എപസോസുഗാറാര് 4:28 - സാമി സേദി

²⁸ നീ ത്‌റ്‌ട്ടാനായിന്തദാന ത്‌റ്‌ഡുവാദ്‌ന തെ്റിന്ത് തള്ളുഡൊ. അത്തെ ത്‌റ്‌ഡുവാദ്‌ന തെ്റിന്ത് ഏ്ളെമോളേക്ക് ഗുഡി ദാന ഗേയ കെ്ഡേക്കുവാദ്‌ക്കഞ്ച്‌ക്ക്‌മ് നീ നിന്ന് കയില് താനെ പാഡ്‌പട്ട് ഉണ്ടാക്കുഡൊ.

എപസോസുഗാറാര് 4:28 ပူးပေါင်းရင်းမြစ်များ

ലൂക്കോസു 19:8

സക്കായി ഇ്ളാഗി നിന്റ് ആണ്ടവാന്‌ക്ക്: <<ഗുരുവെ, ഇദാ നാന് സമ്പാരിത്ത സൊത്തുലു പാദിന ഏ്ളെഗാള്‌ക്ക് കൊഡുക്ക്യ പോന്റെ, ആരാറ്റോഡിന്ത് ഏമാത്തി ബാങ്കിന്തദാന ഒന്റുക്കു ബ്‌ഡ നാക്കെ്ണ്ണ മാഡി കൊഡുക്കുവെ>> എന്റ് സൊന്നാന്.

ലൂക്കോസു 3:8

നിമ്മ പാവ ഗേവാദ്‌ന തള്ള്‌നേമ് എന്റ് കാട്ടുവാദ്‌ക്കുള്ള കാര്യഗാള് ഗേന്. <അവുറഗാമ്‌ത്തെ എമ്മ് പാട്ടാന്> എന്റ് നിമ്മ നിമ്മ് മനേസ്സ്‌കുളാക്ക് താനെ സൊല്ലാദേന്. എന്ത്‌ക്കെന്റ് സൊന്ന ഈ കല്ല്‌ഗാള്‌ലിന്ത് അവുറഗാമ്‌ക്ക് മക്കാള്‌ഗാള്‌ന ഉണ്ടാക്കി കൊഡുക്ക്യ സാമിക്ക് മുഡിമ് എന്റ് നാന് നിമാക്ക് സൊന്റെ.

ഓഗന്നാന് 12:6

അയാള് ഇത്തെ സൊന്നാദ് ഏ്ളെഗാള്‌ന കറ്‌മ്മ പ്‌ഡിക്കുവാദ്‌നാലെ അല്ല, അയാള് ത്‌റ്‌ട്ടാന് ആനാദ്‌നാലേത്തെ. പണ പയി അയാള് കയില് ഇന്താദ്‌നാലെ അദ്‌ക്കിക്കുവ പണാന അയാള് എ്ഡ്‌ത്ത് കൊണ്ടിന്താന്.

ഓഗന്നാന് 13:29

പണ പയി ജൂദാന് കയില് ഇന്താദ്‌നാലെ നോമ്പിക്ക് ബേ്ഡ്‌മാനാദ് ബാങ്ക്യാഗൊ ഏ്ളെഗാള്‌ക്ക് എന്തൊന്റു കൊഡുക്ക്യാഗൊ ഏസ്സ് അയാള്‌ക്ക് സൊന്റാന് എന്റ് സൊല്ലുപഡി നഡാക്ക്‌ന്റവാര്‌ല് ലേസ ആള്‌ഗാള് നെനേത്താര്.

റോമഗാറാര് 12:13

സാമിക്ക് പട്ടവാര്‌ക്ക് ബേ്ഡ്‌മാന കാര്യഗാള്‌ക്ക് ഉദാവി ഗേന്. നിമ്മ് പട്ട്‌ക്ക് ബന്ത് പോന്റവാര്‌ന നലമായി നോഡി ബ്‌ഡ്‌ന്.

1 കൊരിന്ത്യഗാറാര് 4:12

എമ്മ് ബേ്റ്‌വായിക്ക് ബേ്ണ്ടി എമ്മ അവനവാന് കയില് താനെ പാഡ്‌പഡ്‌ന്റേമ്. എമാന സാപ്പ ഇക്ക്‌ഗാട്ടിമ് അവാര്‌ക്ക് നല്ലാദ് ബര്യ ബേ്ണ്ടി എമ്മ പരേസ്‌ന്റേമ്. എമാന കൊഡിമെപഡ്‌സ്‌ഗാട്ടിമ് എമ്മ അദ്‌ന പൊറിമോഡ താങ്ക്‌ന്റേമ്.

2 കൊരിന്ത്യഗാറാര് 8:12

നിമാക്ക് കൊഡുക്ക്യ മുഡിവാദ്‌ന നിമ്മ പിര്യപിര്യാത്തോഡ കൊഡുനു. അത്തെ കൊഡുത്തദാന സാമിക്ക് മെച്ച്‌പ്‌ഡിക്ക്‌മ്.

2 കൊരിന്ത്യഗാറാര് 8:2

മ്‌ഗ്‌ന്ത കൊഡിമെഗാള് ബന്ത് സോദണെ പട്ട ഈ ഏസ്സ്‌ഗാറാര് കൂട്ട ഏ്ളെഗാള് ആയിന്താര്. എന്റിന്ത് ഗുഡി അവാര് മനേസ്സാറ എഞ്ച്‌ക്കൊ ദറ്‌മ്മ കൊഡുക്ക്യ എത്ത്‌റാഗോ പിര്യ ഉള്ളവാര് ആയിന്താര്.

ഗലാത്ത്യഗാറാര് 6:10

നല്ലാദ് ഗേയ സദുവു കെ്ഡേക്കാട്ട്യെല്ല എല്ലാ ആള്‌ഗാള്‌ക്ക്‌മ് നല്ലാദ് ഗേഡൊ. മുക്ക്യമായിമ് നമാന പാസെ ഏസ്സ്‌ന നമ്പിര്‌ക്ക്‌ന്റവാര്‌ക്ക് ഒട്ടുക്കുമു ഗേഡൊ.

1 തിമിത്തോസു 6:18

നല്ലാദ് ഗേയാമ്, നല്ല കാര്യഗാള് ഗേവാദ്‌ല് ഗട്ടിഗാറാര് ആയിര്‌ക്ക്യാമ്, ദാന ഗേയാമ്, തമാക്ക് കെ്ഡേക്കുവാദ്‌ന ആങ്കീങ്ക് പങ്കിപജ്‌ന്ത് കൊഡുക്ക്യാമ് മനേസ്സുള്ളവാര് ആയിര്‌ക്ക്യ നീ അവാര്‌ക്ക് സൊല്ലു.

തീത്തോസു 3:14

നമ്മ് ആള്‌ഗാള് ഉവഗരില്ലത്തവാരാഗാദെ അഡ്‌ത്തവാര്‌ക്ക് ബേ്ഡ്‌മാന കാര്യഗാള്‌ന കാണ്‌ഗാട്ടി അദ് ഗേന്ത് കൊഡുത്തു നല്ല കാര്യഗാള് ഗേയ പഡിക്കുഡൊ.

തീത്തോസു 3:8

നാന് സൊന്ന ഈ കാര്യഗാളെല്ല നേര്‌മ് നമ്പ്യ മുഡിവാദ്‌മ്‌ത്തെ. അദ്‌നാലെ ഈ കാര്യഗാള്‌നെല്ല കണ്ടിപ്പായി ആള്‌ഗാള്‌ക്ക് പഡുസുഡൊ എന്റ് നാന് ആസെപഡ്‌ന്റെ. അത്ത്യാന സാമിന നമ്പിര്‌ക്കുവ ആള്‌ഗാള് നല്ല കാര്യഗാള് ഗേയ ബേ്ണ്ടി നല്ല ഓരാഡുവാര്. ഈ കാര്യഗാള് നല്ലാദ്‌മ് എല്ലാ ആള്‌ഗാള്‌ക്ക്‌മ് ഉവഗരപഡുവാദ്‌മ്‌ത്തെ.