എപസോസുഗാറാര് 4:29 - സാമി സേദി

²⁹ നിമ്മ് ബായിലിന്ത് അഡ്‌ത്തവാര് മനേസ്സ്‌ന സങ്കഡപഡുസുവ നായഗാളൊന്റുമു സൊല്ല്യ പാങ്കില്ലെ. അദ്‌ക്ക് ബദ്‌ല അഡ്‌ത്തവാര്‌ക്ക് സാമി പ്‌ണ്ണ്യ കെ്ഡേക്കുവാദ്‌ക്ക്‌മ് അവാര് പുദ്യ പെ്ളേപ്പ് ഒറേപ്പാവാദ്‌ക്ക്‌മ് തഗ്‌ന്ത നല്ല കാര്യഗാള്‌നത്തെ നിമ്മ ഒപ്പ സൊല്ലുഡൊ.

എപസോസുഗാറാര് 4:29 ပူးပေါင်းရင်းမြစ်များ

മത്തായി 5:16

അദേപാസെ നിമ്മ ഗേവ നല്ല കാര്യഗാള്‌ന കണ്ട് മേലോഗാത്ത്‌ല നിമ്മ് അപ്പാന് സാമിന അഡ്‌ത്തവാര് പെരിമെപഡ്യ നിമ്മ് ബെ്ള്‌സ അവാര് മുന്നുക്കു അഡിക്കുഡൊ.>>

ലൂക്കോസു 4:22

അദ്‌ലിന്തവാര് ഒട്ടുക്കു അയാള്‌ന ഉജാത്തി സൊല്ലികൊണ്ടു അയാള് സൊന്ന അരിമ്യാന നായഗാള്‌ന കേ്ട്ട് അദിസ്യപട്ടാര്. <<ഇയാള് ഓസേപ് മഗാനല്ല?>> എന്റ് അവാര് സൊന്നാര്.

ഓഗന്നാന് 1:37

ഓഗന്നാന് സൊല്ലുവാദ്‌ന തന്ന് സൊല്ലുപഡിക്ക് നഡാക്കുവ അയി റാഡാള് കേ്ട്ട് ഏസ്സ് പിന്ന്‌മേലെ പോനാര്.

റോമഗാറാര് 14:19

അദ്‌നാലെ പിര്യപിര്യാത്തോഡ ഇര്‌ക്കുവ കാര്യഗാള് ഗേയ ബേ്ണ്ടിമ് നമ്മ് കൂട്ടാത്ത്‌ലവാര്‌ക്ക് ഇര്‌ക്കുവ നമ്പിക്കേന ആങ്കീങ്ക് ഒറേപ്പ് മാഡുവ കാര്യഗാള് ഗേയ ബേ്ണ്ടിമ് നിമ്മ ഓരാഡ്‌ന്.

റോമഗാറാര് 15:2

നമ്മ് കൂട്ടാത്ത്‌ല് ഒന്റൊന്റാള്‌മ് ആങ്കീങ്ക് നല്ലാദ് കെ്ഡേക്കുവ കാര്യഗാള് ഗേയ നോഡികൊണ്ടു അവാര്‌ന പിര്യപഡുസുഡൊ. അത്തെ നിമ്മ അവാര്‌ന നമ്പിക്കേല് ഒറേപ്പുള്ളവാര് മാഡുഡൊ.

1 കൊരിന്ത്യഗാറാര് 14:19

ആന ഏസ്സ്‌ഗാറാര് കൂട്ടാത്ത്‌ല് നെപ്പ് കെ്ഡേക്കാത്ത നായാത്ത്‌ല് പത്തായിര കണാക്ക് നായനൊഡിവാദ്‌ന ബ്‌ഡ അവാര്‌ന പഡിസ്യ ബേ്ണ്ടി ബുദ്ദില് അയിദ് നായ സൊല്ല്യ നാന് ആസെപഡ്‌ന്റെ.

എപസോസുഗാറാര് 4:16

അദല്ലാദെ താനെ ഒന്റു സരിഗലാത്ത്‌ല് ഇര്‌ക്കുവ ഒന്റൊന്റു മൂട്ടുമുറിഗാള് ഒന്റുക്കൊന്റു മൂണ്ടു അദാദ് ഗിലാസ ഗേന്ത് അയി സരിഗലന എത്തെ ദൊഡ്ഡുസുന്റൊ അദേപാസെ ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ നമ്മൊട്ടുക്കുമു ആങ്കീങ്ക് സീവാന്‌ബെത്ത് അവനവാന് ഗിലാസഗാള്‌ന ഗേന്ത് നമ്മൊട്ടുക്കു സാമിക്കിര്‌ക്കുവ ഗുണ ഉള്ളവാരായി തീരുഡൊ.

കൊലേസ്യഗാറാര് 4:6

നിമ്മ നായ നൊഡിഗാട്ടി അഡ്‌ത്തവാര്‌ക്ക് നെപ്പ് കെ്ഡേക്കുവ ദിന്‌സ്‌ല് അര്‌ത്തത്തോഡാമ് സാമി ബെത്ത്‌റ്‌ക്കുവ സീവാനോഡാമ് നായനൊഡിന്.

1 തെസെലോനിക്ക്യഗാറാര് 5:11

അദ്‌നാലെ നിമ്മ ഒപ്പ ഗേവ പാസെ ആങ്കീങ്ക് ദയിര പഡിസികൊണ്ടുമു നമ്പിക്കേല് ഒറേപ്പുള്ളവാര് മാഡികൊണ്ടുമു ഇര്‌ന്.

1 പത്ത്‌റോസു 2:12

എഗുദാരല്ലാത്ത ജാദിഗാള് പട്ട്‌ല് നിമ്മ നലമായി പെ്ളേക്കുഡൊ. അത്തെ നിമ്മ കെ്ട്ട കാര്യഗാള് ഗേന്റവാര് എന്റ് സൊല്ലുന്റവാര് നിമ്മ ഗേവ നല്ല കാര്യഗാള്‌ന കണ്ട് സാമി ബരുവ നാള് സാമിന ദൊഡ്ഡവാന് എന്റ് സൊല്ലുവാര്.

1 പത്ത്‌റോസു 3:1

അദേപാസെ പെ്ണ്ടച്ച്യാമെ, നിമ്മ് സൊന്ത ആളനച്ചനാമ്‌ക്ക് കെ്ട്ട്‌പട്ട് നഡാന്. അത്തെ നഡാന്ത നിമ്മ് കൂട്ടാത്ത്‌ല് സാമി സൊല്ലുസുലാക്ക പഡി നഡാക്കാത്തവാര് ഇന്തദാന തമ്മ് പെ്ണ്ടച്ച്യാമ് സാമിക്ക് അഞ്ചി സുത്താപ്പോഡ പെ്ളേക്കുവാദ്‌ന കണ്ട് ഒന്റുമു സൊല്ലാദെ താനെ നിമാക്കിര്‌ക്കുവ നല്ല ഗുണനാലെ അവാര്‌ന സാമിസാരി തിരിക്ക്യ മുഡിമ്.

2 പത്ത്‌റോസു 2:18

എന്ത്‌ക്കെന്റ് സൊന്ന, കാമാക്ക് കണ്ണില്ലാദെ പെ്ളേക്കുവാദ് പാവ അല്ല എന്നുവ അര്‌ത്തില്ലാത്ത പെരിമെനായഗാള്‌ന സൊല്ലി പാവ ഗേന്ത് പെ്ളേക്കുവ പെ്ളേപ്പ്‌ലിന്ത് കന്നപിന്ന തപ്പിസി കഡാന്തവാര്‌ന പിന്നേമ് അദേ പെ്ളേപ്പ്‌ക്ക് അവാര് സിക്ക്‌സ്‌ന്റാര്.