അവാര്‌ക്ക് ഇര്‌ക്കുവ മരനെഞ്ച്‌ന നെനേത്ത് ഏസ്സ് ദുക്കപട്ട് പോനാന്. അയാള് മൊനേക്ക് തെ്ട്ടി കൊണ്ടു അവാര്‌ന സുറ്റീല്‌മ് നോഡുന പ്‌റ അയി നോയിഗാറാന്‌ക്ക്: <<നിന്ന് കയിന നീ്ട്ട്>> എന്റ് സൊന്നാന്. അയാള് കയി നീ്ട്ട്‌നാന്. അന്നാല് താനെ അയാള് കയിക്ക് സുഗ കെ്ഡേത്ത്‌ദ്.

ലൂക്കോസു 21:28

ഇദ്‌ഗാളെല്ല നഡാക്ക്യ പ്‌ഡിക്കാട്ടി നിമ്മ ഇ്ളാഗി അണ്ണാന്ത് നോഡുനു. എന്ത്‌ക്കെന്റ് സൊന്ന സാമി നിമാന കാപാറ്റുവ കാല നെര്‌ങ്ക്‌റ്റ്.>>

ഓഗന്നാന് 3:33

അയാള് സൊല്ലുവ നായന തങ്കാരിക്ക്‌ന്റവാന് സാമി സത്ത്യത്തെന്റ് ഒറേപ്പ് മാഡ്‌ന്റാന്.

അപ്പോസുത്തലാര് 7:51

തെപാനോസു പിന്നേമ് ഇത്തെ സൊന്നാന്. <<നിമ്മ സില്ലറെ പ്‌ഡിവാദഗാറാരല്ല, നിമ്മ് മനേസ്സ് സാമി നെനേവു ഒന്റുമില്ലാദെ അപ്പാര കെ്ട്ട് തള്ളിര്‌ന്റ്‌, സാമി സേദി നിമ്മ് കാദ്‌ക്ക് ഏ്റ്‌വാദ്‌മ് ഇല്ലെ. നിമ്മ് പാട്ടനാമ്‌ന പാസെ നിമ്മാമ് എന്നാല്‌ക്ക്‌മ് സാമിനിഗാല് ഗേവാദ്‌ന ഗേയ ബ്‌ഡുവാദില്ലെ.

റോമഗാറാര് 8:11

സാമി ഏസ്സ്‌ന സത്തവാര്‌ലിന്ത് ഉജുര്‌ളാക്ക്‌നാന്. അയി സാമിനിഗാല് നിമ്മോഡിര്‌ക്കുവദാന, ക്‌റ്‌സ്‌ത്ത് ഏസ്സ്‌ന സത്തവാര് പട്ട്‌ലിന്ത് ഉജുര്‌ളാക്ക്‌ന സാമി നിമ്മോഡിര്‌ക്കുവ തന്ന് നിഗാല്‌ന ബെത്ത് അളിന്ത് പോവ നിമ്മ് സരിഗലാക്ക്‌മ് ഉജുരു കൊഡുക്കുവാന്.

റോമഗാറാര് 8:23

സാമിനിഗാല് എന്നുവ ദാനന മുദാല് കെ്ഡേസിര്‌ക്കുവ നമ്മാമ് അളിവിര്‌ക്കുവ ഈ സരിഗലാത്ത്‌ലിന്ത് തപ്പിസി കഡാന്ത് സാമി മഗാനാര്‌മ് മഗളാര്‌മ് ആയ ബേ്ണ്ടി കാത്ത്‌കൊണ്ടു മനേസ്സ്‌കുള്ളുക്കു മുട്ടുമുട്ടുത്തു കൊണ്ടു ഇര്‌ക്ക്‌ന്റാമ്.

1 കൊരിന്ത്യഗാറാര് 1:30

സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.

1 കൊരിന്ത്യഗാറാര് 15:54

ഈ അളിവിര്‌ക്കുവ സരിഗല അളിവില്ലാത്താദ്‌മ് സത്ത് പോവ ഈ സരിഗല സാഗാത്ത സരിഗലാമ് ആയി തീര്‌ഗാട്ടി <<സാവു ഇല്ലാദെ ആയി ഗെലിസി കഡാന്ത്‌റ്‌ന്റാമ്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്കുവാദ് നഡാന്ത് മുഡിമ്.

1 തെസെലോനിക്ക്യഗാറാര് 5:19

സാമിനിഗാലോഡ മുട്ടദേന്.

എവുറായാര് 3:10

അദ്‌നാലെ എനാക്ക് അയി തലെകെ്ട്ട്‌ഗാളോഡ മൊനെ ബന്ത് <അവാര് എന്നാല്‌ക്ക്‌മ് എനാന ബ്‌ട്ട് ദൂര പോന്റവാര്‌മ് എന്ന് കല്‌പനെ പഡി നഡാക്കുവാദ്‌ന തള്ള്‌ന്റവാര്‌മ്> എന്റ് നാന് സൊന്നെ.

എവുറായാര് 3:17

സാമി ആരോഡ നാപ്പദ് ബര്‌സ്സ മൊനെപട്ടിന്താന്? പാവ ഗേന്ത അദേ ആള്‌ഗാളോഡാത്തെ. അവാരെല്ല ബെ്ട്ടെകാഡ്‌ല് സത്ത് കുദുങ്കുനാര്.